ನಾಯಿ ಮೇಲೆ ಆಸಿಡ್ ಎರಚಿದ ವೃದ್ಧನಿಗೆ 1 ವರ್ಷ ಜೈಲು!

ನವ ದೆಹಲಿ: ನಾಯಿಯ ಮೇಲೆ ಆ್ಯಸಿಡ್ ಎರಚಿದ್ದಕ್ಕಾಗಿ ದೆಹಲಿಯ ತೀಸ್ ಹಜಾರಿ ನ್ಯಾಯಾಲಯವು 70 ವರ್ಷದ ವ್ಯಕ್ತಿಗೆ 1 ವರ್ಷ ಜೈಲು ಶಿಕ್ಷೆ ವಿಧಿಸಿದೆ. ಘಟನೆ 2020 ರಲ್ಲಿ ನಡೆದಿದ್ದು, ನಾಯಿಯ ಒಂದು ಕಣ್ಣು ಸುಟ್ಟು ಹೋಗಿತ್ತು. ಶಿಕ್ಷೆ ವಿಧಿಸುವಾಗ ಮ್ಯಾಜಿಸ್ಟ್ರೇಟ್ ರಿಚಾ ಶರ್ಮಾ ಅವರು ಘಟನೆ ಆಘಾತಕಾರಿ ಮತ್ತು ಅಮಾನವೀಯ ಎಂದು ಹೇಳಿದರು. ಕೋರ್ಟ್ ಭಾ.ದಂ.ವಿ. 429 ರ ಅಡಿಯಲ್ಲಿ 10 ಸಾವಿರ ರೂಪಾಯಿ ಮತ್ತು ಪ್ರಾಣಿಗಳ ಮೇಲಿನ ಕ್ರೌರ್ಯ ಕಾಯ್ದೆಯಡಿ 50 ಸಾವಿರ ರೂಪಾಯಿ ದಂಡವನ್ನೂ ವಿಧಿಸಲಾಗಿದೆ. ದಂಡ ತುಂಬದಿದ್ದರೇ ಶಿಕ್ಷೆ 3 ತಿಂಗಳುಗಳ ವಿಸ್ತರಣೆ ಆಗಬಹುದು. 14 ಮಾರ್ಚ್ 2024 ರಂದು ಆರೋಪಿ ಮಹೇಂದ್ರ ಸಿಂಗ್‌ಗೆ ಶಿಕ್ಷೆ ವಿಧಿಸಲಾಯಿತು. ಈ ಪ್ರಕರಣದಲ್ಲಿ ಸರಕಾರಿ ಅಧಿಕಾರಿಯೊಬ್ಬರು ಅಪರಾಧಿಗೆ ಹೆಚ್ಚಿನ ಶಿಕ್ಷೆ ನೀಡಬೇಕೆಂದು ಆಗ್ರಹಿಸಿದ್ದರು.