ಅಮೆರಿಕಾದ ಕ್ಯಾಲಿಫೋರ್ನಿಯಾ ರಾಜ್ಯದಲ್ಲಿ ದೀಪಾವಳಿಗೆ ಅಧಿಕೃತ ರಜೆ ಘೋಷಣೆ!

ಲಾಸ್ ಏಂಜಲೀಸ್ (ಅಮೆರಿಕ) – ಅಮೆರಿಕಾದ ಕ್ಯಾಲಿಫೋರ್ನಿಯಾ ರಾಜ್ಯದಲ್ಲಿ ಈಗ ದೀಪಾವಳಿಯ ದಿನವನ್ನು ಅಧಿಕೃತ ರಜೆಯೆಂದು ಘೋಷಿಸಲಾಗಿದೆ. ಕ್ಯಾಲಿಫೋರ್ನಿಯಾ ವಿಧಾನ ಸಭೆಯು ‘ಎಬಿ 268 ವಿಧೇಯಕ’ವನ್ನು ಅಂಗೀಕರಿಸಿದ್ದು, ಅದರಲ್ಲಿ ದೀಪಾವಳಿ ರಜೆಯ ಘೋಷಣೆಯನ್ನು ಸೇರಿಸಲಾಗಿದೆ.

ಈ ವಿಧೇಯಕವನ್ನು ಜನವರಿ 2025ರಲ್ಲಿ ಮಂಡಿಸಲಾಗಿತ್ತು. ದೀಪಾವಳಿಯನ್ನು ರಾಜ್ಯದ ರಜೆಗಳ ಪಟ್ಟಿಯಲ್ಲಿ ಸೇರಿಸುವುದು, ಹಾಗೂ ಸಮುದಾಯ ಕಾಲೇಜುಗಳು ಮತ್ತು ಸರಕಾರಿ ಶಾಲೆಗಳಿಗೆ ಈ ದಿನದಂದು ರಜೆ ಘೋಷಿಸುವ ಅಧಿಕಾರ ನೀಡುವುದು ಈ ವಿಧೇಯಕದಲ್ಲಿ ಅವಕಾಶ ಒದಗಿಸಲಾಗಿತ್ತು. ಈ ವಿಧೇಯಕವು ಸೆಪ್ಟೆಂಬರ್ 10ರಂದು ವಿಧಾನಸಭೆಯಲ್ಲಿ 36 ವಿರುದ್ಧ 4 ಮತಗಳಿಂದ ಮತ್ತು ಸೆಪ್ಟೆಂಬರ್ 11, 2025ರಂದು ‘ಸೆನೆಟ್’ನಲ್ಲಿ 76 ವಿರುದ್ಧ 4 ಮತಗಳಿಂದ ಅಂಗೀಕರಿಸಲ್ಪಟ್ಟಿತು. ಈ ವಿಧೇಯಕದ ನಂತರ, ಕ್ಯಾಲಿಫೋರ್ನಿಯಾದಲ್ಲಿ ದೀಪಾವಳಿಯನ್ನು ‘ರಾಜ್ಯ ರಜೆ’ಯೆಂದು ಘೋಷಿಸಲಾಗಿದೆ.