೧೩ ವಿಮಾನ ನಿಲ್ದಾಣಗಳನ್ನು ಬಾಂಬ್ ಸ್ಫೋಟದಿಂದ ಧ್ವಂಸಗೊಳಿಸುವ ಸುಳ್ಳು ಬೆದರಿಕೆ !

ಕೆಲವು ದಿನಗಳ ಹಿಂದೆ ದೆಹಲಿಯಲ್ಲಿನ ೧೦೦ ಶಾಲೆಗಳು, ಹಾಗೂ ಕರ್ಣಾವತಿಯಲ್ಲಿನ ೭ ಶಾಲೆಗಳಿಗೂ ಕೂಡ ಭಯೋತ್ಪಾದಕ ದಾಳಿಯ ಬೆದರಿಕೆ ಬಂದಿತ್ತು!

ನವದೆಹಲಿ – ಕೆಲ ದಿನಗಳ ಹಿಂದಿನಿಂದ ಸುಳ್ಳು ಬೆದರಿಕೆ ನೀಡುವ ಘಟನೆಗಳು ನಿರಂತರವಾಗಿ ಬೆಳಕಿಗೆ ಬರುತ್ತಿವೆ. ಈ ಹಿಂದೆ ದೆಹಲಿಯಲ್ಲಿನ ೧೦೦ ಶಾಲೆಗಳಿಗೆ, ಹಾಗೂ ಕರ್ಣಾವತಿಯ ೭ ಶಾಲೆಗಳಿಗೆ ಬಾಂಬ್ ಸ್ಫೋಟದಿಂದ ಧ್ವಂಸಗೊಳಿಸುವ ಬೆದರಿಕೆ ನೀಡಿರುವ ಇ-ಮೇಲ್ ದೊರೆತಿದ್ದವು.
ಈಗ ದೇಶದಲ್ಲಿನ ೧೩ ವಿಮಾನ ನಿಲ್ದಾಣಗಳನ್ನು ಧ್ವಂಸಗೊಳಿಸುವ ಬೆದರಿಕೆ ಬಂದಿದೆ. ಕೇಂದ್ರ ಔದ್ಯೋಗಿಕ ರಕ್ಷಣಾ ತಂಡಕ್ಕೆ ಮೇ ೧೨ ರಂದು ಈ ವಿಷಯದ ಬೆದರಿಕೆಯ ಇ-ಮೇಲ್ ದೊರೆತಿದ್ದು ಇದರ ತುರ್ತು ತನಿಖೆ ನಡೆಸಲಾಯಿತು. ದೆಹಲಿಯ ಇಂದಿರಾ ಗಾಂಧಿ ಅಂತರಾಷ್ಟ್ರೀಯ ವಿಮಾನ ನಿಲ್ದಾಣ, ಲಕ್ಷ್ಮಣಪುರಿಯ ಚೌಧರಿ ಚರಣ್ ಸಿಂಗ್ ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣ, ಹಾಗೂ ಜಮ್ಮು , ಜಯಪುರ, ಭೋಪಾಲ್, ಹಾಗೂ ಪಾಟಲಿಪುತ್ರ, ವಿಮಾನ ನಿಲ್ದಾಣಗಳಲ್ಲಿ ಬಾಂಬ್ ಸ್ಫೋಟದ ಭಯ ಹುಟ್ಟಿದೆ. ಈ ಬೆದರಿಕೆ ಸುಳ್ಳಾಗಿದ್ದು ಮತ್ತು ಇ-ಮೇಲ್ ಕಳಿಸಿರುವವನನ್ನು ಹುಡುಕುವುದಕ್ಕಾಗಿ ಮುಂದಿನ ತನಿಖೆ ನಡೆಸಲಾಗುತ್ತಿದೆ. ಈ ಬೆದರಿಕೆ ಬಂದ ಬಳಿಕ ಲಕ್ಷ್ಮಣಪುರಿ ವಿಮಾನ ನಿಲ್ದಾಣದ ರಕ್ಷಣಾ ತಂಡ ಸಂಪೂರ್ಣ ವಿಮಾನ ನಿಲ್ದಾಣವನ್ನು ಸೂಕ್ಷ್ಮವಾಗಿ ಪರಿಶೀಲಿಸಿದೆ ; ಆದರೆ ಬಾಂಬ್ ಬೆದರಿಕೆ ಮೌಲ್ಯಾಂಕನ ಸಮಿತಿಯು ಇದು ಸುಳ್ಳು ಬೆದರಿಕೆಯಾಗಿದೆ ಎಂದು ಹೇಳಿದೆ. ಇತರ ವಿಮಾನ ನಿಲ್ದಾಣಗಳಲ್ಲಿನ ಬೆದರಿಕೆಗಳು ಕೂಡ ಸುಳ್ಳಾಗಿರುವುದು ಕಂಡು ಬಂದಿದೆ ಎಂದು ಕೇಂದ್ರ ಆದ್ಯೋಗಿಕ ಸುರಕ್ಷಾ ತಂಡ ತಿಳಿಸಿದೆ.