ಇಂದೋರ್‌ನಲ್ಲಿ ಹಿಂದೂ ಹುಡುಗಿಯಿಂದ ಲವ್ ಜಿಹಾದ್ ವಿರುದ್ಧ ಪೊಲೀಸ್‌ರಲ್ಲಿ ದೂರು !

ಇಂದೋರ್ (ಮಧ್ಯಪ್ರದೇಶ) – ಇಲ್ಲಿನ ಖಜರಾನಾ ಪ್ರದೇಶದ ಹಿಂದೂ ಹುಡುಗಿಯೊಬ್ಬಳು ತನ್ನ ಮುಸ್ಲಿಂ ಪ್ರೇಮಿ ಫೈಜಾನ್ ಖಾನ್ ವಿರುದ್ಧ ಪೊಲೀಸ್‌ರಲ್ಲಿ ದೂರು ದಾಖಲಿಸಿದ್ದಾಳೆ. ‘ದಿ ಕೇರಳ ಸ್ಟೋರಿ’ ಚಲನಚಿತ್ರ ನೋಡಿದಾಗ ಫೈಜಾನ್ ವಿರುದ್ಧ ದೂರು ದಾಖಲಿಸಲು ಯುವತಿಗೆ ಧೈರ್ಯ ಬಂತು ಎಂದು ಪೊಲೀಸರಿಗೆ ತಿಳಿಸಿದ್ದಾಳೆ. ಪೊಲೀಸರು ಫೈಜಾನ್ ನನ್ನು ಬಂಧಿಸಿದ್ದಾರೆ.
ಫೈಜಾನ್ ಯುವತಿಯನ್ನು ಪ್ರೀತಿಯ ಬಲೆಯಲ್ಲಿ ಸಿಲುಕಿಸಿದ್ದ. ಕಳೆದ ಕೆಲವು ಸಮಯಗಳಿಂದ ಇವರಿಬ್ಬರು ಒಟ್ಟಿಗೆ ವಾಸಿಸುತ್ತಿದ್ದರು. ಅವಳೊಬ್ಬಳು ಕೆಲಸ ಮಾಡುತ್ತಾಳೆ ಆದರೆ ಅವನು ನಿರುದ್ಯೋಗಿಯಾಗಿದ್ದ. ಕಳೆದ ಹಲವು ತಿಂಗಳಿಂದ ಫೈಜಾನ್ ಆಕೆಗೆ ಚಿತ್ರಹಿಂಸೆ ನೀಡುತ್ತಿದ್ದ. ಫೈಜಾನ್ ಆಕೆಯನ್ನು ಮದುವೆಯಾಗುವುದಾಗಿ ಭರವಸೆ ನೀಡಿ ದೈಹಿಕ ಸಂಪರ್ಕವನ್ನೂ ಬೆಳೆಸಿದ್ದ. ಇಸ್ಲಾಂಗೆ ಮತಾಂತರಗೊಳ್ಳುವಂತೆ ಆಕೆಗೆ ಒತ್ತಡ ಹೇರುತ್ತಿದ್ದ. ಆಕೆ ವಿರೋಧಿಸಿದಾಗ ಆಕೆಯನ್ನು ಥಳಿಸುತ್ತಿದ್ದ. ‘ನೀನು ಇಸ್ಲಾಂ ಧರ್ಮವನ್ನು ಸ್ವೀಕರಿಸದಿದ್ದರೆ ನಿನ್ನ ತಾಯಿ ಮತ್ತು ಸಹೋದರನನ್ನು ಕೊಲ್ಲುತ್ತೇನೆ’ ಎಂದು ಬೆದರಿಕೆ ಹಾಕುತ್ತಿದ್ದ.

(ಸೌಜನ್ಯ – Aaj Tak)

ಕೆಲವು ದಿನಗಳ ಹಿಂದೆ ಇಬ್ಬರೂ ‘ದಿ ಕೇರಳ ಸ್ಟೋರಿ’ ಸಿನಿಮಾ ನೋಡಿದ್ದರು. ಮೇ ೧೮ ರಂದು ಫೈಜಾನ್ ಆಕೆಗೆ, ‘ನೀನು ಯಾವಾಗ ಮತಾಂತರಗೊಳ್ಳುವುದು?’ ಎಂದು ಪ್ರಶ್ನಿಸಿದ. ಅವಳು ಅದಕ್ಕೆ ವಿರೋಧಿಸಿದಾಗ, ಅವನು ಅವಳನ್ನು ಹೊಡೆದನು. ಇದಾದ ಬಳಿಕ ಆಕೆ ಧೈರ್ಯದಿಂದ ಆತನ ವಿರುದ್ಧ ಪೊಲೀಸರಲ್ಲಿ ದೂರು ದಾಖಲಿಸಿದ್ದಾಳೆ ಎಂದು ಇಂದೋರ್ ಪೊಲೀಸ್ ಅಧಿಕಾರಿ ದಿನೇಶ್ ವರ್ಮಾ ಅವರು ಹೇಳಿದ್ದಾರೆ. ಫೈಜಾನ್ ವಿರುದ್ಧ ಅತ್ಯಾಚಾರ, ಹಲ್ಲೆ ಮತ್ತು ಮತಾಂತರ ಕಾಯ್ದೆಯಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ, ಎಂದು ಶರ್ಮಾ ಅವರು ಮಾಹಿತಿ ನೀಡಿದ್ದಾರೆ.

Madhya Pradesh: Faizan Khan threatens to kill his Hindu girlfriend and her family for not converting to Islam
https://t.co/yiICQDirgA

— OpIndia.com (@OpIndia_com) May 20, 2023