ಮಹಮ್ಮದ ಪೈಗಂಬರರನ್ನು ಅವಮಾನಿಸಿದೆ ಎಂದು ಆರೋಪಿಸಿ ನನಗೆ ಗಲ್ಲು ಶಿಕ್ಷೆಯಾಗಲು ಪಾಕಿಸ್ತಾನದಲ್ಲಿ ಆಗ್ರಹಿಸಲಾಗಿತ್ತು !

‘ಮೆಟಾ’ ಸಂಸ್ಥೆಯ ಸ್ಥಾಪಕ ಮತ್ತು ಬಿಲಿಯನೇರ್ ಮಾರ್ಕ್ ಜುಕರ್ಬರ್ಗ್ ನಿಂದ ಮಾಹಿತಿ

ನ್ಯೂಯಾರ್ಕ(ಅಮೇರಿಕಾ) – ಕೆಲವು ದೇಶಗಳು ನಾವು ಒಪ್ಪದ ಕಾನೂನುಗಳನ್ನು ಹೊಂದಿವೆ. ಒಂದು ಕಾಲವಿತ್ತು, ಯಾರೋ ಫೇಸ್ಬುಕ್ನಲ್ಲಿ ಪ್ರವಾದಿ ಮಹಮ್ಮದ್ ಅವರ ಚಿತ್ರವನ್ನು ಹಂಚಿಕೊಂಡಿದ್ದಕ್ಕಾಗಿ ಪಾಕಿಸ್ತಾನದಲ್ಲಿ ನನ್ನ ವಿರುದ್ಧ ಪ್ರಕರಣ ದಾಖಲಿಸಿದ್ದರು. ಈ ಪ್ರಕರಣದಲ್ಲಿ, ನನ್ನ ವಿರುದ್ಧ ಪಾಕಿಸ್ತಾನದಲ್ಲಿ ಗಲ್ಲು ಶಿಕ್ಷೆಗಾಗಿ ಬೇಡಿಕೆ ಮಾಡಲಾಗಿತ್ತು ವಿಷಯ ಎಲ್ಲಿಯವರೆಗೆ ತಲುಪಿದೆಯೋ, ನನಗೆ ತಿಳಿದಿಲ್ಲ; “ನಾನು ಪಾಕಿಸ್ತಾನಕ್ಕೆ ಹೋಗುವ ವಿಚಾರ ಮಾಡದೇ ಇದ್ದರಿಂದ, ನಾನು ಹೆಚ್ಚು ಚಿಂತಿಸುತ್ತಿರಲಿಲ್ಲ” ಎಂದು `ಮೆಟಾ’ದ ಸಂಸ್ಥಾಪಕ ಮತ್ತು ಬಿಲಿಯನೇರ್ ಮಾರ್ಕ್ ಜುಕರ್ಬರ್ಗ್ ಹೇಳಿದರು. ಅವರು ಜೋ ರೋಗನ್ ಅವರ ‘ಪಾಡ್ಕಾಸ್ಟ್’ (ವಿವಿಧ ವಿಷಯಗಳ ಕುರಿತು ಧ್ವನಿಮುದ್ರಿತ ಮಾಡಿದ ಸಂಭಾಷಣೆಗಳ ಪ್ರಸಾರ)ದಲ್ಲಿ ಮಾತನಾಡುತ್ತಿದ್ದರು.

ಜುಕರ್ಬರ್ಗ್ ಮಾತನಾಡಿ,

ಕೆಲವು ದೇಶಗಳ ಕಾನೂನುಗಳು ನಮ್ಮ ಅಭಿವ್ಯಕ್ತಿ ಸ್ವಾತಂತ್ರ್ಯದ ಮೌಲ್ಯಗಳಿಗೆ ಹೊಂದಿಕೆಯಾಗುವುದಿಲ್ಲ. ಅವರು ನಾವು ತಪ್ಪೆಂದು ಭಾವಿಸದ ಬಹಳಷ್ಟು ವಿಷಯಗಳನ್ನು ಫೇಸ್‌ಬುಕ್‌ನಿಂದ ತೆಗೆದುಹಾಕಲು ಬಯಸುತ್ತಾರೆ. ಸರಕಾರಗಳು ತಂತ್ರಜ್ಞಾನ ಸಂಸ್ಥೆಗಳ ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಗಳನ್ನು ಜೈಲಿಗೆ ಹಾಕುವುದಾಗಿ ಬೆದರಿಕೆ ಹಾಕಿದರೆ, ಅದು ಒಂದು ದೊಡ್ಡ ಅಂಶವಾಗುತ್ತದೆ’, ಎಂದು ಹೇಳಿದರು.