ಬಾಂಗ್ಲಾದೇಶಿ ಹಿಂದೂಗಳ ಮೇಲಿನ ದಾಳಿಯ ವಿರುದ್ಧ ದೇಶಾದ್ಯಂತ ಹಿಂದೂಗಳಿಂದ ಶಾಂತಿಯುತ ಪ್ರತಿಭಟನೆ !

ನಾವು ಎಲ್ಲಿಯವರೆಗೆ ಹಿಂಸೆ ಸಹಿಸಿಕೊಳ್ಳಬೇಕು ? – ಅಸಹಾಯಕ ಬಾಂಗ್ಲಾದೇಶಿ ಹಿಂದೂಗಳ ಪ್ರಶ್ನೆ

ಢಾಕಾ – ಬಾಂಗ್ಲಾದೇಶದ ಅಲ್ಪಸಂಖ್ಯಾತ ಹಿಂದೂಗಳ ಮೇಲೆ ನಿರಂತರವಾಗಿ ದಾಳಿ ನಡೆಯುತ್ತಿರುವದರ ವಿರುದ್ಧ ಅಲ್ಲಿಯ ಅನೇಕ ಸಂಘಟನೆಗಳು ದೇಶಾದ್ಯಂತ ಪ್ರತಿಭಟನೆಗಳು ಮತ್ತು ಆಂದೋಲನಗಳನ್ನು ನಡೆಸಿದರು. ಶಾಂತಿಯುತವಾಗಿ ಆಯೋಜಿಸಿದ್ದ ಈ ಆಂದೋಲನದಲ್ಲಿ ಹಿಂದೂಗಳು ಹೆಚ್ಚಿನ ಸಂಖ್ಯೆಯಲ್ಲಿ ಸಹಭಾಗಿಯಾಗಿದ್ದರು. ಇದರದೇ ಒಂದು ಭಾಗವೆಂದು ಚಟಗಾಂವದಲ್ಲಿ ಒಂದು ದೊಡ್ಡ ಆಂದೋಲನ ನಡೆಸಲಾಯಿತು. ಹಿಂದೂಗಳ ಮೇಲಿನ ದಾಳಿ, ಹಿಂದೂ ಶಿಕ್ಷಕನ ಹತ್ಯೆ ಮತ್ತು ಹಿಂದೂ ಮಹಿಳೆಯ ಮೇಲೆ ಬಲಾತ್ಕಾರ ಇದರ ವಿರುದ್ಧ ಈ ಸಮಯದಲ್ಲಿ ಪ್ರತಿಭಟಿಸಲಾಯಿತು.

(ಸೌಜನ್ಯ : Hindustan Times)

ಈ ಮೊದಲು ಬಾಂಗ್ಲಾದೇಶದ ಗೃಹ ಸಚಿವ ಅಸದುಜ್ಜಮಾ ಖಾನ ಮಾತನಾಡುತ್ತಾ, ನನ್ನ ಸರಕಾರ ಧಾರ್ಮಿಕ ಸೌಹಾರ್ದತೆ ಹಾಳು ಮಾಡುವ ಜನರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಲು ಕಟಿಬದ್ಧವಾಗಿದೆ ಎಂದು ಹೇಳಿದ್ದರು. (ಮಾತಿನ ಮಲ್ಲದ ಪ್ರಕಾರವಾಗಿದೆ – ಸಂಪಾದಕರು) ಬಾಂಗ್ಲಾದೇಶ ರಾಷ್ಟ್ರೀಯ ಮಾನವ ಹಕ್ಕುಗಳ ಆಯೋಗವು ಗೃಹ ಸಚಿವಾಲಯಕ್ಕೆ ದಾಳಿಯ ತನಿಖೆ ನಡೆಸಿ ಹಿಂದುಗಳ ಮೇಲಿನ ದಾಳಿಯನ್ನು ತಡೆಯುವಲ್ಲಿ ಬೇಜವಾಬ್ದಾರಿತನದ ನಿಲುವನ್ನು ತೆಗೆದುಕೊಂಡಿರುವುದರ ವಿರುದ್ಧ ಕ್ರಮ ಕೈಗೊಳ್ಳುವ ಆದೇಶ ನೀಡಿದೆ.