ನನ್ನ ದೇಶದಲ್ಲಿರುವ ನಾಚಿಕೆಯಿಲ್ಲದ ಮಹಿಳೆಯರ ಬಗ್ಗೆ ನನಗೆ ನಾಚಿಕೆಯಾಗುತ್ತಿದೆ ! – ಬಾಂಗ್ಲಾದೇಶದ ಲೇಖಕಿ ತಸ್ಲೀಮಾ ನಸ್ರೀನ್

ಬಾಂಗ್ಲಾದೇಶದಲ್ಲಿ ಮುಸ್ಲಿಂ ಮಹಿಳೆಯರಿಗೆ ಹಿಜಾಬ್ ಕಡ್ಡಾಯಗೊಳಿಸಲು ಮೆರವಣಿಗೆ

(ಹಿಜಾಬ್ ಮುಸ್ಲಿಂ ಮಹಿಳೆಯರು ತಲೆ ಮತ್ತು ಕುತ್ತಿಗೆಯನ್ನು ಮುಚ್ಚಿಕೊಳ್ಳಲು ಧರಿಸುವ ಉಡುಪು)

ನವದೆಹಲಿ – ಬಾಂಗ್ಲಾದೇಶದಲ್ಲಿ ಹಿಜಾಬ್ ಕಡ್ಡಾಯಗೊಳಿಸಲು ಮುಸ್ಲಿಂ ಮಹಿಳೆಯರು ನಡೆಸಿದ ಮೆರವಣಿಗೆಯ ನಂತರ ಬಾಂಗ್ಲಾದೇಶದಿಂದ ಗಡಿಪಾರು ಮಾಡಲ್ಪಟ್ಟ ಲೇಖಕಿ ತಸ್ಲೀಮಾ ನಸ್ರೀನ್ ‘X’ ನಲ್ಲಿ ಪೋಸ್ಟ್ ಮಾಡಿದ್ದಾರೆ. ಅದರಲ್ಲಿ ಅವರು ಪ್ರತಿಭಟನೆಯ ವೀಡಿಯೊವನ್ನು ಹಂಚಿಕೊಂಡು, “ಇಂದು ನನ್ನ ದೇಶದಲ್ಲಿರುವ ನಾಚಿಕೆಯಿಲ್ಲದ ಮಹಿಳೆಯರ ಬಗ್ಗೆ ನನಗೆ ನಾಚಿಕೆಯಾಗುತ್ತಿದೆ,” ನನ್ನ ತಲೆ ನಾಚಿಕೆಯಿಂದ ಕೆಳಗೆ ತೂಗುತ್ತದೆ.

Shame! Shame! Shame!
My head bows down in embarrassment.
Today, I feel ashamed because of the shameless women of my country.
I call them shameless because they see themselves as mere sexual objects, not as human beings. They believe that if men look at them, they will jump in… pic.twitter.com/QKElfFN8Cy

— taslima nasreen (@taslimanasreen) February 1, 2025

ತಸ್ಲೀಮಾ ನಸ್ರೀನ್ ಅವರು ಮಂಡಿಸಿದ ಸೂತ್ರಗಳು

ತನ್ನನ್ನು ‘ಲೈಂಗಿಕ ವಸ್ತು’ ಎಂದು ಪರಿಗಣಿಸಿಕೊಂಡಿದೆ !

ನಾನು ಅವರನ್ನು ನಾಚಿಕೆಯಿಲ್ಲದವರು ಎಂದು ಕರೆಯುತ್ತೇನೆ; ಏಕೆಂದರೆ ಅವರು ತಮ್ಮನ್ನು ಮನುಷ್ಯರಂತೆ ನೋಡದೆ ಕೇವಲ ‘ಲೈಂಗಿಕ ವಸ್ತುಗಳು’ ಎಂದು ನೋಡುತ್ತಾರೆ. ಪುರುಷರು ತಮ್ಮನ್ನು ನೋಡಿದರೆ, ಅವರು ಲೈಂಗಿಕವಾಗಿ ಉದ್ರೇಕಗೊಳ್ಳುತ್ತಾರೆ ಮತ್ತು ತಮ್ಮನ್ನು ಆಕರ್ಷಿಸುತ್ತಾರೆ ಎಂದು ಅವರು ನಂಬುತ್ತಾರೆ. ಈ ರೀತಿ ಯೋಚಿಸುವ ಮೂಲಕ ಅವರು ತಮ್ಮನ್ನು ತಾವು ಅವಮಾನಿಸಿಕೊಂಡಿದ್ದಾರೆ ಮಾತ್ರವಲ್ಲ, ಪುರುಷರನ್ನೂ ಅವಮಾನಿಸಿದ್ದಾರೆ.

ಇರಾನ್‌ನಲ್ಲಿ ಮರಣದಂಡನೆ ಅನುಭವಿಸಬೇಕಾಗುತ್ತಿದೆ !

ಇರಾನ್ ಬಾಂಗ್ಲಾದೇಶದಿಂದ ದೂರವಿಲ್ಲ. ಇರಾನ್‌ನಲ್ಲಿರುವ ತಮ್ಮ ಮುಸ್ಲಿಂ ಸಹೋದರಿಯರನ್ನು ಹಿಜಾಬ್ ವಿರುದ್ಧ ಪ್ರತಿಭಟಿಸಲು ಒತ್ತಾಯಿಸಲಾಗುತ್ತಿದೆ ಎಂದು ಈ ಮಹಿಳೆಯರಿಗೆ ತಿಳಿದಿಲ್ಲವೇ ? ಏಕೆಂದರೆ ಆ ದೇಶದಲ್ಲಿ ಹಿಜಾಬ್ ಒಂದು ಆಯ್ಕೆಯಲ್ಲ, ಅದು ಕಡ್ಡಾಯವಾಗಿದೆ ! ಹಿಜಾಬ್ ಧರಿಸದಿದ್ದಕ್ಕಾಗಿ ಅಥವಾ ಸರಿಯಾಗಿ ಧರಿಸದಿದ್ದಕ್ಕಾಗಿ ನೂರಾರು ಮಹಿಳೆಯರನ್ನು ಜೈಲಿಗೆ ಹಾಕಲಾಗಿದೆ, ಥಳಿಸಲಾಗಿದೆ ಅಥವಾ ಗುಂಡು ಹಾರಿಸಲಾಗಿದೆ. ಈಗ ಇರಾನ್‌ನಲ್ಲಿ ಮಹಿಳೆಯರು ತಮ್ಮನ್ನು ಮುಚ್ಚಿಕೊಳ್ಳದಿದ್ದಕ್ಕಾಗಿ ಮರಣದಂಡನೆಯನ್ನು ಎದುರಿಸುತ್ತಿದ್ದಾರೆ.

ಹಿಜಾಬ್ ಕಡ್ಡಾಯವಾದಾಗ, ಈ ಮಹಿಳೆಯರಿಗೆ ತಿಳಿಯುತ್ತದೆ !

ಇರಾನಿನ ಮಹಿಳೆಯರು ಹಿಜಾಬ್‌ನ ಹಿಡಿತದಿಂದ ತಮ್ಮನ್ನು ಮುಕ್ತಗೊಳಿಸಲು ಹೋರಾಡುತ್ತಿದ್ದಾರೆ, ಆದರೆ ಆ ಪೀಡಿತ ಮಹಿಳೆಯರೊಂದಿಗೆ ಒಗ್ಗಟ್ಟನ್ನು ತೋರಿಸುವ ಬದಲು, ಬಾಂಗ್ಲಾದೇಶದ ಮಹಿಳೆಯರು ಸ್ವಇಚ್ಛೆಯಿಂದ ಅದೇ ಸರಪಳಿಗಳಲ್ಲಿ ತಮ್ಮನ್ನು ಸುತ್ತಿಕೊಳ್ಳುತ್ತಿದ್ದಾರೆ. ಹಿಜಾಬ್ ಕಡ್ಡಾಯವಾದಾಗ, ಈ ಮಹಿಳೆಯರು ಎಂತಹ ಭಯಾನಕ ಬಲೆಗೆ ಬೀಳುತ್ತಿದ್ದೇವೆಂದು ಅರಿತುಕೊಳ್ಳುತ್ತಾರೆ. ಅವರು ಅದನ್ನು ತೆಗೆದುಹಾಕಲು ಬಯಸಿದ್ದರೂ ಸಹ, ಅವರು ಅದನ್ನು ತೆಗೆದುಹಾಕಲು ಸಾಧ್ಯವಾಗುವುದಿಲ್ಲ; ಏಕೆಂದರೆ ಅದನ್ನು ತೆಗೆದುಹಾಕುವುದು ಸಾವನ್ನು ಎದುರಿಸುವುದಾಗಿದೆ. ಅವರು ಇಂದು ತಾವೇ ಧರಿಸುವ ಹಿಜಾಬ್ ನಾಳೆ ಅಸಹನೀಯ ಹಿಂಸೆಯಾಗುತ್ತದೆ.

ಮೆರವಣಿಗೆ ಮಾಡುವ ಮಹಿಳೆಯರ ಶತ್ರುಗಳು!

ಮಹಿಳೆಯರೇ ಮಹಿಳೆಯರಿಗೆ ಶತ್ರುಗಳು ಎಂದು ಹಲವರು ಹೇಳುತ್ತಾರೆ. ನಾನು ಸಾಮಾನ್ಯವಾಗಿ ಅದನ್ನು ನಂಬುವುದಿಲ್ಲ; ಆದರೆ ಢಾಕಾದಲ್ಲಿ ಹಿಜಾಬ್ ಪರವಾಗಿ ಮಹಿಳೆಯರು ಮೆರವಣಿಗೆ ನಡೆಸುತ್ತಿರುವುದನ್ನು ನೋಡಿದರೆ, ಅವರು ಮಹಿಳೆಯರ ಶತ್ರುಗಳು ಎಂಬುದರಲ್ಲಿ ನನಗೆ ಯಾವುದೇ ಸಂದೇಹವಿಲ್ಲ !

ಸ್ತ್ರೀದ್ವೇಷಿಗಳ ಪಕ್ಷ ವಹಿಸಿದೆ !

ಸ್ತ್ರೀವಾದಿಗಳು ಮಹಿಳಾ ಹಕ್ಕುಗಳನ್ನು ಉತ್ತೇಜಿಸಲು ಹೋರಾಡಿದರು; ಆದರೆ ಬುರ್ಖಾ (ಮುಖ ಮತ್ತು ದೇಹವನ್ನು ಮುಚ್ಚುವ ಉಡುಪು) ಧರಿಸಿರುವ ಈ ಮಹಿಳೆಯರು ಆ ಪ್ರಗತಿಯನ್ನು 10 ಹೆಜ್ಜೆ ಹಿಂದಕ್ಕೆ ತೆಗೆದುಕೊಂಡಿದ್ದಾರೆ. ಸ್ತ್ರೀವಾದಿಗಳು ಮತ್ತು ಸ್ತ್ರೀದ್ವೇಷಿಗಳ ನಡುವಿನ ಹೋರಾಟದಲ್ಲಿ, ಈ ಮಹಿಳೆಯರು ಸ್ತ್ರೀದ್ವೇಷಿಗಳ ಪರವಾಗಿ ನಿಂತಿದ್ದಾರೆ.

ದೆವ್ವಗಳಿಂದ ಕೂಡಿದ ಢಾಕಾ ವಿಶ್ವವಿದ್ಯಾಲಯ!

ಢಾಕಾ ವಿಶ್ವವಿದ್ಯಾಲಯವು ಒಂದು ಕಾಲದಲ್ಲಿ ಮಹಿಳಾ ವಿಮೋಚನೆಯ ಭದ್ರಕೋಟೆಯಾಗಿತ್ತು. ಇಂದು ಅದು ಮದರಸಾಗಳಿಂದ ಬಂದ ಅಜ್ಞಾನಿ, ಧಾರ್ಮಿಕವಾಗಿ ಬ್ರೈನ್ ವಾಶ್ ಮಾಡಿದ, ಕರುಣಾಜನಕ ‘ಝೊಂಬಿ’ಗಳಿಂದ (ದೆವ್ವಗಳು) ತುಂಬಿದೆ. ಒಂದು ನಿಮಿಷ ಮೌನ ಆಚರಿಸೋಣ.