ತಮಿಳುನಾಡು: ದೇವಸ್ಥಾನದ ಕಾರ್ಯಕ್ರಮದ ಫಲಕದಲ್ಲಿ ಅಮೆರಿಕಾದ ಅಶ್ಲೀಲ ನಟಿಯ ಫೋಟೋ!

ಕಾಂಚೀಪುರಂ (ತಮಿಳುನಾಡು) – ಜಿಲ್ಲೆಯ ಕುರುವಿಮಲೈ ಗ್ರಾಮದ ನಾಗತಮ್ಮನ್ ಮತ್ತು ಸೆಲಿಯಮ್ಮನ್ ದೇವಸ್ಥಾನದಲ್ಲಿ ಧಾರ್ಮಿಕ ಕಾರ್ಯಕ್ರಮ ನಡೆಯುತ್ತಿದೆ. ಈ ಪ್ರಯುಕ್ತ ಇಡೀ ದೇವಾಲಯವನ್ನು ಅಲಂಕರಿಸಲಾಗಿದೆ. ಆದರೆ ಕೆಲ ಯುವಕರು ಅಮೇರಿಕದ ‘ಪೋರ್ನ್‌ಸ್ಟಾರ್’ (ಅಶ್ಲೀಲ ಚಿತ್ರಗಳಲ್ಲಿ ಕೆಲಸ ಮಾಡುವ ನಟಿ) ಮಿಯಾ ಖಲೀಫಾ ಅವರ ಜೊತೆಗೆ ಪಾರ್ವತಿ ದೇವಿ ನಿಂತಿರುವ ಫಲಕವನ್ನು ತಯಾರಿಸಿದ್ದಾರೆ. ಈ ಫಲಕದಲ್ಲಿರುವ ಪೋರ್ನ್ ನಟಿಯು ಭಾರತೀಯ ಉಡುಗೆ ತೊಟ್ಟಿದ್ದು ಆಕೆ ದೇವಿಯ ಕಲಶವನ್ನು ತನ್ನ ತಲೆಯ ಮೇಲೆ ಇಟ್ಟುಕೊಂಡಿರುವಂತೆ ತೋರಿಸಲಾಗಿದೆ. ಈ ಫಲಕದ ವಿರುದ್ಧ ಸ್ಥಳೀಯ ಹಿಂದೂಗಳು ಆಕ್ರೋಶ ವ್ಯಕ್ತಪಡಿಸಿದ್ದು, ಘಟನೆಯ ಮಾಹಿತಿ ಪಡೆದ ಪೊಲೀಸರು ಕೂಡಲೇ ಈ ಫಲಕವನ್ನು ತೆಗೆದು ತನಿಖೆ ನಡೆಸುತ್ತಿದ್ದಾರೆ. ಈ ಫಲಕದಲ್ಲಿ ಕೆಲ ಸ್ಥಳೀಯ ಯುವಕರ ಛಾಯಾಚಿತ್ರಗಳನ್ನೂ ಸಹ ಮುದ್ರಿಸಲಾಗಿದೆ.