‘ಭಾರತ ರಷ್ಯಾದಿಂದ ತೈಲ ಖರೀದಿಸುತ್ತಿರುವುದರಿಂದಲೇ ಭಾರತ-ಅಮೆರಿಕ ಸಂಬಂಧಗಳಲ್ಲಿ ಕಟುತ್ವ!’

ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಮಾರ್ಕೋ ರುಬಿಯೋ ಅವರ ಸ್ವಾರ್ಥ!

ವಾಷಿಂಗ್ಟನ್ (ಅಮೆರಿಕ) – ಭಾರತ ರಷ್ಯಾದಿಂದ ತೈಲ ಖರೀದಿಸುತ್ತಿರುವುದರಿಂದ ರಷ್ಯಾಕ್ಕೆ ಉಕ್ರೇನ್‌ನಲ್ಲಿ ಯುದ್ಧ ಮಾಡಲು ಬೆಂಬಲ ಸಿಗುತ್ತಿದೆ. ಇದರಿಂದಾಗಿಯೇ ಭಾರತ ಮತ್ತು ಅಮೆರಿಕದ ಸಂಬಂಧಗಳಲ್ಲಿ ಕಟುತ್ವ ಉಂಟಾಗಿದೆ. ಕಟುತ್ವದ ಹಿಂದಿನ ಕೆಲವು ಕಾರಣಗಳಲ್ಲಿ ಇದೂ ಒಂದು ಕಾರಣ, ಎಂದು ಅಮೆರಿಕದ ವಿದೇಶಾಂಗ ಕಾರ್ಯದರ್ಶಿ ಮಾರ್ಕೋ ರುಬಿಯೋ ಅವರು ಸ್ವಾರ್ಥಿ ನಿಲುವನ್ನು ಮಂಡಿಸಿದ್ದಾರೆ. ಅವರು ‘ಫಾಕ್ಸ್ ರೇಡಿಯೋ’ಗೆ ನೀಡಿದ ಸಂದರ್ಶನದಲ್ಲಿ ಮಾತನಾಡುತ್ತಿದ್ದರು.

೧. ರುಬಿಯೋ ಅವರು ಮಾತು ಮುಂದುವರೆಸಿ, ಉಕ್ರೇನ್ ವಿರುದ್ಧದ ಯುದ್ಧಕ್ಕೆ ಹಣ ನೀಡಲು ಇತರ ಅನೇಕ ತೈಲ ಮಾರಾಟಗಾರರು ಇದ್ದರೂ, ಭಾರತವು ರಷ್ಯಾದಿಂದ ತೈಲ ಖರೀದಿಸುತ್ತಿದೆ. ಇದರಿಂದ ಡೊನಾಲ್ಡ್ ಟ್ರಂಪ್ ಅವರು ನಿರಾಶರಾಗಿದ್ದಾರೆ. (ದುರಹಂಕಾರಿ ಅಮೆರಿಕ! – ಸಂಪಾದಕರು)

೨. ರುಬಿಯೋ ಅವರು, ಭಾರತಕ್ಕೆ ಭಾರೀ ಪ್ರಮಾಣದ ಶಕ್ತಿಯ ಅವಶ್ಯಕತೆಯಿದೆ. ರಷ್ಯಾದ ತೈಲ ಅಗ್ಗವಾಗಿದೆ. ಅನೇಕ ನಿರ್ಬಂಧಗಳಿಂದಾಗಿ ರಷ್ಯಾ ಅದನ್ನು ಜಾಗತಿಕ ಮೌಲ್ಯಕ್ಕಿಂತ ಕಡಿಮೆ ಬೆಲೆಗೆ ಮಾರಾಟ ಮಾಡುತ್ತಿದೆ. (ಇದು ತಿಳಿದಿದ್ದರೂ, ರುಬಿಯೋ ಅವರು ಭಾರತದ ಮೇಲೆ ಅಧಿಕಾರ ನಡೆಸಲು ಪ್ರಯತ್ನಿಸುತ್ತಿದ್ದಾರೆ! ರಷ್ಯಾವನ್ನು ವಿರೋಧಿಸುವುದರಿಂದ ಅಮೆರಿಕದ ಹಿತಾಸಕ್ತಿಗಳು ಸಾಧಿಸಲ್ಪಡುತ್ತವೆ. ಅದೇ ರೀತಿ, ಭಾರತಕ್ಕೆ ಅಗ್ಗದ ತೈಲ ಸಿಗುವುದರಿಂದ ಅದರ ೧೪೦ ಕೋಟಿ ಜನರ ಹಿತಾಸಕ್ತಿಗಳನ್ನು ಸಾಧಿಸಲು ಸಾಧ್ಯವಾಗುತ್ತದೆ. ಇಂತಹ ಸಮಯದಲ್ಲಿ, ಅಮೆರಿಕಕ್ಕೆ ಭಾರತದ ಹಿತಾಸಕ್ತಿಗಳು ಬೇಕಿಲ್ಲ ಎಂಬುದು ಇದರಿಂದ ಸ್ಪಷ್ಟವಾಗುತ್ತದೆ! – ಸಂಪಾದಕರು)