ಪುಣೆ ನಗರದಲ್ಲಿ ಮತ್ತೆ ‘ಕಾರ್ಪೊರೇಟ್ ಜಿಹಾದ್’ ಪ್ರಕರಣ

ಪುಣೆ – ಔಂಧ್‌ನ ಪ್ರಸಿದ್ಧ ‘ಸ್ಟಾರ್ ಯೂನಿಯನ್ ದೈ ಇಚಿ ಲೈಫ್ ಇನ್ಶೂರೆನ್ಸ್ ಕಂಪನಿ’ ಎಂಬ ವಿಮಾ ಸಂಸ್ಥೆಯಲ್ಲಿ ಕೆಲಸ ಮಾಡುವ ಹಿಂದೂ ಯುವತಿಯ ಅತ್ಯಾಚಾರ, ಅವಳೊಂದಿಗೆ ಅಶ್ಲೀಲ ಸಂಭಾಷಣೆ ಮತ್ತು ಕಿರುಕುಳ ನೀಡಿರುವುದು ಬೆಳಕಿಗೆ ಬಂದಿದೆ. ಈ ಪ್ರಕರಣದಲ್ಲಿ ಮುಸ್ಲಿಂ ವ್ಯವಸ್ಥಾಪಕ ಮೊಹಮ್ಮದ್ ಅಲಿಯಾಸ್ ಜಾಫರ್ ಸೈಯದ್‌ನನ್ನು ಹಿಂಜವಡಿ ಪೊಲೀಸರು ಬಂಧಿಸಿದ್ದಾರೆ. ‘ಕಾರ್ಪೊರೇಟ್ ಜಿಹಾದ್’ ಪ್ರಕರಣಗಳಿಂದ ಈ ಕ್ಷೇತ್ರಗಳಲ್ಲಿ ಕೆಲಸ ಮಾಡುವ ಮಹಿಳೆಯರ ಸುರಕ್ಷತೆಯ ಪ್ರಶ್ನೆ ಎದುರಾಗಿದೆ.

1. ಆರೋಪಿ ಜಾಫರ್ ಉನ್ನತ ಹುದ್ದೆಯಲ್ಲಿದ್ದು, ಆತ ಶಾಖೆಯ ವ್ಯವಸ್ಥಾಪಕನಾಗಿದ್ದಾನೆ. ಸಂತ್ರಸ್ತ ಯುವತಿಗೆ ಕೆಲಸದ ಹೊರತಾಗಿ ವೈಯಕ್ತಿಕ ಕೆಲಸಗಳಿಗಾಗಿ ಆತ ಮೊಬೈಲ್ ಕರೆ ಮಾಡುತ್ತಿದ್ದನು.

2. ಆರೋಪಿಯು ಸಂತ್ರಸ್ತೆಯೊಂದಿಗೆ ಮಾತನಾಡುವಾಗ ಅತ್ಯಂತ ಅಶ್ಲೀಲ ಭಾಷೆಯಲ್ಲಿ ಮತ್ತು ಅವಳ ಮನಸ್ಸಿಗೆ ಲಜ್ಜೆ ಉಂಟಾಗುವಂತೆ ಸಂಭಾಷಣೆ ನಡೆಸಿ, ಅವಳಿಗೆ ಮಾನಸಿಕ ಕಿರುಕುಳ ನೀಡುತ್ತಿದ್ದನು.

3. ಒಂದು ದಿನ ಕೆಲಸದ ನೆಪದಲ್ಲಿ ಆತ ಅವಳನ್ನು ಲೋನಾವಳಾಕ್ಕೆ ಕರೆದುಕೊಂಡು ಹೋಗಿದ್ದನು. ಅಲ್ಲಿ ಆತ ಯುವತಿಯೊಂದಿಗೆ ಅಶ್ಲೀಲವಾಗಿ ವರ್ತಿಸಲು ಯತ್ನಿಸಿದ್ದನು.

4. ಹಿರಿಯ ಅಧಿಕಾರಿಯ ಈ ವಿಕೃತ ನಡವಳಿಕೆಯಿಂದ ಬೇಸತ್ತ ಸಂತ್ರಸ್ತ ಯುವತಿಯು ಹಿಂಜವಡಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾಳೆ.