ಮತಾಂತರದ ನಂತರವೂ ವ್ಯಕ್ತಿಯ ಜಾತಿಯು ಶಾಶ್ವತವಾಗಿರುತ್ತದೆ ! – ಮದ್ರಾಸ್ ಉಚ್ಚ ನ್ಯಾಯಾಲಯ

ಆದರೆ ಮತಾಂತರದ ನಂತರ ಜಾತಿಗನುಸಾರ ಮೀಸಲಾತಿ ನೀಡಲು ನ್ಯಾಯಾಲಯದಿಂದ ನಕಾರ

ಚೆನ್ನೈ (ತಮಿಳುನಾಡು) – ಒಂದು ಧರ್ಮದಿಂದ ಇನ್ನೊಂದು ಧರ್ಮಕ್ಕೆ ಪ್ರವೇಶಿಸಿದ ನಂತರವೂ ವ್ಯಕ್ತಿಯ ಜಾತಿಯು ಶಾಶ್ವತವಾಗಿರುತ್ತದೆ ಎಂಬ ನಿರ್ಣಯವನ್ನು ಮದ್ರಾಸ್ ಉಚ್ಚ ನ್ಯಾಯಾಲಯವು ಮೀಸಲಾತಿಗೆ ಸಂಬಂಧಿಸಿದ ಪ್ರಕರಣದ ಸಂದರ್ಭದಲ್ಲಿ ನೀಡಿದೆ. ಆದರೆ ಅದೇ ಸಮಯದಲ್ಲಿ ಮೀಸಲಾತಿಯ ಲಾಭವನ್ನು ಪಡೆಯುವ ಅರ್ಜಿದಾರರ ಮನವಿಯನ್ನು ತಿರಸ್ಕರಿಸಿದೆ.

Madras HC has ruled that converting to another #religion does not change the #caste of the person. The court also said that an inter-caste marriage certificate cannot be issued based on the same.#MadrasHighCourt #TamilNadu@NewIndianXpress https://t.co/t01VZp5Ghd

— TNIE Tamil Nadu (@xpresstn) November 26, 2021

1. ಈ ಪ್ರಕರಣದಲ್ಲಿ ಓರ್ವ ದಲಿತ ವ್ಯಕ್ತಿಯು ಮತಾಂತರವಾಗಿ ಕ್ರೈಸ್ತ ಪಂಥವನ್ನು ಸ್ವೀಕರಿಸಿದ್ದನು. ಈ ವ್ಯಕ್ತಿಯ ವಿವಾಹವು ದಲಿತ ಸಮಾಜದಲ್ಲಿನ ಓರ್ವ ಯುವತಿಯೊಂದಿಗೆ ಆಗಿತ್ತು. ಆದರೆ ಈ ಯುವತಿಯು ಮತಾಂತರವಾಗಲಿಲ್ಲ. ಈ ಸಂದರ್ಭದಲ್ಲಿ ಆ ವ್ಯಕ್ತಿಯು `ನನ್ನದು ಅಂತರ್ಜಾತೀಯ ವಿವಾಹವಾಗಿದೆ. ನನಗೆ ಸರಕಾರಿ ನೌಕರಿಗಳಲ್ಲಿ ಜಾತಿ ಆಧಾರಿತ ಮೀಸಲಾತಿಯ ಲಾಭ ಸಿಗಬೇಕು’ ಎಂದು ಅರ್ಜಿಯ ಮೂಲಕ ನ್ಯಾಯಾಲಯದಲ್ಲಿ ಮನವಿ ಮಾಡಿದ್ದನು.

2. ಇದರ ಆಲಿಕೆಯ ಸಮಯದಲ್ಲಿ ಉಚ್ಚ ನ್ಯಾಯಾಲಯವು `ದಲಿತ ವ್ಯಕ್ತಿಯು ಮತಾಂತರವಾದರೆ ಕಾನೂನಿನಗನುಸಾರ ಮೀಸಲಾತಿಗಾಗಿ ಆತನನ್ನು ಹಿಂದುಳಿದವನು ಎಂದು ತಿಳಿಯಲಾಗುತ್ತದೆ. ಆದರೆ `ಪರಿಶಿಷ್ಟ ಜಾತಿ’ಯಲ್ಲಿ ಅವನ ಪರಿಗಣನೆಯಾಗುವುದಿಲ್ಲ’ ಎಂದು ಹೇಳಿದೆ.

3. ಉಚ್ಚ ನ್ಯಾಯಾಲಯದಲ್ಲಿ ಅರ್ಜಿಯನ್ನು ದಾಖಲಿಸಿದ ವ್ಯಕ್ತಿಯು ಆದಿ-ದ್ರವಿಡ ಸಮಾಜದೊಂದಿಗೆ ಸಂಬಂಧಿಸಿದ್ದನು. ಈ ಸಮಾಜವು ‘ಪರಿಶಿಷ್ಟ ಜಾತಿ’ಯಲ್ಲಿ ಬರುತ್ತದೆ. ಆದರೆ ಈ ವ್ಯಕ್ತಿಯು ಮತಾಂತರವಾಗಿ ಕ್ರೈಸ್ತ ಪಂಥವನ್ನು ಸ್ವೀಕರಿಸಿದ್ದಾನೆ. ಆದುದರಿಂದ ಆತನಿಗೆ `ಹಿಂದುಳಿದವ’ ಎಂಬ ಸ್ಥಾನ ದೊರೆತಿದೆ.