ದಕ್ಷಿಣ ಭಾರತದಲ್ಲಿ ಇಸ್ಲಾಮಿಕ್ ಸ್ಟೇಟನಿಂದ ‘ಇಸ್ಲಾಮಿ ಖಿಲಾಫತ್ ‘ನ್ನು  ಸ್ಥಾಪಿಸುವ ಷಡ್ಯಂತ್ರ ಬಹಿರಂಗ!

ನವದೆಹಲಿ – ರಾಷ್ಟ್ರೀಯ ಅನ್ವೇಷಣಾ ವಿಭಾಗ (ಎನ್ಐಎ)ವು ಇಸ್ಲಾಮಿಕ್ ಸ್ಟೇಟ್ ನ (ಇಸಿಸ್) ‘ಅಲ್-ಹಿಂದ್’ ಗುಂಪಿಗೆ ಸೇರಿದ ಶಿಹಾಬುದ್ದೀನ ಎಂಬ ಭಯೋತ್ಪಾದಕನ ವಿರುದ್ಧ ಇತ್ತೀಚೆಗೆ ಆರೋಪ ಪತ್ರವನ್ನು ದಾಖಲಿಸಿದೆ. ಈ ಅನ್ವೇಷಣೆಯಲ್ಲಿ ದಕ್ಷಿಣ ಭಾರತದಲ್ಲಿ ‘ಇಸ್ಲಾಮಿ ಖಿಲಾಫತ್’ ಸ್ಥಾಪಿಸುವ ಪ್ರಯತ್ನವು ನಡೆಯುತ್ತಿದೆ ಎಂಬುದು ಬಹಿರಂಗವಾಗಿದೆ. ‘ಟೈಮ್ಸ್ ನೌ’ ಎಂಬ ಆಂಗ್ಲ ವಾರ್ತಾ ವಾಹಿನಿಯು ನೀಡಿದ ಮಾಹಿತಿಗನುಸಾರ ಈ ಆರೋಪ ಪತ್ರದಲ್ಲಿ ‘ಇಸಿಸ್ ನ ಭಯೋತ್ಪಾದಕರು ದಕ್ಷಿಣದಲ್ಲಿನ ಕರ್ನಾಟಕ ಮತ್ತು ತಮಿಳುನಾಡು ರಾಜ್ಯಗಳಲ್ಲಿ ಅನೇಕಬಾರಿ ಸಭೆಗಳನ್ನು ನಡೆಸಿದ್ದಾರೆ. ಇವುಗಳ ಮಾಧ್ಯಮದಿಂದ ಪೊಲೀಸ್ ಅಧಿಕಾರಿಗಳು ಮತ್ತು ಹಿಂದುತ್ವನಿಷ್ಠ ನೇತಾರರ ಹತ್ಯೆಗಾಗಿ ಶಸ್ತ್ರ ಮತ್ತು ಸ್ಪೋಟಕಗಳನ್ನು ಸಂಗ್ರಹಿಸುವ ಷಡ್ಯಂತ್ರವನ್ನು ರಚಿಸಲಾಗಿತ್ತು.

ISIS terrorists from Al-Hind module attempted to form ‘Islamist caliphate’ in South India, hatched plot to kill Hindu leaders: NIAhttps://t.co/UxKbXXBF3L

— OpIndia.com (@OpIndia_com) September 16, 2021

1. ವಿಶೇಷ ಉಪನಿರೀಕ್ಷಕರಾದ ಎ.  ವಿಲ್ಸನ್ ರವರ ಹತ್ಯೆಯ  ಪ್ರಕರಣದಲ್ಲಿ ‘ಎನ್ಐಎ’ಯು ಜನವರಿ 2021ರಲ್ಲಿ ಚೆನ್ನೈಯ 39 ವರ್ಷದ ಶಿಹಾಬುದ್ಧಿನನನ್ನು ಬಂಧಿಸಿತ್ತು. ವಿಲ್ಸನರನ್ನು ಕೊಲ್ಲಲು ಶಿಹಾಬುದ್ದೀನ ಮತ್ತು ಅವನ ಸಹಚರರು ಬಂದೂಕು ಮತ್ತು ಸ್ಪೋಟಕಗಳನ್ನು ಬಳಸಿದ್ದರು. ಈ ಹತ್ಯೆಯ ಪ್ರಕರಣದಲ್ಲಿ 6 ಆರೋಪಿಗಳ ವಿರುದ್ಧ ಆರೋಪ ಪತ್ರವನ್ನು ಸಲ್ಲಿಸಲಾಗಿದೆ.

2. ಬೆಂಗಳೂರಿನ ಗುರಪ್ಪನಪಾಳ್ಯದಲ್ಲಿ ವಾಸಿಸುವ ಮಹಬೂಬ್ ಪಾಷಾ ಮತ್ತು ಖಾಜಾ ಮೋಯಿದಿನ ಇವರು ದಕ್ಷಿಣ ಭಾರತದಲ್ಲಿನ ಮುಸಲ್ಮಾನ ಯುವಕರನ್ನು ಸೇರಿಸಿ ‘ ಅಲ್ – ಹಿಂದ ‘ ಎಂಬ ಇಸಿಸ್ ಗೆ ಸಂಬಂಧಿಸಿದ ಭಯೋತ್ಪಾದನಾ ಗುಂಪನ್ನು ರಚಿಸಿದ್ದರು. ಈ ಯುವಕರಿಗೆ ಹಿಂದುತ್ವನಿಷ್ಠ ನೇತಾರರು ಮತ್ತು ಪೊಲೀಸ್ ಅಧಿಕಾರಿಗಳನ್ನು ಕೊಲ್ಲಲು ಕಾಡಿನಲ್ಲಿ ತರಬೇತಿಯನ್ನು ನೀಡಲಾಗಿತ್ತು. ಹತ್ಯೆಯ ನಂತರ ಅವರಿಗೆ ಆಶ್ರಯ ಪಡೆಯಲು ವಿವಿಧ ರಾಜ್ಯಗಳಲ್ಲಿನ ಸುರಕ್ಷಿತ ಪ್ರದೇಶಗಳನ್ನು ಆಯ್ಕೆ ಮಾಡಲಾಗಿತ್ತು. ಇವುಗಳಲ್ಲಿ ಮಹಾರಾಷ್ಟ್ರದಲ್ಲಿನ ರತ್ನಾಗಿರಿಯೂ ಇರುವುದು ಬೆಳಕಿಗೆ ಬಂದಿದೆ.

3. ಈ ಪ್ರಕರಣದಲ್ಲಿ ‘ಎನ್ಐಎ’ಯು ಇಸಿಸ್ ಗೆ ಸಂಬಂಧಿಸಿದ 25 ಸಂಶಯಿತರನ್ನು ಗುರುತಿಸಿದೆ. ಅವರು ಅಪಘಾನಿಸ್ತಾನದಲ್ಲಿ ಇದ್ದು ಅಲ್ಲಿನ ಆಡಳಿತ ಬದಲಾವಣೆಯ ನಂತರ ಈಗ ಜಿಹಾದಿಗಾಗಿ ಭಾರತೀಯರನ್ನು ಆನ್ ಲೈನ್ ನೇಮಕಾತಿ ಮಾಡಲು ಪ್ರಯತ್ನಿಸುತ್ತಿದ್ದಾರೆ’ ಎಂದು ಹೇಳಲಾಗುತ್ತದೆ.