Harvard Khalistan Article : ಖಲಿಸ್ತಾನಿ ಭಯೋತ್ಪಾದನೆ ಲೇಖನ; ಭಯದಿಂದ ಮಾಸಪತ್ರಿಕೆಯಿಂದ ತೆಗೆದ ಹಾರ್ವರ್ಡ್ ವಿವಿ

ಕೇಂಬ್ರಿಡ್ಜ್ (ಅಮೇರಿಕಾ) – ಜಗತ್ತಿನ ಅತ್ಯಂತ ಪ್ರತಿಷ್ಠಿತ ಶೈಕ್ಷಣಿಕ ಸಂಸ್ಥೆ ‘ಹಾರ್ವರ್ಡ್ ವಿಶ್ವವಿದ್ಯಾಲಯ’ದ ದ್ವಿಮುಖ ಬಹಿರಂಗವಾಗಿದೆ. ಸ್ವತಃ ಅಭಿವ್ಯಕ್ತಿ ಸ್ವಾತಂತ್ರ್ಯದ ಬೆಂಬಲಿಗರು ಎಂದು ಹೇಳಿಕೊಳ್ಳುವ ಈ ಸಂಸ್ಥೆಯು ‘ಖಲಿಸ್ತಾನಿ ಭಯೋತ್ಪಾದನೆ ಮತ್ತು ಅದರ ಭಾರತ-ಕೆನಡಾ ಸಂಬಂಧಗಳ ಮೇಲಿನ ಪರಿಣಾಮ’ ಈ ವಿಷಯದ ಕುರಿತು ಬರೆದ ಲೇಖನವನ್ನು ಖಲಿಸ್ತಾನಿಗಳ ಒತ್ತಡಕ್ಕೆ ಮಣಿದು ತೆಗೆದುಹಾಕಿದೆ. ಈ ಲೇಖನವನ್ನು ತೆಗೆದುಹಾಕಿದ್ದಕ್ಕಾಗಿ ವಿಶ್ವವಿದ್ಯಾಲಯದ ಮೇಲೆ ಟೀಕೆಗಳಾಗುತ್ತಿವೆ.

1. ಖಲಿಸ್ತಾನಕ್ಕೆ ಸಂಬಂಧಿಸಿದ ಈ ಲೇಖನವು ವಿಶ್ವವಿದ್ಯಾಲಯದ ‘ಹಾರ್ವರ್ಡ್ ಇಂಟರನ್ಯಾಷನಲ್ ರಿವ್ಯೂ’ ನಲ್ಲಿ ಪ್ರಕಟವಾಗಿತ್ತು. ಇದನ್ನು ಝಿನಾ ಧಿಲ್ಲನ್ ಎಂಬ ವಿದ್ಯಾರ್ಥಿನಿ ಬರೆದಿದ್ದರು. ‘ಎ ಥಾರ್ನ್ ಇನ್ ದಿ ಮೇಪಲ್: ಹೌ ದಿ ಖಲಿಸ್ತಾನ್ ಕ್ವೆಶ್ಚನ್ ಈಸ್ ರೀಶೇಪಿಂಗ್ ಇಂಡಿಯಾ-ಕೆನಡಾ ರಿಲೇಶನ್ಸ್’ ಎಂದು ಈ ಲೇಖನದ ಶೀರ್ಷಿಕೆಯಾಗಿತ್ತು. ಈ ಲೇಖನವು ಫೆಬ್ರವರಿ 15, 2025 ರಂದು ಪ್ರಕಟವಾಗಿತ್ತು. ಈ ಲೇಖನದಲ್ಲಿ ಭಾರತದಲ್ಲಿ ಹೆಚ್ಚುತ್ತಿರುವ ಖಲಿಸ್ತಾನಿ ಭಯೋತ್ಪಾದನೆಯ ಬಗ್ಗೆ, ಕೆನಡಾದಲ್ಲಿ ಅದರ ಬೆಳವಣಿಗೆಯ ಬಗ್ಗೆ ಮತ್ತು ಭಾರತ-ಕೆನಡಾ ಸಂಬಂಧಗಳ ಮೇಲೆ ಅದು ಹೇಗೆ ಪರಿಣಾಮ ಬೀರುತ್ತಿದೆ ಎಂಬುದರ ಬಗ್ಗೆ ವಿವರವಾದ ಮಾಹಿತಿಯನ್ನು ನೀಡಲಾಗಿತ್ತು. ಈ ಲೇಖನವನ್ನು ಫೆಬ್ರವರಿ 22, 2025 ರಂದು ತೆಗೆದುಹಾಕಲಾಯಿತು.

2. ‘ಹಾರ್ವರ್ಡ್ ಇಂಟರನ್ಯಾಷನಲ್ ರಿವ್ಯೂ’ ಇದು ಹಾರ್ವರ್ಡ್ ವಿಶ್ವವಿದ್ಯಾಲಯದ ‘ಹಾರ್ವರ್ಡ್ ಇಂಟರನ್ಯಾಷನಲ್ ರಿಲೇಶನ್ಸ್ ಕೌನ್ಸಿಲ್’ ನಿಂದ ಪ್ರಕಟವಾಗುವ ತ್ರೈಮಾಸಿಕ ಪತ್ರಿಕೆಯಾಗಿದೆ. ಈ ಲೇಖನದ ಲೇಖಕಿ ಝಿನಾ ಧಿಲ್ಲನ್ ಹಾರ್ವರ್ಡ್ ವಿದ್ಯಾರ್ಥಿನಿಯಾಗಿದ್ದಾರೆ. ವಿವಾದದ ನಂತರ ಅವರ ಚರಿತ್ರೆ ಹಾರ್ವರ್ಡ್ ಇಂಟರ್ನ್ಯಾಷನಲ್ ರಿವ್ಯೂ ಸಂಕೇತಸ್ಥಳದಿಂದ ಅಕಸ್ಮಿಕವಾಗಿ ಕಣ್ಮರೆಯಾಯಿತು.

3. ಈ ಬಗ್ಗೆ ಝಿನಾ ಧಿಲ್ಲನ ಮಾತನಾಡಿ, ಹಾರ್ವರ್ಡ್ ಇಂಟರನ್ಯಾಷನಲ ರಿವ್ಯೂ ಒತ್ತಡದಲ್ಲಿದೆ ಎಂದು ನನಗೆ ಅನ್ನಿಸಿತು. ಇದು ಆತುರದಿಂದ ತೆಗೆದುಕೊಂಡ ನಿರ್ಧಾರ ಎಂದು ನನ್ನ ಅಭಿಪ್ರಾಯ ಎಂದಿದ್ದಾರೆ.