ರಾತ್ರಿ ಮಲಗುವ ಮೊದಲು ಆಧ್ಯಾತ್ಮಿಕ ಉಪಾಯವನ್ನು ಅವಶ್ಯ ಮಾಡಬೇಕು !

‘ಸದ್ಯದ ಆಪತ್ಕಾಲದಲ್ಲಿ ಕೆಟ್ಟ ಶಕ್ತಿಗಳ ತೊಂದರೆ ಬಹಳ ಹೆಚ್ಚಾಗಿದೆ. ಆದುದರಿಂದ ಹೆಚ್ಚಿನ ಸಾಧಕರ ಮೇಲೆ ದಿನವಿಡೀ ನಡುನಡುವೆ ಕಪ್ಪು (ತೊಂದರೆ ದಾಯಕ) ಆವರಣ ಬರುತ್ತಿರುತ್ತದೆ. ಸಾಧಕರು ನಡುನಡುವೆ ಅದನ್ನು ತೆಗೆಯುತ್ತಿರಬೇಕು. ರಾತ್ರಿ ಮಲಗುವ ಮೊದಲು ಆವರಣ ತೆಗೆಯದಿದ್ದರೆ ರಾತ್ರಿಯಿಡಿ ಆವರಣಯುಕ್ತ ಇದ್ದರೆ ಕೆಟ್ಟ ಶಕ್ತಿಗಳ ದಾಳಿ ಹೆಚ್ಚಾಗುವ ಸಾಧ್ಯತೆ ಇರುತ್ತದೆ. ಇದಕ್ಕಾಗಿ ರಾತ್ರಿ ಮಲಗುವ ಮೊದಲು ೧೦ ನಿಮಿಷಗಳ ಕಾಲ ಉಪ್ಪು ನೀರಿನ ಉಪಾಯ ಮಾಡಬೇಕು. ವಿಪರೀತ ಆಯಾಸದಿಂದ ಉಪ್ಪುನೀರಿನಲ್ಲಿ ಕಾಲು ಮುಳುಗಿಸಿಡಲು ಸಾಧ್ಯವಾಗದಿದ್ದರೆ ಹಾಸಿಗೆಯ ಮೇಲೆ ಮಲಗಿದ ಸ್ಥಿತಿಯಲ್ಲಿ ಎರಡೂ ಕೈಯ ಮುಷ್ಠಿಯಲ್ಲಿ ಉಪ್ಪು ತೆಗೆದುಕೊಂಡು ಉಪಾಯ ಮಾಡಿದರೂ ನಡೆಯುತ್ತದೆ. ಉಪಾಯ ಮಾಡುವಾಗ ನಾಮಜಪವನ್ನು ಭಾವಪೂರ್ಣವಾಗಿ ಮಾಡಬೇಕು. ಮಲಗುವ ಮೊದಲು ಸ್ವಲ್ಪ ಸಮಯ ನಾಮಜಪಿಸಿದರೆ ರಾತ್ರಿಯಿಡಿ ಅದು ನಡೆಯುತ್ತದೆ. ಇದರಿಂದ ರಾತ್ರಿ ಯಿಡಿ ರಕ್ಷಣಾ ಕವಚವು ಲಭಿಸಲು ಸಾಧ್ಯವಾಗುತ್ತದೆ.

ನಾನು ಪ್ರತಿದಿನ ರಾತ್ರಿ ಮಲಗುವ ಮೊದಲು ಮೇಲಿನಂತೆ ಉಪಾಯ ಮಾಡುತ್ತೇನೆ. ಒಂದು ದಿನ ನನಗೆ ಕೆಲವು ಕಾರಣಗಳಿಂದ ಈ ರೀತಿಯ ಉಪಾಯ ಮಾಡಲು ಸಾಧ್ಯವಾಗಲಿಲ್ಲ, ಆ ರಾತ್ರಿ ನನಗೆ ನಿದ್ದೆ ಸರಿಯಾಗಿ ಬರಲಿಲ್ಲ. ಸಂಕ್ಷಿಪ್ತವಾಗಿ ಹೇಳುವುದಾದರೆ ಉಪಾಯ ಮಾಡದಿದ್ದರೆ ಪರಿಣಾಮ ತಕ್ಷಣ ಕಂಡುಬರುತ್ತದೆ. ಇದರಿಂದ ಈ ಉಪಾಯಗಳ ಮಹತ್ವ ನನ್ನ ಗಮನಕ್ಕೆ ಬಂದಿತು. ನಾವೆಲ್ಲ ಸಚ್ಚಿದಾನಂದ ಪರಬ್ರಹ್ಮ ಡಾ. ಆಠವಲೆಯವರು ಕಲಿಸಿದ ಈ ನಾಮಜಪಾದಿ ಉಪಾಯ ಮಾಡೋಣ ಮತ್ತು ಬೇಗನೆ ತೊಂದರೆ ಮುಕ್ತರಾಗೋಣ !’

– ಪೂ. ಸಂದೀಪ ಆಳಶಿ (೨೦.೧೧.೨೦೨೪)