ಹಮಾಸನಿಂದಾದ ದಾಳಿ, ಇದು ಪ್ರಧಾನಮಂತ್ರಿ ನೇತಾನ್ಯಾಹೂ ಇವರ ವೈಫಲ್ಯ ಎಂಬ ಆರೋಪ

೩ ಇಸ್ರೇಲ್ ಒತ್ತೆಯಾಳು ಮಹಿಳೆಯರ ವಿಡಿಯೋ ಪ್ರಸಾರ ಮಾಡಿದ ಹಮಾಸ್ !

ತೆಲ್ ಅವಿವ (ಇಸ್ರೇಲ್) – ನೀವು ನಮ್ಮೆಲ್ಲರನ್ನು ಬಿಡುಗಡೆಗೊಳಿಸಬೇಕಿತ್ತು, ನೀವು ನಮ್ಮೆಲ್ಲರನ್ನು ಬಿಡುಗಡೆಗೊಳಿಸುವುದಕ್ಕೆ ಬದ್ಧರಾಗಿರುವಿರಿ. ಆದರೆ ಅದರ ಬದಲು ನಾವು ನಿಮ್ಮ ರಾಜಕೀಯ, ರಕ್ಷಣೆ, ಸೈನ್ಯ ಮತ್ತು ರಾಜನೈತಿಕ ವೈಫಲ್ಯವನ್ನು ಅನುಭವಿಸುತ್ತಿದ್ದೇವೆ. ಹಮಾಸನ ಮಾರಣಾಂತಿಕ ದಾಳಿಯಿಂದ ಇಸ್ರೇಲ್ ನಾಗರೀಕರ ರಕ್ಷಣೆ ಮಾಡುವಲ್ಲಿ ಮತ್ತು ಅವರನ್ನು ಸ್ವದೇಶಕ್ಕೆ ಕರೆತರುವಲ್ಲಿ ನೇತಾನ್ಯಾಹೂ ವಿಫಲರಾಗಿದ್ದಾರೆ ಎಂದು ಇಸ್ರೈಲ್ ಒತ್ತೆಯಾಳಾಗಿರುವವರು ಟೀಕಿಸಿರುವ ಒಂದು ವಿಡಿಯೋ ಹಮಾಸನಿಂದ ಪ್ರಸಾರ ಮಾಡಲಾಗಿದೆ. ಇದಲ್ಲದೆ ಅವರು ಪ್ಯಾಲೇಸ್ಟೇನಿ ಕೈದಿಗಳ ಬಿಡುಗಡೆ ಮಾಡಿದರೆ ಅದಕ್ಕೆ ಬದಲಾಗಿ ಒತ್ತೆ ಯಾಳಾಗಿರುವವರನ್ನು ಬಿಡುಗಡೆಗೊಳಿಸುವುದಕ್ಕಾಗಿ ಒಪ್ಪಂದ ಮಾಡಿಕೊಳ್ಳುವಂತೆ ಒತ್ತಾಯಿಸಿದ್ದಾರೆ. ಈ ವಿಡಿಯೋಗೆ ಇಸ್ರೈಲ್ ನ ಪ್ರಧಾನಮಂತ್ರಿ ಬೆಂಜಮೀನ್ ನೇತಾನ್ಯಾಹೂ ಇವರು ‘ಅಮಾನುಷ ಮನೋವೈಜ್ಞಾನಿಕ ಪ್ರಚಾರ’ ಎಂದು ಹೇಳಿದ್ದಾರೆ.

ಹಮಾಸನಿಂದ ಪ್ರಸಾರ ಮಾಡಿರುವ ವಿಡಿಯೋದಲ್ಲಿ ಮೂರು ಮಹಿಳಾ ಒತ್ತೆಯಾಳುಗಳು ಮಾತನಾಡುತ್ತಿರುವುದು ಕಾಣುತ್ತಿದೆ. ಅಕ್ಟೋಬರ್ ೭ ರಿಂದ ಅವರು ಈ ಹಮಾಸನ ಬಂಧನದಲ್ಲಿದ್ದಾರೆ. ಟ್ರುಪಾನೊಬ್, ಡ್ಯಾನಿಯಲ್ ಅಲೋನಿ ಮತ್ತು ರಿಮೋವ್ ಕಿರ್ಷ್ಟ ಎಂಬುದು ಈ ಈ ಮಹಿಳೆಯರ ಹೆಸರಗಳಾಗಿವೆ. ಒಂದು ಮುಚ್ಚಿರುವ ಕೋಣೆಯಲ್ಲಿನ ಕುರ್ಚಿಯ ಮೇಲೆ ಅವರು ಕುಳಿತಿದ್ದಾರೆ. ಈ ವಿಡಿಯೋ ಬೆಳಕಿಗೆ ಬಂದ ನಂತರ ಬೆಂಜಮೀನ್ ನೇತಾನ್ಯಾಹೂ ಇವರು, ಒತ್ತೆಯಾಳುಗಳನ್ನು ಆದಷ್ಟು ಬೇಗನೆ ಸ್ವದೇಶಕ್ಕೆ ಕರೆಸಿಕೊಳ್ಳುವೆವು. ಹಮಾಸ ಅಪಹರಿಸಿರುವ ಇಸ್ರೇಲಿ ನಾಗರಿಕರ ಕುರಿತು ನಮಗೆ ಕಾಳಜಿ ಇದೆ. ನಾವು ಎಲ್ಲಾ ಕೈದಿಗಳನ್ನು ಮತ್ತು ನಾಪತ್ತೆ ಆಗಿರುವ ಜನರನ್ನು ಮನೆಗೆ ಹಿಂತಿರುಗಿ ತರಲು ಪ್ರಯತ್ನಿಸುತ್ತಿದ್ದೇವೆ ಎಂದು ಹೇಳಿದ್ದಾರೆ