ವಿಶ್ವಾಮಿತ್ರ ಋಷಿಯ ವಿಷಯದಲ್ಲಿ ಖೇದಕರ ಹೇಳಿಕೆ ನೀಡಿದ್ದ ಸರವರ ಚಿಶ್ತಿಯವರಿಂದ ಕ್ಷಮಾಯಾಚನೆ

ಜಯಪುರ (ರಾಜಸ್ಥಾನ) – ಹುಡುಗಿಯಿಂದಾಗಿ ಎಷ್ಟೇ ದೊಡ್ಡ ವ್ಯಕ್ತಿಯಿದ್ದರೂ ಜಾರುತ್ತದೆ. ವಿಶ್ವಾಮಿತ್ರರು ಕೂಡ ಜಾರಬಹುದು ಎಂದು ಹೇಳಿಕೆ ನೀಡಿರುವ ಪ್ರಕರಣದಲ್ಲಿ ಅಜ್ಮೇರ ದರ್ಗಾದ ಖಾದಿಮ್ (ನೌಕರರ) ಸಂಘಟನೆಯಾಗಿರುವ `ಅಂಜುಮನ ಸಯ್ಯದ ಜಾದಗಾನ’ ಕಾರ್ಯದರ್ಶಿ ಸರವರ ಚಿಶ್ತಿಯವರು ಕ್ಷಮೆ ಕೋರಿದ್ದಾರೆ. ಈ ಹೇಳಿಕೆಯ ಬಳಿಕ ಅವರ ಮೇಲೆ ಟೀಕೆಗಳ ಸುರಿಮಳೆಯಾಗುತ್ತಿದೆ. ಇದರಿಂದ ಅವರು ಕ್ಷಮೆ ಕೋರಿದ್ದಾರೆ. `ನಾನು ಕೂಡ ಮನುಷ್ಯನಾಗಿದ್ದೇನೆ. ನನ್ನ ನಾಲಿಗೆ ಜಾರಬಹುದು’ ಎಂದು ತಿಪ್ಪೆಸಾರಿಸಿದ್ದಾರೆ. (ಇಸ್ಲಾಂನ ಶ್ರದ್ಧಾಸ್ಥಾನದ ವಿಷಯದಲ್ಲಿ ಮಾತನಾಡುವಾಗ ಚಿಶ್ತಿಯವರ ನಾಲಿಗೆ ಜಾರುತ್ತಿತ್ತೇ? ಹಿಂದೂಗಳ ದೇವತೆ ಮತ್ತು ಶ್ರದ್ಧಾಸ್ಥಾನಗಳ ವಿಷಯದಲ್ಲಿ ಮಾತನಾಡುವಾಗ ಅವರ ನಾಲಿಗೆ ಹೇಗೆ ಜಾರುತ್ತದೆ ? – ಸಂಪಾದಕರು)

Sarwar Chishti of Ajmer Dargah, who blamed women for 1992 rape scandal, releases apology video, says his off-the-record comments were recorded
https://t.co/jqZvv0rCtX

— OpIndia.com (@OpIndia_com) June 13, 2023

1. ಸರವರ ಚಿಶ್ತಿಯವರು ಮಾತನಾಡುತ್ತಾ, ‘`ಅಜ್ಮೇರ 92’ ಈ ಚಲನಚಿತ್ರ ಪ್ರದರ್ಶನಗೊಳ್ಳಲಿದ್ದು, ಆ ವಿಷಯದಲ್ಲಿ ನಾನು ಸಂದರ್ಶನ ನೀಡಿದ್ದೆನು. ಆ ಸಂದರ್ಶನದಲ್ಲಿ ನಾನು ಆರೋಪಿಯ ಮೇಲೆ ಹೆಚ್ಚು ಟೀಕಿಸಿದ್ದೆನು; ಆದರೆ ಈ ಸಂದರ್ಶನವನ್ನು ತೋರಿಸದೇ ನನ್ನ `ಸ್ಟಿಂಗ ಆಪರೇಶನ’ (ಕದ್ದುಮುಚ್ಚಿದ ಪದ್ಧತಿಯಿಂದ ಮಾಹಿತಿಯನ್ನು ಪಡೆದುಕೊಳ್ಳುವುದು) ಮಾಡಿ ನಾನು ಖಾಸಗಿಯಲ್ಲಿ ಮಾತನಾಡುತ್ತಿರುವಾಗಿನ ಹೇಳಿಕೆಯನ್ನು ಪ್ರಸಾರ ಮಾಡಲಾಗಿದೆ. (ಅಂದರೆ `ಖಾಸಗಿಯಲ್ಲಿ ಹಿಂದೂಗಳ ಶ್ರದ್ಧಾಸ್ಥಾನಗಳ ವಿಷಯದಲ್ಲಿ ಏನು ಬೇಕಾದರೂ ಮಾತನಾಡಿದರೆ ನಡೆಯುತ್ತದೆ’, ಎಂದು ಚಿಶ್ತಿಯವರಿಗೆ ಹೇಳುವುದಿದೆಯೇ ? ಇಂತಹವರ ಸ್ಥಾನ ಕಾರಾಗೃಹದಲ್ಲಿದ್ದು ಅವರ ಮೇಲೆ ಕ್ರಮ ಕೈಕೊಳ್ಳಲು ಹಿಂದೂಗಳು ನ್ಯಾಯೋಚಿತ ಮಾರ್ಗದಿಂದ ವಿರೋಧಿಸುವುದು ಆವಶ್ಯಕ ! – ಸಂಪಾದಕರು) ಈ ವಿಡಿಯೋದಿಂದಾಗಿ ನನ್ನ ಮೇಲೆ ಟೀಕೆಯ ಸುರಿಮಳೆಯಾಗುತ್ತಿದೆ’ ಎಂದು ಹೇಳಿದರು.

2. ಅಜ್ಮೇರನಲ್ಲಿ 1992 ರಲ್ಲಿ ನಡೆದಿದ್ದ 200 ಕ್ಕಿಂತ ಹೆಚ್ಚು ಲೈಂಗಿಕ ಕಿರುಕುಳದ ಘಟನೆಗಳಲ್ಲಿ ಅಜ್ಮೇರ ಖ್ವಾಜಾ ಮೊಯಿನುದ್ದೀನ ಚಿಶ್ತಿಯವರ ದರ್ಗಾದ ನೌಕರನಾಗಿದ್ದ ಚಿಶ್ತಿ ಮನೆತನದ ಕೆಲವು ಮುಸಲ್ಮಾನರ ಕೈವಾಡವಿತ್ತು. ಈ ಕಾರಣದಿಂದ ಮುಸಲ್ಮಾನರು `ಅಜ್ಮೇರ 92’ ಈ ಚಲನಚಿತ್ರವನ್ನು ನಿರ್ಬಂಧಿಸುವಂತೆ ಕೋರುತ್ತಿದ್ದಾರೆ.

3. ಸರವರ ಚಿಶ್ತಿಯವರು ಈ ಹಿಂದೆಯೂ ಹಿಂದೂಗಳ ವಿರುದ್ಧ ಪ್ರಚೋದನಾತ್ಮಕ ಹೇಳಿಕೆ ನೀಡಿದ್ದಾರೆ. ನಿಷೇಧಿತ ಜಿಹಾದಿ ಭಯೋತ್ಪಾದಕ ಸಂಘಟನೆ ಪಿ.ಎಫ್.ಐ. ಜೊತೆ ಅವರ ಸಂಬಂಧವಿದೆಯೆನ್ನುವುದು ಬೆಳಕಿಗೆ ಬಂದಿತ್ತು. ಅವರ ಮಗ ಆದಿರ ಚಿಶ್ತಿ ಕೂಡ ಹಿಂದೂ ದೇವತೆಗಳ ಮೇಲೆ ಖೇದಕರ ಟೀಕೆ ಮಾಡಿದ್ದನು.