ಚೀನಾದ ಸೈನ್ಯ ಯುದ್ಧಕ್ಕಾಗಿ ಅನರ್ಹರು !

ಅಮೆರಿಕದ ‘ಥಿಂಕ್ ಟ್ಯಾಂಕ್’ನ ದಾವೆ !

(‘ಥಿಂಕ್ ಟ್ಯಾಂಕ್’ ಎಂದರೆ ನೀತಿಗಳು ಅಥವಾ ಸಂಶೋಧನೆ ನಡೆಸುವ ಸಂಸ್ಥೆ)

ಬೀಜಿಂಗ್ (ಚೀನಾ) – ಚೀನೀ ಕಮ್ಯುನಿಸ್ಟ್ ಪಕ್ಷದ (CCP) ಸೇನೆಯನ್ನು ಬಲಪಡಿಸುವ ಉದ್ದೇಶವು ಯಾವುದೇ ಬಾಹ್ಯ ಶತ್ರುಗಳ ವಿರುದ್ಧ ಹೋರಾಡುವುದಲ್ಲ, ಅಧಿಕಾರದ ಮೇಲಿನ ತನ್ನ ಹಿಡಿತವನ್ನು ಉಳಿಸಿಕೊಳ್ಳುವುದಾಗಿದೆ. ಚೀನಾದ ಆಡಳಿತ ಪಕ್ಷವು ಯುದ್ಧಕ್ಕೆ ಮಿಲಿಟರಿಯನ್ನು ಸಿದ್ಧಪಡಿಸುವ ಬದಲು ಅಧಿಕಾರದಲ್ಲಿ ಉಳಿಯಲು ಸೇನೆಯಲ್ಲಿ ಸುಧಾರಣೆ ತರುತ್ತಿದೆ. ಅಂತಹ ಪರಿಸ್ಥಿತಿಯಲ್ಲಿ, ಅವಕಾಶ ಸಿಕ್ಕಾಗ ಚೀನಾದ ಸೈನ್ಯವು ಯುದ್ಧಭೂಮಿಯಲ್ಲಿ ತೊಂದರೆಗಳನ್ನು ಎದುರಿಸಬಹುದು ಎಂದು ಅಮೆರಿಕದ ‘ಥಿಂಕ್ ಟ್ಯಾಂಕ್’ ‘ರಾಂಡ್ ಕಾರ್ಪ್’ ತನ್ನ ವರದಿಯಲ್ಲಿ ಹೇಳಿಕೊಂಡಿದೆ. ಕೆಲವು ತಜ್ಞರು ವರದಿಯ ಸಂಶೋಧನೆಗಳನ್ನು ಒಪ್ಪುವುದಿಲ್ಲ. ಅವರು, ಕ್ಸಿ ಜಿನ್‌ಪಿಂಗ್ ತಮ್ಮ ಅತ್ಯುನ್ನತ ಮಿಲಿಟರಿ ಗುರಿಯನ್ನು ಸ್ಪಷ್ಟಪಡಿಸಿದ್ದಾರೆ. ತೈವಾನ್ ಅನ್ನು ಹಿಡಿತಕ್ಕೆ ತೆಗೆದುಕೊಳ್ಳುವುದು ಗುರಿಯಾಗಿದೆ ಮತ್ತು ಚೀನಿಯರು ಹಾಗೆ ಮಾಡಲು ಸಿದ್ಧರಾಗಿದ್ದಾರೆ’, ಎಂದು ಹೇಳಿದೆ.

ವರದಿಯ ಲೇಖಕ ಟಿಮೋತಿ ಹೀತ್ ಇವರ ಯುಕ್ತಿವಾದ,

1. ಚೀನಾದ ಸೇನೆಯು ಅಧ್ಯಕ್ಷ ಕ್ಸಿ ಜಿನ್‌ಪಿಂಗ್ ಮತ್ತು CCP ಆಡಳಿತವನ್ನು ಕಾಪಾಡಿಕೊಳ್ಳುವತ್ತ ಗಮನಹರಿಸಿದೆ. ಚೀನಾದ ಮಿಲಿಟರಿ ಆಧುನೀಕರಣವು CCP ಆಡಳಿತದ ಆಕರ್ಷಣೆ ಮತ್ತು ವಿಶ್ವಾಸಾರ್ಹತೆಯನ್ನು ಹೆಚ್ಚಿಸಲು ವಿನ್ಯಾಸಗೊಳಿಸಲಾಗಿದೆ.

2. ಮಿಲಿಟರಿಯ ತರಬೇತಿ ಸಮಯದ ಶೇ. 40 ರಷ್ಟು ರಾಜಕೀಯ ವಿಷಯಗಳಿಗೆ ಮೀಸಲಾಗಿದೆ. ಈ ಸಮಯವನ್ನು ಯುದ್ಧವನ್ನು ಕರಗತ ಮಾಡಿಕೊಳ್ಳಲು ಬಳಸಬಹುದು; ಆದರೆ ಹಾಗಲ್ಲ. ಇದು ಆಧುನಿಕ ಯುದ್ಧಕ್ಕೆ ಸೈನ್ಯವು ಎಷ್ಟು ಸನ್ನದ್ಧವಾಗಿದೆ ಎಂಬ ಪ್ರಶ್ನೆಗಳನ್ನು ಹುಟ್ಟುಹಾಕುತ್ತದೆ. ಮಿಲಿಟರಿ ಘಟಕಗಳ ನಾಯಕತ್ವವು ಯುದ್ಧ ಸಾಮರ್ಥ್ಯಕ್ಕಿಂತ ಪಕ್ಷಕ್ಕೆ ನಿಷ್ಠೆಗೆ ಒತ್ತು ನೀಡುವ ರಾಜಕೀಯ ವ್ಯಕ್ತಿಗಳಿಂದ ಕೂಡಿದೆ.

3. ಅಮೆರಿಕ ಮತ್ತು ಚೀನಾ ನಡುವೆ ಸಾಂಪ್ರದಾಯಿಕ ಯುದ್ಧದ ಸಾಧ್ಯತೆ ತೀರಾ ಕಡಿಮೆ. ಪೆಂಟಗನ್ ಯೋಜಕರು ಕ್ಷಿಪಣಿಗಳು ಮತ್ತು ಬಾಂಬ್‌ಗಳನ್ನು ಮೀರಿದ ಚೀನಾದ ಬೆದರಿಕೆಗಳ ವ್ಯಾಪಕ ಶ್ರೇಣಿಯ ಮೇಲೆ ಕೇಂದ್ರೀಕರಿಸಬೇಕು.

4. ಇತಿಹಾಸವು ಪದೇ ಪದೇ ತೋರಿಸಿರುವ ಪ್ರಕಾರ, ಸೈನ್ಯಗಳು ತಮ್ಮ ಮುಂದುವರಿದ ಆಯುಧಗಳನ್ನು ಯುದ್ಧದಲ್ಲಿ ಪರಿಣಾಮಕಾರಿಯಾಗಿ ಬಳಸುವಲ್ಲಿ ವಿಫಲವಾಗುತ್ತವೆ. ಉಕ್ರೇನ್‌ನಲ್ಲಿ ಸುಸಜ್ಜಿತ ಸೈನ್ಯ ಗೆಲ್ಲಲು ಸಾಧ್ಯವಾಗಲಿಲ್ಲ. ಚೀನಾದ ಸೇನೆಯು ಯುದ್ಧದಲ್ಲಿ ತಮ್ಮ ಆಧುನಿಕ ಶಸ್ತ್ರಾಸ್ತ್ರಗಳನ್ನು ಬಳಸುವಲ್ಲಿ ಯಶಸ್ವಿಯಾಗುತ್ತದೆಯೇ ಎಂಬುದು ಸಂದೇಹವಿದೆ.

ಚೀನಾ ಸೇನೆಯಲ್ಲಿ ಭ್ರಷ್ಟಾಚಾರ!

ಚೀನಾದ ಸೇನೆಯೂ ಸೈನಿಕರ ಕೊರತೆ ಮತ್ತು ಭ್ರಷ್ಟಾಚಾರವನ್ನು ಎದುರಿಸುತ್ತಿದೆ. ಚೀನಾದ ಮಿಲಿಟರಿ ಮತ್ತು ಸರಕಾರದ ಉನ್ನತ ಮಟ್ಟದಲ್ಲಿ ನಡೆಯುತ್ತಿರುವ ಭ್ರಷ್ಟಾಚಾರ ವಿರೋಧಿ ಅಭಿಯಾನವು ಕ್ಸಿ ಜಿನ್‌ಪಿಂಗ್ ಅವರ ರಕ್ಷಣಾ ಪಡೆಗಳ ನಿರ್ಮಾಣಕ್ಕೆ ಅಡ್ಡಿಯಾಗುತ್ತಿದೆ ಎಂದು ಇತ್ತೀಚಿನ ವರದಿಯೊಂದು ಹೇಳುತ್ತದೆ. ಇದು ಸೇನೆಯ ಕಾರ್ಯಾಚರಣೆ ಸಾಮರ್ಥ್ಯಗಳಿಗೆ ದೊಡ್ಡ ಅಪಾಯವನ್ನು ಒಡ್ಡಿದೆ.