‘ಕಿಸಿ ಕಾ ಭಾಯಿ ಕಿಸಿ ಕಿ ಜಾನ್’ ಈ ಮುಂಬರುವ ಚಲನಚಿತ್ರದ ಹಾಡಿನಲ್ಲಿ ದೇವಸ್ಥಾನದ ಪರಿಸರದಲ್ಲಿ ಶೂ ಧರಿಸಿ ಅಶ್ಲೀಲ ನೃತ್ಯ !

ಮುಂಬಯಿ – ‘ಕಿಸಿ ಕಾ ಭಾಯಿ ಕಿಸಿ ಕಿ ಜಾನ್’ ಈ ಮುಂಬರುವ ಹಿಂದಿ ಚಲನಚಿತ್ರದ ‘ಯೆಂಟಮ್ಮಾ’ ಹಾಡಿಗೆ ಹಿಂದೂ ದೇವಾಲಯದಲ್ಲಿ ಲುಂಗಿ, ಚಪ್ಪಲಿ ಮತ್ತು ಬೂಟುಗಳನ್ನು ಧರಿಸಿ ಕುಣಿಯುತ್ತಿರುವ ನಟ ಸಲ್ಮಾನ್ ಖಾನ್, ವೆಂಕಟೇಶ್ ಮತ್ತು ರಾಮ್ ಚರಣ್ ಅವರ ವೀಡಿಯೊ ಸಾಮಾಜಿಕ ಜಾಲತಾಣದಲ್ಲ್ಲಿ ವೈರಲ್ ಆದ ನಂತರ ಹಿಂದೂಗಳಿಂದ ವಿರೋಧವಾಗಲು ಪ್ರಾರಂಭವಾಗಿದೆ. ಈ ನೃತ್ಯವು ಅಶ್ಲೀಲ ಮತ್ತು ಅಸಭ್ಯವಾಗಿದೆ ಎಂದು ವಿರೋಧಿಸಲಾಗುತ್ತಿದೆ. ಮಾಜಿ ಕ್ರಿಕೆಟಗಾರ ಶಿವರಾಮಕೃಷ್ಣನ್ ಮತ್ತು ತಮಿಳುನಾಡಿನ ವಿಮರ್ಶಕ ಪ್ರಶಾಂತ್ ರಂಗಸ್ವಾಮಿ ಇವರು ಈ ಹಾಡಿನ ವಿರುದ್ಧ ಸಾಮಾಜಿಕ ಜಾಲತಾಣಗಳಲ್ಲಿ ಟ್ವೀಟ್ ಮಾಡಿದ್ದಾರೆ. ‘ಈ ಚಲಣಚಿತ್ರವು ದಕ್ಷಿಣ ಭಾರತದ ಸಂಸ್ಕೃತಿಗೆ ಅವಮಾನ ಮಾಡಿದೆ’ ಎಂದು ಅವರು ಹೇಳಿದ್ದಾರೆ. ಈ ಚಿತ್ರದ ನಿರ್ದೇಶಕರು ಫರ್ಹಾದ್ ಸಮಜಿ ಆಗಿದ್ದಾರೆ (ಮಸೀದಿಯಲ್ಲಿ ನಟರು ನೃತ್ಯ ಮಾಡುವ ಮೂಲಕ ಫರ್ಹಾದ್ ಸಾಮಜಿ ಹಾಡನ್ನು ನಿರ್ದೇಶಿಸುತ್ತಾರೆಯೇ ? ಅಂತಹ ಹಾಡುಗಳನ್ನು ದೇವಾಲಯಗಳಲ್ಲಿ ಮಾತ್ರ ಏಕೆ ಚಿತ್ರೀಕರಿಸಲಾಗುತ್ತದೆಯೇ ? – ಸಂಪಾದಕರು)

This is highly ridiculous and degrading our South Indian culture. This is not a LUNGI , THIS IS A DHOTI. A classical outfit which is being shown in a DISGUSTING MANNER https://t.co/c9E0T2gf2d

— Laxman Sivaramakrishnan (@LaxmanSivarama1) April 8, 2023

ಕೇಂದ್ರ ಚಲನಚಿತ್ರ ತಪಾಸಣಾ ಮಂಡಳಿಯು ಚಿತ್ರದ ನಿರ್ಮಾಪಕರ ವಿರುದ್ಧ ಕ್ರಮ ಕೈಗೊಳ್ಳಬೇಕು. ದೇವಸ್ಥಾನದಲ್ಲಿ ಪಾದರಕ್ಷೆ ಹಾಕಿಕೊಂಡು ಕುಣಿಯುವುದು ತಪ್ಪು. ನಟರು ಧರಿಸುವ ಲುಂಗಿಯು ಲುಂಗಿಯಾಗಿರದೇ ಧೋತಿಯಾಗಿದೆ. ಸಾಂಸ್ಕೃತಿಕ ಉಡುಪನ್ನು ತಪ್ಪಾಗಿ ಬಿಂಬಿಸಲಾಗುತ್ತಿದೆ ಎಂದು ಹೇಳಿದರು.