ಅಲ್ಪಸಂಖ್ಯಾತರಿಗಾಗಿ ಇರುವ ಯೋಜನೆಗಳನ್ನು ನಿಲ್ಲಿಸಿದರೆ, ಮಾತ್ರ ಮತಾಂತರವನ್ನು ತಡೆಗಟ್ಟಬಹುದು ! – ನ್ಯಾಯವಾದಿ ಶ್ರೀ. ಅಶ್ವಿನಿ ಉಪಾಧ್ಯಾಯ, ಸರ್ವೋಚ್ಚ ನ್ಯಾಯಾಲಯ

ನ್ಯಾಯವಾದಿ ಶ್ರೀ. ಅಶ್ವಿನಿ ಉಪಾಧ್ಯಾಯ ಇವರ ಭಾಷಣದಲ್ಲಿನ ಬೋಧಪ್ರದ ವಿಚಾರ

ನಾವು ಕಾಂಗ್ರೆಸ್ಅನ್ನು ದೂಷಿಸುತ್ತೇವೆ; ಆದರೆ ಅದರ ದೇಶವಿರೋಧಿ ಕಾನೂನುಗಳು ಇಂದಿಗೂ ಅಸ್ತಿತ್ವದಲ್ಲಿವೆ !

ಶ್ರೀಕೃಷ್ಣ, ಶ್ರೀರಾಮ, ಶ್ರೀ ಹನುಮಾನ ಮುಂತಾದ ಹಿಂದೂಗಳ ದೇವತೆಗಳು ಯಾವ ಭೂಮಿಯಲ್ಲಿ ಜನಿಸಿದರೋ, ಆ ಪವಿತ್ರ ಭೂಮಿಯು ಬಾಂಬ್ಸ್ಫೋಟ್, ಮೂಲಭೂತವಾದ, ಲವ್ ಜಿಹಾದ್, ಗೋಹತ್ಯೆ ಈ ಸಮಸ್ಯೆಗಳಿಂದ ಏಕೆ ನಲುಗುತ್ತಿದೆ ? ಈ ಮಾನವನಿರ್ಮಿತ ಸಮಸ್ಯೆಗಳಿಗೆ ಪರಿಹಾರಗಳೂ ಇವೆ. ದೇಶದಲ್ಲಿ ಅನೇಕ ಹಿಂದುತ್ವನಿಷ್ಠರು ಕೊಲ್ಲಲ್ಪಟ್ಟರು; ಆದರೆ ಯಾರಿಗೂ ಕಠೋರ ಶಿಕ್ಷೆಯಾಗಲಿಲ್ಲ. ದೇಶದಲ್ಲಿ ಲವ್ ಜಿಹಾದ್, ಮತಾಂತರ ನಡೆದಿದೆ. ಇದಕ್ಕೆಲ್ಲ ಅಪರಾಧಿಗಳಿಗೆ ಕಾನೂನಿನ ಭಯ ಉಳಿದಿಲ್ಲರುವುದೇ ಮುಖ್ಯ ಕಾರಣವಾಗಿದೆ. ಕಾನೂನಿನ ಭಯ ಮೂಡಿಸುವುದು ಸರಕಾರ ಮತ್ತು ಆಡಳಿತದ ಕರ್ತವ್ಯವಾಗಿದೆ. ಮತಾಂತರದ ವಿರುದ್ಧ ನಾನು ನ್ಯಾಯಾಲಯದಲ್ಲಿ ಅರ್ಜಿಯನ್ನು ಸಲ್ಲಿಸಿದ್ದೇನೆ; ಆದರೆ ನನ್ನ ಅರ್ಜಿಯನ್ನು ರದ್ದು ಪಡಿಸಲು ೧೦ ಜನರು ಅರ್ಜಿಯನ್ನು ಸಲ್ಲಿಸಿದ್ದಾರೆ. ಅರ್ಜಿಗಳಿಗೆ ಸಂಬಂಧಿಸಿದಂತೆ ವಿಚಾರಣೆಯ ದಿನಾಂಕಗಳು ಮುಂದೂಡಲ್ಪಡುತ್ತಿವೆ. ಇದನ್ನು ತಡೆಗಟ್ಟಲು ಬೇಕಾದ ಕಾನೂನು ಸಂಸತ್ತಿನಲ್ಲಿ ಒಂದೇ ದಿನದಲ್ಲಿ ಆಗಬಹುದಾಗಿದೆ. ಈ ಸಮಸ್ಯೆಗಳನ್ನು ಬಿಡಿಸುವುದು ರಾಜ್ಯಕರ್ತರ ಮತ್ತು ಆಡಳಿತದ ಆದ್ಯ ಕರ್ತವ್ಯವಾಗಿದೆ. ಈ ಸಮಸ್ಯೆಗಳನ್ನು ಪರಿಹರಿಸಲು ಉತ್ತಮ ಕಾನೂನು ರಚಿಸುವುದು ಆವಶ್ಯಕವಾಗಿದೆ. ತುರ್ತು ಪರಿಸ್ಥಿತಿಯು ತಪ್ಪಾಗಿತ್ತು, ಆದರೆ ಆ ಕಾಲದಲ್ಲಿ ಸಂವಿಧಾನದಲ್ಲಿ ಮಾಡಲಾದ ಬದಲಾವಣೆಗಳೂ ಕಾನೂನುಬಾಹಿರವಾಗಿದ್ದವು. ಮೊಗಲರು ಮತ್ತು ಆಂಗ್ಲರು ಅಧಿಕಾರಕ್ಕಾಗಿ ಅಲ್ಲ ಆದರೆ ಧರ್ಮದ ಪ್ರಚಾರ ಮಾಡಲು ಭಾರತಕ್ಕೆ ಬಂದಿದ್ದರು. ಅವರ ಕಾನೂನುಗಳು ಇಂದಿಗೂ ಭಾರತದಲ್ಲಿ ಜಾರಿಯಲ್ಲಿವೆ. ನಾವು ಕಾಂಗ್ರೆಸ್ಅನ್ನು ದೂಷಿಸುತ್ತೇವೆ; ಆದರೆ ಕಾಂಗ್ರೆಸ್ ರಚಿಸಿದ ದೇಶದ್ರೋಹಿ ಕಾನೂನುಗಳು ಇಂದಿಗೂ ಭಾರತದಲ್ಲಿವೆ.