ಪ್ರಖರ ಹಿಂದುತ್ವನಿಷ್ಠ ಶಾಸಕ ಟಿ. ರಾಜಾ ಸಿಂಹ ಠಾಕೂರ ಇವರ `ಶ್ರೀರಾಮ ಚಾನೆಲ್ ತೆಲಂಗಾಣ’ಈ ಯೂ ಟ್ಯೂಬ್ ಚಾನೆಲ್ ಮೇಲೆ ನಿರ್ಬಂಧ !

ನಿಮ್ಮ ಚಾನೆಲನಿಂದ ಧಾರ್ಮಿಕ ಭಾವನೆಗಳಿಗೆ ನೋವನ್ನುಂಟು ಮಾಡುತ್ತಿತ್ತು !’ (ಅಂತೆ) – ಯೂ ಟ್ಯೂಬ್

ಭಾಗ್ಯನಗರ (ತೆಲಂಗಾಣ) – ಇಲ್ಲಿನ ಗೋಶಾಮಹಲ ಚುನಾವಣಾ ಕ್ಷೇತ್ರದ ಪ್ರಖರ ಹಿಂದುತ್ವನಿಷ್ಠ ಶಾಸಕ ಶ್ರೀ. ಟಿ. ರಾಜಾ ಸಿಂಹರವರ `ಶ್ರೀರಾಮ ಚಾನೆಲ್ ತೆಲಂಗಾಣ’ ಈ ಯೂ ಟ್ಯೂಬ್ ಅನ್ನು ಬಂದ್ ಮಾಡಲಾಗಿದೆ. ಟಿ. ರಾಜಾ ಸಿಂಹರವರಿಗೆ ಬೆಳಗ್ಗಿನ ಜಾವ ೪ ಗಂಟೆಗೆ ಈ-ಮೇಲ್ ಕಳುಹಿಸಿ `ನಿಮ್ಮ ಚಾನೆಲ್ ಮೂಲಕ ಧಾರ್ಮಿಕ ಭಾವನೆಗಳಿಗೆ ನೋವನ್ನುಂಟು ಮಾಡುವ ವಿಷಯಗಳು ಇವರುವುದರಿಂದ ಅದನ್ನು ಮುಚ್ಚುತ್ತಿದ್ದೇವೆ’ ಎಂದು ಹೇಳುತ್ತಾ ಯೂ ಟ್ಯೂಬ್ ಚಾನೆಲ್ ನಿಂದ ನಿರ್ಬಂಧವನ್ನು ಹೇರಲಾಗಿದೆ’ ಎಂದು ಟಿ. ರಾಜಾ ಸಿಂಹ ಇವರು ಒಂದು ವಿಡಿಯೊ ಪ್ರಸಾರ ಮಾಡಿ ಈ ಮಾಹಿತಿ ನೀಡಿದ್ದಾರೆ. ಈ ಯೂ ಟ್ಯೂಬ್ ಚಾನೆಲ್ ಗೆ ೫ ಲಕ್ಷದ ೬೯ ಸಾವಿರ ಸದಸ್ಯರಿದ್ದರು. ಇದರ ಮೂಲಕ ರಾಜಾ ಸಿಂಹರವರ ವಿವಿಧ ಕಾರ್ಯಕ್ರಮಗಳು, ಮಾರ್ಗದರ್ಶನಗಳ ನೇರಪ್ರಸಾರವಾಗುತ್ತಿತ್ತು. ಈ ಹಿಂದೆ ರಾಜಾ ಸಿಂಹರವರ ಫೇಸ್ಬುಕ್ ಖಾತೆಯನ್ನೂ ಮುಚ್ಚಲಾಗಿತ್ತು.

(ಸೌಜನ್ಯ – Q17 NEWS)

ಹಿಂದೂಗಳ ದೇವತೆಗಳ ಅಪಮಾನ ಮಾಡುವ ಯೂ ಟ್ಯೂಬ್ ಚಾನೆಲ್ ಗಳ ಮೇಲೆ ಕಾರ್ಯಾಚರಣೆ ನಡೆಯುವುದಿಲ್ಲ ! – ಟಿ. ರಾಜಾ ಸಿಂಹ

ಟಿ. ರಾಜಾ ಸಿಂಹರವರು ಮಾತನಾಡುತ್ತಾ, ಜಾವೇದ ಕರೀಂ, ಸ್ಟೀಫನ್ ಚೆನ್ ಹಾಗೂ ಒನ್ನೊಬ್ಬರು ಯೂ ಟ್ಯೂಬ್ ಚಾನೆಲ್ ಆರಂಭಿಸಿದ್ದಾರೆ. ಅವರಿಂದ ನಡೆಸಲಾಗುವ ವಾಹಿನಿಗಳಿಂದ ಜಗತ್ತಿನಾದ್ಯಂತ ಹಾಗೂ ಭಾರತದಿಂದಲೂ ಕೋಟ್ಯಾಂತರ ರೂಪಾಯಿಗಳನ್ನು ಗಳಿಸಲಾಗುತ್ತದೆ. ‘ನಾನು ಈ ವಾಹಿನಿಯಿಂದ ಏನು ಹೇಳಿದೆ, ಏನು ಹೇಳುತ್ತಿದ್ದೆನು’, ಎಂಬುದು ಹಿಂದೂಗಳಿಗೆ ತಿಳಿದಿದೆ; ಆದರೆ ಹಿಂದೂಗಳ ದೇವತೆಗಳು, ಪ್ರಧಾನ ಮಂತ್ರಿ ಮೋದಿ, ಭಾಜಪದ ನಾಯಕರ ವಿರುದ್ಧ ಆಕ್ಷೇಪಾರ್ಹ ಹೇಳಿಕೆಗಳನ್ನು ನೀಡುವ ಯೂ ಟ್ಯೂಬ್ ಚಾನೆಲ್ ಗಳು ನಡೆಯುತ್ತಿರುವಾಗಲೂ ನನ್ನ ಚಾನೆಲನ್ನು ಏಕೆ ಮುಚ್ಚಲಾಯಿತು ?
ಇದರ ಹಿಂದೆ ಜಾವೇದ್ ಕರೀಂನ ಕೈವಾಡವಿರುವುದರಿಂದ ಅದನ್ನು ಮುಚ್ಚಲಾಗಿದೆ ಎಂದು ಅನಿಸುತ್ತದೆ. ಈ ಘಟನೆಗಳಿಂದ ಭಾರತದಲ್ಲಿಯೂ ಸಾಮಾಜಿಕ ಮಾಧ್ಯಮಗಳ ಒಂದು ಸ್ವತಂತ್ರ ವ್ಯವಸ್ಥೆ ಇರಬೇಕು. ನಾವು ಇಂತಹ ಮಾಧ್ಯಮಗಳನ್ನು ಬೆಂಬಲಿಸಿ ಸಹಾಯ ಮಾಡೋಣ. ಇಂತಹ ಯಾವುದೇ ಮಾಧ್ಯಮವಿದ್ದಲ್ಲಿ ನನಗೆ ತಿಳಿಸಬೇಕು’ ಎಂದು ಅವರು ಕರೆ ನೀಡಿದ್ದಾರೆ.