ಅಸ್ಥಿರ ಪಾಕಿಸ್ತಾನ ಭಾರತಕ್ಕೆ ಅಪಾಯಕಾರಿ – ಫಾರೂಖ ಅಬ್ದುಲ್ಲಾ

ಫಾರೂಖ ಅಬ್ದುಲ್ಲಾರ ಪಾಕಿಸ್ತಾನಪರ ಹೇಳಿಕೆ

ನವದೆಹಲಿ- ಪಾಕಿಸ್ತಾನದ ಮಾಜಿ ಪ್ರಧಾನಮಂತ್ರಿ ಇಮ್ರಾನ ಖಾನರ ಬಂಧನದ ಬಳಿಕ ಪಾಕಿಸ್ತಾನದಲ್ಲಿ ಹಿಂಸಾಚಾರ ಮತ್ತು ಪ್ರತಿಭಟನೆಗಳು ಮುಂದುವರಿದಿವೆ. ಸಂಪೂರ್ಣ ದೇಶದಲ್ಲಿ ಅಸ್ಥಿರತೆ ಹರಡಿದೆ. ಈ ಹಿನ್ನೆಲೆಯಲ್ಲಿ ಜಮ್ಮೂ-ಕಾಶ್ಮೀರದ ಮಾಜಿ ಮುಖ್ಯಮಂತ್ರಿ ಮತ್ತು ನ್ಯಾಶನಲ್ ಕಾನ್ಫರೆನ್ಸ ಅಧ್ಯಕ್ಷ ಫಾರೂಖ ಅಬ್ದುಲ್ಲಾ ಇವರು ಸ್ವಾತಂತ್ರ್ಯ ದೊರೆತಾಗಿನಿಂದ ಪಾಕಿಸ್ತಾನದ ಒಂದು ಕಪಟತನದ ಇತಿಹಾಸವಿದೆ; ಆದರೆ ಅಸ್ಥಿರ ಪಾಕಿಸ್ತಾನ ಭಾರತಕ್ಕೆ ಅಪಾಯಕಾರಿಯಾಗಿದೆ. ಪಾಕಿಸ್ತಾನದ ಸ್ಥಿರತೆ ಭಾರತಕ್ಕೆ ಅತ್ಯಂತ ಮಹತ್ವದ್ದಾಗಿದೆ, ಎಂದು ಹೇಳಿದ್ದಾರೆ. (ಪಾಕಿಸ್ತಾನವು ಕಪಟತನದಿಂದ ಕಬಳಿಸಿರುವ ಕಾಶ್ಮೀರದ ಪ್ರದೇಶವನ್ನು ಮರಳಿ ಭಾರತದಲ್ಲಿ ವಿಲೀನಗೊಳಿಸುವುದೇ, ಪಾಕಿಸ್ತಾನದ ಸ್ಥಿರತೆಗಾಗಿ ಮಹತ್ವದ್ದಾಗಿದೆಯೆಂದು ಫಾರೂಖ ಅಬ್ದುಲ್ಲಾ ಹೇಳಿಕೆ ನೀಡುವರೇನು ?- ಸಂಪಾದಕರು)

ಫಾರೂಖ ಅಬ್ದುಲ್ಲಾ ಇವರು ಪಾಕಿಸ್ತಾನದ ಸಧ್ಯದ ಪರಿಸ್ಥಿತಿಯ ಬಗ್ಗೆಯೂ ಚಿಂತೆಯನ್ನು ವ್ಯಕ್ತಪಡಿಸಿದ್ದಾರೆ. ಪಾಕಿಸ್ತಾನದ ಅರ್ಥವ್ಯವಸ್ಥೆ ನಿರಂತರವಾಗಿ ಕುಸಿಯುತ್ತಿದೆ. ಬಲೂಚಿಸ್ಥಾನದಲ್ಲಿ ನೆರೆಹಾವಳಿಯಿಂದ ಬಹಳ ದೊಡ್ಡ ಹಾನಿಯಾಗಿದೆ. ಇಂತಹ ಪರಿಸ್ಥಿತಿಯಲ್ಲಿ ಪಾಕಿಸ್ತಾನಕ್ಕೆ ಸ್ಥಿರತೆಯ ಅವಶ್ಯಕತೆಯಿದೆ ಎಂದು ಅಬ್ದುಲ್ಲಾ ಹೇಳಿಕೆ ನೀಡಿದ್ದಾರೆ.