‘ಹೆಣ್ಣುಮಕ್ಕಳು ತಮ್ಮ ಲೈಂಗಿಕ ಇಚ್ಛೆಯನ್ನು ನಿಯಂತ್ರಿಸಬೇಕು’ ಎಂದು ಕೊಲಕಾತಾ ಹೈಕೋರ್ಟ್‌ನ ಟಿಪ್ಪಣೆ ರದ್ದು ಪಡಿಸಿದ ಸುಪ್ರಿಂ ಕೋರ್ಟ್

ಕೊಲಕಾತಾ (ಬಂಗಾಳ) – ‘ಹೆಣ್ಣುಮಕ್ಕಳು ತಮ್ಮ ಲೈಂಗಿಕ ಬಯಕೆಗಳನ್ನು ನಿಯಂತ್ರಿಸಬೇಕು’ ಎಂದು ಕೊಲಕಾತಾ ಹೈಕೋರ್ಟ್ ಕೆಲವು ವಾರಗಳ ಹಿಂದೆ ಸಲಹೆ ನೀಡಿತ್ತು. ಸರ್ವೋಚ್ಚ ನ್ಯಾಯಾಲಯವು ಉಚ್ಚ ನ್ಯಾಯಾಲಯದ ಈ ಟಿಪ್ಪಣೆಯನ್ನು ತಳ್ಳಿಹಾಕಿದ್ದು ಕೆಳ ನ್ಯಾಯಾಲಯವು ಅತ್ಯಾಚಾರ ಆರೋಪಿಗೆ ನೀಡಿದ್ದ 20 ವರ್ಷಗಳ ಶಿಕ್ಷೆಯನ್ನು ಎತ್ತಿಹಿಡಿದಿದೆ. ಈ ಆರೋಪಿಯನ್ನು ಹೈಕೋರ್ಟ್ ಖುಲಾಸೆಗೊಳಿಸಿತ್ತು.

1. ಈ ತೀರ್ಪಿನಲ್ಲಿ ಸುಪ್ರೀಂ ಕೋರ್ಟ್: “ನಾವು POCSO ಕಾಯಿದೆಯ ಸರಿಯಾದ ಉಪಯೋಗಕ್ಕೆ ಸಮಗ್ರ ಮಾರ್ಗಸೂಚಿಗಳನ್ನು ಜಾರಿಗೊಳಿಸುತ್ತಿದ್ದೇವೆ ಮತ್ತು ನ್ಯಾಯಾಧೀಶರು ಅದರಂತೆ ತಮ್ಮ ತೀರ್ಪನ್ನು ನೀಡಬೇಕು” ಎಂದು ಹೇಳಿದೆ.

2. ಅಕ್ಟೋಬರ್ 2023ರಲ್ಲಿ, ನ್ಯಾಯಮೂರ್ತಿ ಚಿತ್ತರಂಜನ್ ದಾಸ್ ಮತ್ತು ನ್ಯಾಯಮೂರ್ತಿ ಪಾರ್ಥಸಾರಥಿ ಸೇನ್ ಅವರ ಪೀಠವು ಕೊಲಕತಾ ಹೈಕೋರ್ಟ್ ನ ಅಪ್ರಾಪ್ತ ಬಾಲಕಿಯ ಮೇಲಿನ ಲೈಂಗಿಕ ದೌರ್ಜನ್ಯ ಪ್ರಕರಣದಲ್ಲಿ ಆರೋಪಿ ಯುವಕನನ್ನು ಖುಲಾಸೆಗೊಳಿಸಿತು. ಇಬ್ಬರು ಹದಿಹರೆಯದ ಯುವಕ ಯುವತಿಯರು ಪ್ರೇಮ ಸಂಬಂಧ ಹೊಂದಿದ್ದರು ಮತ್ತು ಒಮ್ಮತದ ದೈಹಿಕ ಸಂಬಂಧ ಹೊಂದಿದ್ದರು.

3. ಈ ಪ್ರಕರಣದ ವಿಚಾರಣೆ ನಡೆಸಿದ ಹೈಕೋರ್ಟ್, ಹದಿಹರೆಯದ ಹುಡುಗಿಯರು ಕೇವಲ ಎರಡು ನಿಮಿಷದ ಆನಂದ ಬದಲು ತಮ್ಮ ಲೈಂಗಿಕ ಇಚ್ಛೆಯನ್ನು ನಿಯಂತ್ರಿಸಬೇಕು ಎಂದು ಹೇಳಿತ್ತು. ಹದಿಹರೆಯದ ಯುವಕ-ಯುವತಿಯರ ಮತ್ತು ಮಹಿಳೆಯರ ಘನತೆ ಮತ್ತು ದೈಹಿಕ ಸ್ವಾಯತ್ತತೆಯನ್ನು ಗೌರವಿಸಬೇಕು.

Supreme Court sets aside the
Calcutta High Court’s order which asked adolescent girls to “control their sexual urges” pic.twitter.com/6dAYEMlUyp

— Sanatan Prabhat (@SanatanPrabhat) August 20, 2024

ಹೈಪೋಥಾಲಮಸ್’ ಮತ್ತು ‘ಪಿಟ್ಯುಟರಿ’ ಗ್ರಂಥಿಗಳು ‘ಟೆಸ್ಟೋಸ್ಟೆರಾನ್’ ಪ್ರಮಾಣವನ್ನು ನಿಯಂತ್ರಿಸುತ್ತವೆ, ಇದು ಮುಖ್ಯವಾಗಿ ಪುರುಷರಲ್ಲಿ ಲೈಂಗಿಕತೆಗೆ ಸಂಬಂಧಿಸಿದೆ. ಇವು ದೇಹದಲ್ಲಿರುವುದರಿಂದ ಪ್ರಚೋದನೆಗೆ ಸಂಬಂಧಿಸಿದ ಗ್ರಂಥಿಗಳು ಸಕ್ರಿಯಗೊಂಡಾಗ, ಲೈಂಗಿಕ ಬಯಕೆ ಉಂಟಾಗುತ್ತದೆ; ಆದರೆ ಈ ಗ್ರಂಥಿಯು ತಾನಾಗಿಯೇ ಸಕ್ರಿಯಗೊಳ್ಳುವುದಿಲ್ಲ; ನಮ್ಮ ದೃಷ್ಟಿ, ಶ್ರವಣ, ಕಾಮಪ್ರಚೋದಕ ವಸ್ತುಗಳನ್ನು ಓದುವುದು ಮತ್ತು ವಿರುದ್ಧ ಲಿಂಗದವರೊಂದಿಗಿನ ಸಂವಹನದಿಂದ ಪ್ರಚೋದಿಸಲ್ಪಡುತ್ತದೆ. ನಮ್ಮ ಕ್ರಿಯೆಗಳಿಂದ ಲೈಂಗಿಕ ಬಯಕೆ ಉಂಟಾಗುತ್ತದೆ.