ಕೇರಳ ಉಚ್ಚ ನ್ಯಾಯಾಲಯದಿಂದ `ಲಲಿತ ಕಲಾ ಅಕಾಡೆಮಿ’ಗೆ ನೋಟಿಸ್

ಕೇರಳದ ‘ಲಲಿತ ಕಲಾ ಅಕಾಡೆಮಿ’ಯಿಂದ ದೇಶ, ಹಿಂದೂ ಧರ್ಮ ಮತ್ತು ಗೋವಿನ ಅಪಮಾನ ಮಾಡುವ ವ್ಯಂಗ್ಯಚಿತ್ರಕ್ಕೆ ಪ್ರಶಸ್ತಿ ನೀಡಿರುವ ಪ್ರಕರಣ

ತಿರುವನಂತಪುರಂ (ಕೇರಳ) – ಕೇರಳದ ‘ಲಲಿತ ಕಲಾ ಅಕಾಡೆಮಿ’ಯು ದೇಶ, ಹಿಂದೂ ಧರ್ಮ ಮತ್ತು ಗೋವಿನ ಅಪಮಾನ ಮಾಡುವ ಒಂದು ವ್ಯಂಗ್ಯ ಚಿತ್ರಕ್ಕೆ 25 ಸಾವಿರ ರೂಪಾಯಿಯ ಪ್ರಶಸ್ತಿ ನೀಡಿ ಸನ್ಮಾನ ಮಾಡಿದೆ. ಇದರ ವಿರುದ್ಧ ಕೇರಳದ ಉಚ್ಚ ನ್ಯಾಯಾಲಯದಲ್ಲಿ ಅರ್ಜಿಯನ್ನು ದಾಖಲಿಸಿದ ನಂತರ ನ್ಯಾಯಾಲಯವು `ಲಲಿತ ಕಲಾ ಅಕಾಡೆಮಿ’ ಗೆ ಈ ವಿಷಯದಲ್ಲಿ ತಮ್ಮ ವಾದ ಮಂಡಿಸಲು ನೋಟಿಸ್ ಜಾರಿಗೊಳಿಸಿದೆ. `ಲಲಿತ ಕಲಾ ಅಕಾಡೆಮಿ’ ಈ ಸಂಸ್ಥೆಯು ಕೇರಳ ರಾಜ್ಯದಲ್ಲಿನ ಸ್ವಾಯತ್ತ ಸಾಂಸ್ಕೃತಿಕ ಸಂಸ್ಥೆಯಾಗಿದೆ.

Kerala High Court Issues Notice On Plea Challenging Kerala Lalitakala Akademi Recognition To Cartoon @hannah_mv_ https://t.co/mcyBgQIP82

— Live Law (@LiveLawIndia) November 23, 2021

ಅರ್ಜಿದಾರರು ಅರ್ಜಿಯಲ್ಲಿ `ಈ ವ್ಯಂಗ್ಯಚಿತ್ರವು ಭಾರತದ ಅಪಮಾನ ಮಾಡುತ್ತದೆ. ಈ ವ್ಯಂಗ್ಯಚಿತ್ರವನ್ನು ಭಾರತದಲ್ಲಿ ಕೊರೋನಾ ಮಹಾಮಾರಿಯಿಂದಾಗಿ ಅನೇಕರ ಮೃತ್ಯುವಾದಾಗ ಹಾಗೂ ನಾಗರಿಕರು ಮಾನಸಿಕ ಮತ್ತು ಆರ್ಥಿಕ ಸಂಘರ್ಷದ ಸ್ಥಿತಿಯಲ್ಲಿರುವಾಗ ಪ್ರಕಾಶಿಸಲಾಗಿತ್ತು. ಈ ವ್ಯಂಗ್ಯಚಿತ್ರವು ಉದ್ದೇಶಪೂರ್ವಕವಾಗಿ ಮಾಡಿರುವ ಅತಿಶಯೋಕ್ತಿಯಾಗಿದೆ. ಸಾರ್ವಜನಿಕ ವಿಕೃತಿಯನ್ನು ನಿರ್ಮಿಸಲು ಈ ಚಿತ್ರವನ್ನು ಬಿಡಿಸಲಾಗಿದೆ. ಈ ಸಂಸ್ಥೆಯು ವ್ಯಂಗ್ಯಚಿತ್ರಕ್ಕೆ ನೀಡಿರುವ ಪ್ರಶಸ್ತಿಯನ್ನು ಹಿಂಪಡೆಯಬೇಕು’ ಎಂದು ಹೇಳಲಾಗಿದೆ.