ಇಬ್ಬರು ಹಿಂದೂ ಬಾಲಕರನ್ನು ಇಸ್ಲಾಂಗೆ ಮತಾಂತರಿಸಿದ್ದು ಕಾನೂನುಬಾಹಿರ : ಮಲೇಷ್ಯಾದ ನ್ಯಾಯಾಲಯ !

ತಾಯಿಯ ಅನುಮತಿಯಿಲ್ಲದೆ ಮತಾಂತರ ನಡೆದಿತ್ತು

ಕೌಲಾಲಂಪುರ (ಮಲೇಷ್ಯಾ) – ಇಬ್ಬರು ಹಿಂದೂ ಬಾಲಕರನ್ನು ಇಸ್ಲಾಂಗೆ ಮತಾಂತರಿಸಿರುವುದನ್ನು ಕಾನೂನುಬದ್ಧಗೊಳಿಸಬೇಕೆಂಬ ಸರಕಾರದ ಮನವಿಯನ್ನು ಮಲೇಷ್ಯಾದ ನ್ಯಾಯಾಲಯವು ತಿರಸ್ಕರಿಸಿದೆ. ಈ ಮತಾಂತರವನ್ನು ಮಕ್ಕಳ ತಾಯಿಯ ಒಪ್ಪಿಗೆಯಿಲ್ಲದೆ ಮಾಡಲಾಗಿದೆ. ಇಬ್ಬರೂ ಪೋಷಕರ ಒಪ್ಪಿಗೆಯಿಲ್ಲದೆ ಮತಾಂತರಗೊಳ್ಳುವುದು ಕಾನೂನುಬದ್ಧವಲ್ಲ, ಎಂದು ನ್ಯಾಯಾಲಯ ಹೇಳಿದೆ.

ಲೋಹ್ ಸೀವ್ ಹಾಂಗ್ ಎಂಬ ಹಿಂದೂ ಮಹಿಳೆ ತನ್ನ ಮಕ್ಕಳ ಪಾಲನೆ ಪಡೆಯಲು ಮತ್ತು ಅವರ ಇಸ್ಲಾಂಗೆ ಮತಾಂತರವನ್ನು ಅಕ್ರಮವೆಂದು ಘೋಷಿಸಲು 8 ವರ್ಷಗಳ ಸುದೀರ್ಘ ಹೋರಾಟ ನಡೆಸಿದರು. 2022 ರಲ್ಲಿ, ಹಾಂಗ್ ಅವರು ಉಚ್ಚ ನ್ಯಾಯಾಲಯದಲ್ಲಿ ಪ್ರಕರಣವನ್ನು ಸೋತರು. ನಂತರ ಅವರು ಉಚ್ಚ ನ್ಯಾಯಾಲಯದ ತೀರ್ಪನ್ನು ಫೆಡರಲ್ ನ್ಯಾಯಾಲಯದಲ್ಲಿ ಪ್ರಶ್ನಿಸಿದರು. ಹಿರಿಯ ನ್ಯಾಯಾಲಯವು ಈ ಮತಾಂತರವನ್ನು ಅಕ್ರಮವೆಂದು ತೀರ್ಪು ನೀಡಿತು. ಈ ಮತಾಂತರವು ಮಲೇಷ್ಯಾದ ಪೆರ್ಲಿಸ್ ರಾಜ್ಯದಲ್ಲಿ ನಡೆದಿತ್ತು. ವಿಚಾರಣೆಯ ಸಮಯದಲ್ಲಿ, ಫೆಡರಲ್ ನ್ಯಾಯಾಲಯವು ಪೆರ್ಲಿಸ್ ಸರಕಾರವನ್ನು ತರಾಟೆಗೆ ತೆಗೆದುಕೊಂಡಿತು. “ಪೆರ್ಲಿಸ್ ಸರಕಾರದ ಪರವಾಗಿ ವಾದಿಸಲು ಅವಕಾಶ ನೀಡಿದರೆ, ಮತಾಂತರದಂತಹ ಸಂವಿಧಾನ ವಿರೋಧಿ ಕೃತ್ಯಗಳಿಗೆ ಪ್ರೋತ್ಸಾಹ ನೀಡಿದಂತಾಗುತ್ತದೆ” ಎಂದು ಫೆಡರಲ್ ನ್ಯಾಯಾಲಯ ಹೇಳಿತ್ತು.