ಭಾರತದಿಂದ ಕದ್ದ 100 ಕ್ಕಿಂತಲೂ ಹೆಚ್ಚು ಪ್ರಾಚೀನ ಕಲಾಕೃತಿಗಳನ್ನು ಅಮೇರಿಕಾ ಮರಳಿಸಲಿದೆ !

ನವದೆಹಲಿ – ಭಾರತದಿಂದ ಕಳ್ಳತನ ಮಾಡಿ ಅಮೇರಿಕಾಗೆ ತೆಗೆದುಕೊಂಡು ಹೋಗಿದ್ದ 100 ಕ್ಕಿಂತಲೂ ಹೆಚ್ಚು ಕಲಾಕೃತಿಗಳನ್ನು ಅಮೇರಿಕಾ ಭಾರತಕ್ಕೆ ಮರಳಿಸಲಿದೆ. ಅಮೇರಿಕಾದ ಪ್ರವಾಸದಲ್ಲಿರುವಾಗ ಪ್ರಧಾನಮಂತ್ರಿ ನರೇಂದ್ರ ಮೋದಿಯವರ ಉಪಸ್ಥಿತಿಯಲ್ಲಿ ಅಮೇರಿಕಾವು ಈ ಕುರಿತು ಘೋಷಣೆ ಮಾಡಿತು. ಇದಕ್ಕೆ ಪ್ರಧಾನಮಂತ್ರಿ ಮೋದಿಯವರು ಅಮೇರಿಕಾಗೆ ಕೃತಜ್ಞತೆಯನ್ನು ಸಲ್ಲಿಸಿದ್ದಾರೆ. ಪ್ರಧಾನಮಂತ್ರಿ ಮೋದಿಯವರ ವಿದೇಶ ಪ್ರವಾಸದಿಂದ ಇಲ್ಲಿಯವರೆಗೆ ನೂರಾರು ಭಾರತೀಯ ಕಲಾಕೃತಿಗಳು ವಿದೇಶದಿಂದ ಮರಳಿ ತರಲಾಗಿದೆ. 2022 ರಲ್ಲಿ ಅಮೇರಿಕಾವು 307 ಕಲಾಕೃತಿಗಳನ್ನು ಭಾರತಕ್ಕೆ ಮರಳಿಸಿತ್ತು. ಇವುಗಳನ್ನು ಕಳ್ಳಸಾಗಾಣಿಕೆದಾರರು ಅಮೇರಿಕಾಗೆ ತೆಗೆದುಕೊಂಡು ಹೋಗಿದ್ದರು. ಇದರ ಬೆಲೆ 33 ಕೋಟಿ ರೂಪಾಯಿಗಳಷ್ಟಿತ್ತು. ಇದರಲ್ಲಿ ಬಹುತೇಕ ಕಲಾಕೃತಿಗಳನ್ನು ಕಳ್ಳಸಾಗಾಣಿಕೆದಾರ ಸುಭಾಷ ಕಪೂರನು ಭಾರತದಿಂದ ಕಳ್ಳತನಮಾಡಿ ತೆಗೆದುಕೊಂಡು ಹೋಗಿದ್ದನು. ಅವನು ಭಾರತ ಮಾತ್ರವಲ್ಲದೇ ಅಫಘಾನಿಸ್ತಾನ, ಪಾಕಿಸ್ತಾನ, ನೇಪಾಳ, ಶ್ರೀಲಂಕಾ, ಮ್ಯಾನ್ ಮಾರ್, ಥೈಲೆಂಡ, ಕಂಬೋಡಿಯಾ, ಇಂಡೋನೇಶಿಯಾ ಮತ್ತು ಇತರೆ ದೇಶಗಳಿಂದಲೂ ಕಲಾಕೃತಿಗಳನ್ನು ಕಳ್ಳಸಾಗಾಣಿಕೆ ಮಾಡಿದ್ದನು.

PM Modi addressed a cheerful #Indian diaspora at the Ronald Reagan Center and expressed happiness over the #American government’s decision to return more than 100 stolen antiquities back to Indiahttps://t.co/uBLjSoFpAx

— Hindustan Times (@htTweets) June 24, 2023

ಗೂಗಲ, ಅಮೇಜಾನ್ ಮುಂತಾದ ಕಂಪನಿಗಳು ಭಾರತದಲ್ಲಿ ಬಂಡವಾಳ ಹೂಡಿಕೆ ಮಾಡಲಿದೆ !

ಪ್ರಧಾನಮಂತ್ರಿ ನರೇಂದ್ರ ಮೋದಿಯವರ ಅಮೇರಿಕಾ ಪ್ರವಾಸದ ಸಮಯದಲ್ಲಿ ಗೂಗಲ, ಮೈಕ್ರೋಸಾಫ್ಟ, ಅಮೆಜಾನ್ ಮುಂತಾದ ಕಂಪನಿಗಳ ಮುಖ್ಯಕಾರ್ಯನಿರ್ವಾಹಕ ಅಧಿಕಾರಿಗಳನ್ನು ಭೇಟಿ ಮಾಡಿದ್ದರು. ಆ ಸಮಯದಲ್ಲಿ ಈ ಅಧಿಕಾರಿಗಳು ಭಾರತದಲ್ಲಿ ಬಂಡವಾಳ ಹೂಡಿಕೆ ಮಾಡುವುದಾಗಿ ಘೋಷಿಸಿದ್ದಾರೆ. ಗೂಗಲ ವತಿಯಿಂದ 91 ಸಾವಿರ 957 ಕೋಟಿ ರೂಪಾಯಿಗಳು, ಅಮೆಜಾನ್ 1 ಲಕ್ಷ 23 ಸಾವಿರ ಕೋಟಿ ರೂಪಾಯಿಗಳ ಬಂಡವಾಳ ಹೂಡಿಕೆ ಮಾಡುವುದಾಗಿ ತಿಳಿಸಿವೆ