ಚೀನಾದ ನೌಕೆಗಳಿಂದ ಜಗತ್ತಿನ 80 ದೇಶಗಳ ಸಮುದ್ರ ದಡದಲ್ಲಿ ಅನಧಿಕೃತವಾಗಿ ಮೀನುಗಾರಿಕೆ !

ಬೇಹುಗಾರಿಕೆ ನಡೆಸುತ್ತಿದೆಯೆಂದು ಭಾರತೀಯ ಅಧಿಕಾರಿಗಳಿಗೆ ಸಂದೇಹ !

ನವದೆಹಲಿ – ಹಿಂದ ಮಹಾಸಾಗರದ ಉತ್ತರ ಕ್ಷೇತ್ರದಲ್ಲಿ ಚೀನಾದ ನೌಕೆಗಳು ಅನಧಿಕೃತವಾಗಿ ಮೀನುಗಾರಿಕೆ ನಡೆಸುತ್ತಿರುವ ಅನೇಕ ಘಟನೆಗಳು ಬಹಿರಂಗವಾಗಿದೆ. ಈ ಮಾಧ್ಯಮದಿಂದ ಚೀನಾ ಬೇಹುಗಾರಿಕೆ ನಡೆಸಲು ಪ್ರಯತ್ನಿಸುತ್ತಿದ್ದು, ಅದು ಈ ಹಿಂದೆಯೂ ಹೀಗೆ ಮಾಡಿದೆಯೆಂದು ಭಾರತೀಯ ಅಧಿಕಾರಿಗಳು ಅಭಿಪ್ರಾಯ ವ್ಯಕ್ತಪಡಿಸುತ್ತಿದ್ದಾರೆ. ಇಷ್ಟೇ ಅಲ್ಲದೇ, ‘ಡಿಸ್ಟಂಟ ವಾಟರ ಫಿಶಿಂಗ’ (ದೂರದ ಅಂತರದವರೆಗೆ ಹೋಗಿ ಮೀನುಗಾರಿಕೆ) ನಡೆಸುವ ಈ ಚೀನಾದ ನೌಕೆ ಜಗತ್ತಿನ ಒಟ್ಟು 80 ದೇಶಗಳ ಸಮುದ್ರ ದಡದಲ್ಲಿ ಈ ರೀತಿ ಮೀನುಗಾರಿಕೆ ನಡೆಸುತ್ತಿದೆಯೆನ್ನುವ ಆಘಾತಕಾರಿ ಮಾಹಿತಿಯು ‘ಪಾಲಿಸಿ ರಿಸರ್ಚ ಗ್ರೂಪ್’ ಹೆಸರಿನ ಒಂದು ಸಂಸ್ಥೆಯ ವರದಿಯಿಂದ ಇತ್ತೀಚೆಗಷ್ಟೇ ಬಹಿರಂಗವಾಗಿದೆ.

Spurt in China’s DWF vessels in high seas on radar of Indian security set-up All #Defence #news and #updates: https://t.co/MRkaJarm2n https://t.co/c0IPNiYWzF

— ET Defence (@ETDefence) February 5, 2023

೧. ಈ ಸಂಸ್ಥೆಯ ವರದಿಯನುಸಾರ ಸಾಧಾರಣವಾಗಿ 18 ಸಾವಿರ ಚೀನಿ ನೌಕೆಗಳು ಜಗತ್ತಿನಾದ್ಯಂತ ಸಮುದ್ರ ಮತ್ತು ಮಹಾಸಾಗರದಲ್ಲಿ ಅನಧಿಕೃತವಾಗಿ ಕಾರ್ಯನಿರತವಾಗಿವೆ. ಸಮುದ್ರ ಆಹಾರ(‘ಸೀ ಫುಡ್’) ತಯಾರಿಸುವಲ್ಲಿ ಚೀನಾ ಜಗತ್ತಿನಲ್ಲೇ ಮಂಚೂಣಿಯಲ್ಲಿದೆ ಎನ್ನುವ ವಿಷಯ ಗಮನಾರ್ಹವಾಗಿದೆ.

೨. ಚೀನಾ ಪ್ರತಿವರ್ಷ 12 ಲಕ್ಷ ಟನ್ ಗಳಷ್ಟು ಸಮುದ್ರ ಆಹಾರವನ್ನು ಉತ್ಪಾದಿಸುತ್ತದೆ. ಈ ಪ್ರಮಾಣ ಈಗ ಜಗತ್ತಿನ ಎರಡನೇ ಕ್ರಮಾಂಕದಲ್ಲಿರುವ ಇಂಡೋನೇಶಿಯಾದ ತುಲನೆಯಲ್ಲಿ ದುಪ್ಪಟ್ಟಾಗಿದೆ. ಇದರಿಂದ ಪರಿಸರದ ಮೇಲೆ ಅನಾನುಕೂಲ ಪರಿಣಾಮವಾಗುತ್ತಿದೆಯೆಂದು ‘ಪಾಲಿಸಿ ರಿಸರ್ಚ ಗ್ರೂಪ್’ ಆರೋಪ ಮಾಡಿದೆ. ಇದರಿಂದ ಸ್ಥಳೀಯ ಅರ್ಥವ್ಯವಸ್ಥೆಯ ಮೇಲೆಯೂ ದುಷ್ಪರಿಣಾಮ ಬೀರುತ್ತಿದೆ.

೩. ಅನೇಕ ಚೀನಾದ ನೌಕೆಗಳು ಭಾರತ, ಶ್ರೀಲಂಕಾ, ಪಾಕಿಸ್ತಾನ, ಇರಾನ ಮತ್ತು ಓಮನ್ ದೇಶಗಳ ಗಡಿಯಲ್ಲಿನ ಸಮುದ್ರ ದಡದಲ್ಲಿ ಕಾರ್ಯನಿರತವಾಗಿವೆ. 2021 ರಲ್ಲಿ ಹಿಂದೂ ಮಹಾಸಾಗರದಲ್ಲಿ ಸಾಧಾರಣವಾಗಿ 392 ನೊಂದಣಿಯಿಲ್ಲದ ಚೀನಾದ ನೌಕೆಗಳು ಕಂಡು ಬಂದಿದ್ದವು. 2020 ರಲ್ಲಿ ಈ ಸಂಖ್ಯೆ 379 ಇತ್ತು.

೪. ಕೇವಲ ಇರಾನ ಸಮುದ್ರ ದಡದ ವಿಚಾರ ಮಾಡಿದರೆ ಚೀನಾ ಅಲ್ಲಿಯ ಹಿಂದ ಮಹಾಸಾಗರದಿಂದ 46 ಸಾವಿರ ಟನ್ ಮೀನನ್ನು ಅಪಹರಿಸಿಕೊಂಡು ಹೋಗಿದೆ.

೫. ಕಳೆದ ವರ್ಷ ಚೀನಾದ ಬೇಹುಗಾರಿಕೆಯ ಹಡಗು ಶ್ರೀಲಂಕಾದ ಕ್ಷೇತ್ರದಲ್ಲಿ ಬಂದಿತ್ತು. ಆಗ ಭಾರತ ಜಾಗರೂಕವಾಗಿತ್ತು.