ಬಾಂಗ್ಲಾದೇಶದಲ್ಲಿ ಇಸ್ಲಾಮಿಕ್ ಆಡಳಿತ ತನ್ನಿ; ಅಲ್ ಕಾಯದಾ ಸಲಹೆ !

ಢಾಕಾ – ಭಾರತ ಉಪಖಂಡದಲ್ಲಿ ಸಕ್ರಿಯವಾಗಿರುವ ‘ಅಲ್ ಕಾಯದಾ’ ಈ ಭಯೋತ್ಪಾದಕ ಸಂಘಟನೆ ಬಾಂಗ್ಲಾದೇಶದ ಜನತೆಗೆ 12 ಪುಟಗಳ ಸಂದೇಶವನ್ನು ಪ್ರಸಾರ ಮಾಡಿದೆ. ಇದರಲ್ಲಿ ‘ಅಲ್ ಕಾಯದಾ’ವು ಶೇಖ್ ಹಸೀನಾ ಪದಚ್ಯುತಿ ‘ಜನರ ಕ್ರಾಂತಿ’ ಎಂದು ಹೇಳಿದೆ. ಭಾರತದ ‘ಗುಲಾಮ’ರಾಗಿದ್ದ ಹಸೀನಾ ಸರಕಾರವನ್ನು ಕಿತ್ತೊಗೆದ ಬಾಂಗ್ಲಾದೇಶದ ಜನತೆಗೆ ಅಲ್ ಕಾಯದಾ ಅಭಿನಂದನೆ ಸಲ್ಲಿಸಿದೆ. ಈ ಸಂದೇಶದಲ್ಲಿ ಬಾಂಗ್ಲಾದೇಶದಲ್ಲಿ ಇಸ್ಲಾಮಿಕ್ ಸರಕಾರ ಸ್ಥಾಪಿಸುವಂತೆ ‘ಅಲ್ ಕಾಯದಾ’ ಸಲಹೆ ನೀಡಿದೆ. ಬಾಂಗ್ಲಾದೇಶದ ಹೊಸ ಸರಕಾರವು ಆಡಳಿತದಲ್ಲಿ ಇಸ್ಲಾಮಿಕ್ ನಿಯಮಗಳನ್ನು ಕಟ್ಟುನಿಟ್ಟಾಗಿ ಜಾರಿಗೊಳಿಸಬೇಕು ಎಂದು ಅಲ್ ಕಾಯದಾ ಹೇಳಿದೆ.

1. ಅಲ್ ಕಾಯದಾ ತನ್ನ ಸಂದೇಶದಲ್ಲಿ ಬಾಂಗ್ಲಾದೇಶದ ಜನರಿಗೆ ಈ ಕ್ರಾಂತಿಯಲ್ಲಿ ಭಾಗವಹಿಸಿರುವ ಸೇನೆಯನ್ನು ನಂಬಬೇಡಿ ಎಂದು ಎಚ್ಚರಿಕೆ ನೀಡಿದೆ. ಈ ಕ್ರಾಂತಿ ಯಶಸ್ವಿಯಾಗಬೇಕಾದರೆ ಸೇನೆಯ ನಾಯಕತ್ವ ತೊಲಗಬೇಕು ಎಂದು ಅಲ್ ಕಾಯದಾ ಹೇಳಿದೆ.

2. ಬಾಂಗ್ಲಾದೇಶದ ಸೇನಾ ಮುಖ್ಯಸ್ಥರೇ ಸೇನೆಯ ವಿಮಾನ ಮೂಲಕ ಶೇಖ ಹಸೀನಾರನ್ನು ಭಾರತಕ್ಕೆ ಕರೆದೊಯ್ದಿದ್ದಾರೆ ಎಂದು ‘ಅಲ್ ಕಾಯದಾ’ ಹೇಳಿದೆ.

3. ಅಲ್ ಕಾಯದಾ ನೀಡಿದ ಈ ಸಂದೇಶದ ಬಗ್ಗೆ ‘ಸಾಹಬ್ ಮೀಡಿಯಾ’ ಲೇಖನ ಬರೆದಿದೆ. ಈ ಲೇಖನದಲ್ಲಿ “ಅಲ್ ಕಾಯದಾದ ಚಟುವಟಿಕೆಗಳು ದಕ್ಷಿಣ ಏಷ್ಯಾದಲ್ಲಿ ನಡೆಯುತ್ತಿರುವ ರಾಜಕೀಯ ಬೆಳವಣಿಗೆಗಳ ಮೇಲೆ ಪರಿಣಾಮ ಬೀರಬಹುದು” ಎಂದು ಹೇಳಿದೆ.

4. ಇಸ್ಲಾಮಿಕ್ ಶಕ್ತಿಗಳು ಬಾಂಗ್ಲಾದೇಶದಲ್ಲಿ ಷರಿಯಾ ಕಾನೂನನ್ನು ಸಂಪೂರ್ಣವಾಗಿ ಜಾರಿಗೊಳಿಸುವತ್ತ ಒತ್ತು ನೀಡಬೇಕುಎಂದು ಅಲ್ ಕಾಯದಾ ತನ್ನ ಸಂದೇಶದಲ್ಲಿ ಹೇಳಿದೆ.