ಬಾಂಗ್ಲಾದೇಶದಲ್ಲಿ ಹಿಂದೂ ಮಹಿಳಾ ವ್ಯವಸ್ಥಾಪಕಿಯ ಅನುಮನಾಸ್ಪದ ಸಾವು : Bangladesh

ಢಾಕಾ (ಬಾಂಗ್ಲಾದೇಶ) – ಬಾಂಗ್ಲಾದೇಶದ ಚಿತ್ತಗಾಂವ್ ನಗರದಲ್ಲಿ ಪ್ರಿಯಾಂಕಾ ದತ್ತಾ ಎಂಬ ಹಿಂದೂ ಮಹಿಳೆಯ ಮೃತದೇಹವು ಆಕೆ ಕೆಲಸ ಮಾಡುತ್ತಿದ್ದ ‘ನಾದಿಯಾಸ್ ಮೇಕ್‌ ಓವರ್’ ಬ್ಯೂಟಿ ಪಾರ್ಲರ್‌ ನ ಸ್ನಾನಗೃಹದಲ್ಲಿ ಅನುಮನಾಸ್ಪದ ಸ್ಥಿತಿಯಲ್ಲಿ ಪತ್ತೆಯಾಗಿದೆ. ಆಕೆ ಈ ಪಾರ್ಲರ್‌ ನ ಒಂದು ಶಾಖೆಯ ವ್ಯವಸ್ಥಾಪಕಿಯಾಗಿದ್ದರು. ಇದು ಆತ್ಮಹತ್ಯೆಯಲ್ಲ, ಕೊಲೆಯಾಗಿರಬಹುದು ಎಂದು ಪ್ರಾಥಮಿಕವಾಗಿ ಸಂದೇಹ ವ್ಯಕ್ತವಾಗಿದೆ. ಪೊಲೀಸರು ಸ್ಥಳಕ್ಕೆ ಧಾವಿಸಿ ಮೃತದೇಹವನ್ನು ಮರಣೋತ್ತರ ಪರೀಕ್ಷೆಗಾಗಿ ಚಿತ್ತಗಾಂವ್ ವೈದ್ಯಕೀಯ ಕಾಲೇಜಿನ ಆಸ್ಪತ್ರೆಗೆ ಕಳುಹಿಸಿದ್ದು, ಪ್ರಿಯಾಂಕಾ ಅವರ ಪತಿಯನ್ನು ವಿಚಾರಣೆಗಾಗಿ ವಶಕ್ಕೆ ಪಡೆದಿದ್ದಾರೆ. ಪ್ರಸ್ತುತ ಈ ಪ್ರಕರಣದ ತನಿಖೆ ನಡೆಯುತ್ತಿದೆ.

ಇದಕ್ಕೂ ಮೊದಲು, ಬಾಂಗ್ಲಾದೇಶದ ಮುನ್ಸಿಗಂಜ್‌ನಲ್ಲಿ ಹಿಂದೂ ಪತ್ರಕರ್ತ ಬಿಭುರಂಜನ್ ಸರಕಾರ್ ಅವರ ಮೃತದೇಹ ನದಿಯಲ್ಲಿ ಪತ್ತೆಯಾಗಿತ್ತು. ಹೀಗಾಗಿ, ಅಲ್ಪಸಂಖ್ಯಾತ ಹಿಂದೂಗಳು ಈ ರೀತಿಯಾಗಿ ಅನುಮನಾಸ್ಪದ ರೀತಿಯಲ್ಲಿ ಮೃತಪಡುತ್ತಿರುವ ಇದು ಸತತ ಎರಡನೇ ಘಟನೆಯಾಗಿದೆ.