ಸನಾತನ ಪ್ರಭಾತ > Post Type > ವಾರ್ತೆಗಳು > ಅಂತಾರಾಷ್ಟ್ರೀಯ > Sri Lanka Pakistan Naval Drill Cancelled: ಭಾರತದ ಆಕ್ಷೇಪಣೆಯ ನಂತರ ಶ್ರೀಲಂಕಾದಿಂದ ಪಾಕಿಸ್ತಾನದೊಂದಿಗಿನ ಜಂಟಿ ನೌಕಾ ತಾಲೀಮು  ರದ್ದು !

Sri Lanka Pakistan Naval Drill Cancelled: ಭಾರತದ ಆಕ್ಷೇಪಣೆಯ ನಂತರ ಶ್ರೀಲಂಕಾದಿಂದ ಪಾಕಿಸ್ತಾನದೊಂದಿಗಿನ ಜಂಟಿ ನೌಕಾ ತಾಲೀಮು  ರದ್ದು !

ಕೊಲಂಬೊ (ಶ್ರೀಲಂಕಾ) – ಭಾರತದ ಆಕ್ಷೇಪಣೆಯ ನಂತರ ಶ್ರೀಲಂಕೆಯು ತನ್ನ ಟ್ರಿಂಕೋಮಾಲಿ ಬಂದರಿನ ಬಳಿ ಪಾಕಿಸ್ತಾನದ ನೌಕಾಪಡೆಯೊಂದಿಗೆ ನಡೆಸಲು ಉದ್ದೇಶಿಸಿದ್ದ ನೌಕಾ ಸಮರಾಭ್ಯಾಸವನ್ನು ರದ್ದುಗೊಳಿಸಿದೆ. ಈ ಸಮರಾಭ್ಯಾಸದ ಮಾಹಿತಿ ಪಡೆದ ನಂತರ ಭಾರತವು ಕೊಲಂಬೊದಲ್ಲಿರುವ ತನ್ನ ಹೈಕಮಿಷನ್ ಮೂಲಕ ಶ್ರೀಲಂಕಾ ಸರಕಾರದೊಂದಿಗೆ ಮಾತನಾಡಿ ಈ ಸಮರಾಭ್ಯಾಸವನ್ನು ರದ್ದುಗೊಳಿಸುವಂತೆ ತಿಳಿಸಿತು. ಭಾರತೀಯ ಅಧಿಕಾರಿಗಳು ಈ ಸಂಪೂರ್ಣ ಪ್ರಕರಣದ ಬಗ್ಗೆ ಯಾವುದೇ ಪ್ರತಿಕ್ರಿಯೆ ವ್ಯಕ್ತಪಡಿಸಿಲ್ಲ.

1. ಭಾರತದ ಸಹಾಯದಿಂದ ತ್ರಿಂಕೋಮಾಲಿ ಬಂದರಿನ ಬಳಿ ವಿದ್ಯುತ ಸ್ಥಾವರವನ್ನು ನಿರ್ಮಿಸಲಾಗುತ್ತಿದೆ. ಈ ಹಿನ್ನೆಲೆಯಲ್ಲಿ ಈ ಬಂದರಿನ ಬಳಿ ಪಾಕಿಸ್ತಾನದ ನೌಕಾಪಡೆಯು ಸಮರಾಭ್ಯಾಸ ನಡೆಸುವುದಕ್ಕೆ ಭಾರತ ಆಕ್ಷೇಪಣೆ ವ್ಯಕ್ತಪಡಿಸಿತ್ತು. ನಂತರ ಪಾಕಿಸ್ತಾನವು ಸಮರಾಭ್ಯಾಸ ರದ್ದುಗೊಳಿಸುವುದಕ್ಕೆ ವಿರೋಧ ವ್ಯಕ್ತಪಡಿಸಿದರೂ ಶ್ರೀಲಂಕೆಯು ಭಾರತದ ಒತ್ತಡಕ್ಕೆ ಮಣಿದು ಈ ತಾಲೀಮನ್ನು ರದ್ದುಗೊಳಿಸುವ ನಿರ್ಧಾರ ತೆಗೆದುಕೊಂಡಿತು.

2. ಶ್ರೀಲಂಕೆಯು ವಿದೇಶಿ ಸಂಶೋಧನಾ ಹಡಗುಗಳ ಆಗಮನದ ಮೇಲೆ ಒಂದು ವರ್ಷದವರೆಗೆ ನಿಷೇಧ ಹೇರಿದೆ. ಚೀನಾದ ಬೇಹುಗಾರಿಕೆ ಹಡಗುಗಳಿಂದಾಗಿ ಈ ನಿಷೇಧವನ್ನು ವಿಧಿಸಲಾಗಿತ್ತು.

ಸಂಪಾದಕೀಯ ನಿಲುವು

  • ಭಾರತ ಮತ್ತು ಪಾಕಿಸ್ತಾನದ ನಡುವಿನ ದ್ವೇಷದ ಬಗ್ಗೆ ಶ್ರೀಲಂಕಾಕ್ಕೆ ಮೊದಲೇ ತಿಳಿದಿದ್ದರೂ, ಪಾಕಿಸ್ತಾನದೊಂದಿಗೆ ತಾಲೀಮು ಮಾಡುವ ಬಗ್ಗೆ ಯೋಚಿಸಲು ಹೇಗೆ ಸಾಧ್ಯ? ಶ್ರೀಲಂಕೆಯು ಭಾರತದ ನೌಕಾಪಡೆಯೊಂದಿಗೆ ತಾಲೀಮು ನಡೆಸುವ ಆಲೋಚನೆಯನ್ನು ಏಕೆ ಮಾಡಲಿಲ್ಲ?, ಎಂಬುದು ಪ್ರಶ್ನೆಯಾಗಿದೆ.
  • ಈ ಹಿಂದೆ ಶ್ರೀಲಂಕೆಯು ಚೀನಾದ ಬೇಹುಗಾರಿಕೆ ಹಡಗುಗಳು ತನ್ನ ಬಂದರಿಗೆ ಬರಲು ಅನುಮತಿ ನೀಡಿ ಭಾರತವನ್ನು ಕೆರಳಿಸಿದೆ. ಇದು ಶ್ರೀಲಂಕಾ ಭಾರತದಿಂದ ಲಾಭ ಪಡೆಯಲು ಬಯಸುತ್ತಿರುವಾಗಲೇ ಮತ್ತೊಂದೆಡೆ ಭಾರತ ವಿರೋಧಿ ಕೃತ್ಯಗಳನ್ನು ಮಾಡಲು ಬಯಸುತ್ತದೆ ಎಂಬುದನ್ನು ತೋರಿಸುತ್ತದೆ!

ಸಂಬಂಧಿತ ಲೇಖನಗಳು