ಮೇ ತಿಂಗಳಲ್ಲಿ ಟರ್ಕಿಗೆ ಪ್ರವಾಸಕ್ಕಾಗಿ ಹೋಗುವ ಭಾರತೀಯರ ಸಂಖ್ಯೆಯಲ್ಲಿ 24% ಇಳಿಕೆ!

ಟರ್ಕಿಯು ಪಾಕಿಸ್ತಾನಕ್ಕೆ ಸೇನಾ ನೆರವು ನೀಡಿದ ನಂತರ ಭಾರತೀಯರು ಬಹಿಷ್ಕಾರಕ್ಕೆ ಕರೆ ನೀಡಿದ ಪರಿಣಾಮ

ನವದೆಹಲಿ – ಟರ್ಕಿಯು ‘ಆಪರೇಷನ್ ಸಿಂದೂರ್’ದ ಸಮಯದಲ್ಲಿ ಪಾಕಿಸ್ತಾನಕ್ಕೆ ಸೇನಾ ನೆರವು ನೀಡಿದ್ದರಿಂದ, ಭಾರತೀಯರಿಂದ ಟರ್ಕಿಯ ಮೇಲೆ ಬಹಿಷ್ಕಾರ ಹಾಕುವ ಅಭಿಯಾನವು ಸಾಮಾಜಿಕ ಮಾಧ್ಯಮಗಳ ಮೂಲಕ ಪ್ರಾರಂಭವಾಯಿತು. ಇದರಿಂದಾಗಿ, ಮೇ ತಿಂಗಳಲ್ಲಿ ಟರ್ಕಿಗೆ ಪ್ರವಾಸಕ್ಕಾಗಿ ಭೇಟಿ ನೀಡುವ ಭಾರತೀಯರ ಸಂಖ್ಯೆಯಲ್ಲಿ 24% ಇಳಿಕೆಯಾಗಿದೆ.

ಪ್ರತಿ ವರ್ಷ ಭಾರತದಿಂದ ಟರ್ಕಿಯಲ್ಲಿನ ಇಸ್ತಾMಬುಲ್, ಕ್ಯಾಪಡೋಸಿಯಾ ಮತ್ತು ಅಂಟಲ್ಯದಂತಹ ಸ್ಥಳಗಳಿಗೆ ಪ್ರವಾಸ ಹೋಗುವುದು ಭಾರತೀಯರ ದೊಡ್ಡ ಆದ್ಯತೆಯಾಗಿದೆ; ಆದರೆ ಭಾರತೀಯರು ಬಹಿಷ್ಕಾರ ಘೋಷಿಸಿದ ನಂತರ, ‘ಭಾರತೀಯ ಟ್ರಾವೆಲ್ ಏಜೆನ್ಸಿಗಳು’ ಮತ್ತು ‘ಟೂರ್ ಆಪರೇಟರ್‌ಗಳು’ ಟರ್ಕಿಗೆ ಪ್ರವಾಸಗಳನ್ನು ಕಡಿಮೆ ಮಾಡಲು ಪ್ರಾರಂಭಿಸಿದ್ದಾರೆ.