ನಾವು ಯಾವಾಗಲೂ ಇಸ್ರೇಲ್ ದಾಳಿಯನ್ನು ವಿರೋಧಿಸಿದ್ದೇವೆ ! – ಕಾಂಗ್ರೆಸ್

ಕೇರಳದಲ್ಲಿ ಪ್ಯಾಲೆಸ್ಟೈನ ಬೆಂಬಲಿಸಿ ಕಾಂಗ್ರೆಸ್ ನಿಂದ ಮೆರವಣಿಗೆ

ಕೋಝಿಕೋಡ್ (ಕೇರಳ) – ನವೆಂಬರ್ 23 ರಂದು ಕೇರಳದಲ್ಲಿ ಕಾಂಗ್ರೆಸ್ ಪಕ್ಷವು ಪ್ಯಾಲೆಸ್ಟೈನ್ಅನ್ನು ಬೆಂಬಲಿಸಿ ಮೆರವಣಿಗೆಯನ್ನು ನಡೆಸಿತು. ಇದರಲ್ಲಿ ಕಾಂಗ್ರೆಸ್ ನ ಹಿರಿಯ ನಾಯಕ ಸಂಸದ ಕೆ.ಸಿ. ವೇಣುಗೋಪಾಲ್ ಮತ್ತು ಶಶಿ ಥರೂರ್ ಭಾಗವಹಿಸಿದ್ದರು. ಈ ಸಂದರ್ಭದಲ್ಲಿ ವೇಣುಗೋಪಾಲ್ ಮಾತನಾಡಿ, ಸ್ವಾತಂತ್ರ್ಯ ಬಂದಾಗಿನಿಂದಲೂ ಕಾಂಗ್ರೆಸ್ ಸರಕಾರ ಇಸ್ರೇಲ್ ದಾಳಿಯನ್ನು ಯಾವಾಗಲೂ ವಿರೋಧಿಸುತ್ತಲೇ ಬಂದಿದೆ. ಪ್ಯಾಲೆಸ್ಟೈನ್ ಭೂಮಿಗಾಗಿ ಅವರ ಹೋರಾಟವನ್ನು ನಾವು ಯಾವಾಗಲೂ ಬೆಂಬಲಿಸಿದ್ದೇವೆ; ಆದರೆ ಪ್ರಧಾನಿ ನರೇಂದ್ರ ಮೋದಿ ಅಧಿಕಾರಕ್ಕೆ ಬಂದ ನಂತರ ಸರಕಾರ ತನ್ನ ನಿಲುವು ಬದಲಿಸಿದೆ ಎಂದು ಹೇಳಿದರು.

ಕೆ.ಸಿ. ವೇಣುಗೋಪಾಲ್ ತಮ್ಮ ಮಾತನ್ನು ಮುಂದುವರಿಸಿ,

1. ಪಶ್ಚಿಮ ಏಷ್ಯಾದಲ್ಲಿ ನಡೆಯುತ್ತಿರುವ ಯುದ್ಧವನ್ನು ನಿಲ್ಲಿಸಲು ವಿಶ್ವಸಂಸ್ಥೆಯಲ್ಲಿ ವಿವಿಧ ದೇಶಗಳು ಠರಾವನ್ನು ಮಂಡಿಸಿತ್ತು. ಈ ಠರಾವಿನ ಮತದಾನದ ವೇಳೆ ಭಾರತ ಗೈರುಹಾಜರಾಗಿತ್ತು. ಇದು ಅಯೋಗ್ಯವಾಗಿತ್ತು. ಕೇಂದ್ರ ಸರಕಾರದ ಈ ನಿರ್ಧಾರ ದೇಶದ ಜನತೆಗೆ ಅವಮಾನವಾಗಿದೆ.

2. ಭಾರತದ ಪ್ರಧಾನಮಂತ್ರಿ ನರೇಂದ್ರ ಮೋದಿ ಮತ್ತು ಇಸ್ರೇಲ್ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಒಂದೇ ರೀತಿಯಾಗಿದ್ದಾರೆ. ಚುನಾವಣೆ ಗೆಲ್ಲಲು ಭಾಜಪ ತನ್ನ ವಿದೇಶಾಂಗ ನೀತಿಯನ್ನು ಸಾರ್ವಜನಿಕ ಸಂಪರ್ಕವೆಂದು ಉಪಯೋಗಿಸುತ್ತಿದೆಯೆಂದು ಆರೋಪಿಸಿದರು.