ಇಮ್ರಾನ ಖಾನರ ನಿವಾಸದಲ್ಲಿ 30 ರಿಂದ 40 ಭಯೋತ್ಪಾದಕರಿಗೆ ಆಶ್ರಯ !

ಪೊಲೀಸರು ಇಮ್ರಾನ ಖಾನರ ನಿವಾಸವನ್ನು ಸುತ್ತುವರಿದರು !

24 ಗಂಟೆಯೊಳಗಾಗಿ ಭಯೋತ್ಪಾದಕರನ್ನು ಪೊಲೀಸರ ವಶಕ್ಕೆ ಒಪ್ಪಿಸುವಂತೆ ಎಚ್ಚರಿಕೆ

ಲಾಹೋರ (ಪಾಕಿಸ್ತಾನ) – ಪಾಕಿಸ್ತಾನದ ಮಾಜಿ ಪ್ರಧಾನಮಂತ್ರಿ ಮತ್ತು `ಪಾಕಿಸ್ತಾನ ತಹರೀಕ-ಎ- ಇನ್ಸಾಫ್’ (ಪಿ.ಟಿ.ಐ) ಪಕ್ಷದ ಮುಖಂಡ ಇಮ್ರಾನ್ ಖಾನನ ನಿವಾಸವನ್ನು ಪೊಲೀಸರು ಸುತ್ತುವರಿದಿದ್ದಾರೆ. ಅವರ ನಿವಾಸದಲ್ಲಿ 30 ರಿಂದ 40 ಜಿಹಾದಿ ಭಯೋತ್ಪಾದಕರು ಆಶ್ರಯವನ್ನು ಪಡೆದಿದ್ದಾರೆಂದು ಹೇಳಲಾಗುತ್ತಿದೆ. ಪೊಲೀಸರು ಇಮ್ರಾನ್ ಖಾನರಿಗೆ ಭಯೋತ್ಪಾದಕರನ್ನು ಪೊಲೀಸರ ವಶಕ್ಕೆ ಒಪ್ಪಿಸುವಂತೆ 24 ಗಂಟೆಗಳ ಅವಧಿಯನ್ನು ನೀಡಿದ್ದಾರೆ.

Pakistan: #ImranKhan‘s house gheraoed by Punjab Police suspecting presence of ’40 terrorists’https://t.co/3aHiRaUiLn

— IndiaTV English (@indiatv) May 17, 2023

ಪಂಜಾಬ ಪ್ರಾಂತ್ಯದ ಮಾಹಿತಿ ಮತ್ತು ಪ್ರಸಾರ ಸಚಿವ ಆಮಿರ ಮೀರ ಇವರು ಸುದ್ದಿ ಗೋಷ್ಠಿಯಲ್ಲಿ, ಇಮ್ರಾನ್ ಖಾನರ ಪಕ್ಷವು ಈ ಭಯೋತ್ಪಾದಕರನ್ನು ಪೊಲೀಸರಿಗೆ ಒಪ್ಪಿಸಬೇಕು. ಇಲ್ಲವಾದರೆ ಕಾನೂನಿನ ಕ್ರಮವನ್ನು ಕೈಗೊಳ್ಳಲಾಗುವುದು. ಖಾನರ ಪಿ.ಟಿ.ಐ. ಪಕ್ಷ ಈಗ ಭಯೋತ್ಪಾದಕರಂತೆ ನಡೆದುಕೊಳ್ಳುತ್ತಿದೆ. ಆ ಪಕ್ಷದವರು ಇಮ್ರಾನ್ ಖಾನರ ಬಂಧನದ ಮೊದಲೇ ಸೇನಾ ಮುಖ್ಯ ಕಾರ್ಯಾಲಯದ ಮೇಲೆ ಆಕ್ರಮಣ ನಡೆಸಲು ಸಂಚನ್ನು ರಚಿಸಿದ್ದರು ಎಂದು ತಿಳಿಸಿದ್ದಾರೆ.