ಕಳೆದ 6 ತಿಂಗಳಲ್ಲಿ ಅಮೆರಿಕಾದಿಂದ ಭಾರತೀಯರನ್ನು ವಾಪಸ್ ಕಳುಹಿಸುವ ಪ್ರಮಾಣ ಶೇ 267ರಷ್ಟು ಹೆಚ್ಚಳ – Indian Immigrants Deportation

ಡೊನಾಲ್ಡ್ ಟ್ರಂಪ್ ಅವರ ಆಡಳಿತದ ಕಾಲಾವಧಿಯಲ್ಲಿ ವಲಸೆ ನೀತಿ ಅತಿ ಹೆಚ್ಚು ಕಠೋರ ಆಗಿದೆ!

ನವದೆಹಲಿ – ಡೊನಾಲ್ಡ್ ಟ್ರಂಪ್ ಅವರು ಜನವರಿ 2025ರಲ್ಲಿ ಅಮೆರಿಕಾದ ಅಧ್ಯಕ್ಷರಾಗಿ ಅಧಿಕಾರ ವಹಿಸಿಕೊಂಡ ನಂತರ, ವಲಸೆ ನೀತಿಗಳು ಹೆಚ್ಚು ಕಠಿಣವಾಗಿವೆ. ಇದರ ಪರಿಣಾಮವಾಗಿ, ಕಳೆದ 6 ತಿಂಗಳಲ್ಲಿ ಭಾರತೀಯರನ್ನು ದೊಡ್ಡ ಪ್ರಮಾಣದಲ್ಲಿ ವಾಪಸ್ಸು ಕಳುಹಿಸಲಾಗುತ್ತಿದೆ.

ಮಾಜಿ ಅಧ್ಯಕ್ಷ ಜೋ ಬೈಡೆನ್ ಅವರ ಅಧಿಕಾರಾವಧಿಯಲ್ಲಿ ಪ್ರತಿದಿನ ಸರಾಸರಿ 3 ಭಾರತೀಯರನ್ನು ವಾಪಸ್ಸು ಕಳುಹಿಸಲಾಗುತ್ತಿತ್ತು. ಆದರೆ, ಈಗ ಈ ಸಂಖ್ಯೆ 8ಕ್ಕೆ ತಲುಪಿದೆ. ಶೇಕಡಾವಾರು ಲೆಕ್ಕದಲ್ಲಿ ಇದು ಶೇ 267ರಷ್ಟು ಹೆಚ್ಚಳವಾಗಿದೆ.

1. ಭಾರತದ ವಿದೇಶಾಂಗ ಸಚಿವಾಲಯದ ಪ್ರಕಾರ, ಜನವರಿ 2020 ರಿಂದ ಜುಲೈ 2025 ರ ವರೆಗಿನ ಐದೂವರೆ ವರ್ಷಗಳಲ್ಲಿ, ಒಟ್ಟು 7 ಸಾವಿರ 244 ಭಾರತೀಯರನ್ನು ವಿವಿಧ ಕಾರಣಗಳಿಗಾಗಿ ಅಮೆರಿಕಾದಿಂದ ಭಾರತಕ್ಕೆ ವಾಪಸ್ಸು ಕಳುಹಿಸಲಾಗಿದೆ. ಟ್ರಂಪ್ ಅವರ ಅಧಿಕಾರಾವಧಿಯಲ್ಲಿ ಅಂದರೆ ಜನವರಿ 2025 ರಿಂದ ವಿಚಾರ ಮಾಡಿದರೆ 1 ಸಾವಿರದ 703 ಜನರನ್ನು ವಾಪಸ್ಸು ಕಳುಹಿಸಲಾಗಿದೆ. ಈ ಸಂಖ್ಯೆ ಐದೂವರೆ ವರ್ಷಗಳ ಒಟ್ಟು ಸಂಖ್ಯೆಯ ಹೋಲಿಕೆಯಲ್ಲಿ ಶೇಕಡಾ 25 ರಷ್ಟಿದೆ.

2. ರಾಜ್ಯವಾರು ಭಾರತಕ್ಕೆ ಮರಳಿ ಕಳುಹಿಸಿರುವ ಅಂಕಿ-ಅಂಶಗಳನ್ನು ನೋಡಿದರೆ, ಪಂಜಾಬ್ ಮತ್ತು ಹರಿಯಾಣ ಈ 2 ರಾಜ್ಯದಿಂದ ಅನುಕ್ರಮವಾಗಿ 620 ಮತ್ತು 604 ಭಾರತೀಯರನ್ನು ಅಮೆರಿಕದಿಂದ ವಾಪಸ್ಸು ಕಳುಹಿಸಲಾಗಿದೆ.

ಇದರ ನಂತರ ಗುಜರಾತ ಕ್ರಮಾಂಕದಲ್ಲಿ ಬರುತ್ತದೆ. 254 ಗುಜರಾತಿಗಳನ್ನು ಅಮೆರಿಕ ವಾಪಸ್ಸು ಕಳುಹಿಸಿದೆ. ಗೋವಾದ 26 ಮತ್ತು ಮಹಾರಾಷ್ಟ್ರದ 20 ಜನರನ್ನು ಸಹ ವಾಪಸ್ಸು ಕಳುಹಿಸಲಾಗಿದೆ.