ಕೊರೊನಾ ರೋಗಿಗಳಿಗೆ ಪ್ರಯೋಜನಕಾರಿಯಾಗಿರುವ ಅಶ್ವಗಂಧಾ ಔಷಧಿಯ ಮೇಲೆ ಬ್ರಿಟನ್‍ನಲ್ಲಿ ಸಂಶೋಧನೆ !

ಎಲ್ಲಿ ಆಧುನಿಕ ವೈದ್ಯಕೀಯ ಶಾಸ್ತ್ರದ ಡಂಗುರ ಬಾರಿಸುತ್ತಾ ಆಯುರ್ವೇದವನ್ನು ಕೀಳಾಗಿ ಕಾಣುವ ಭಾರತೀಯ ತಥಾಕಥಿತ ವಿಜ್ಞಾನಿಗಳು, ಎಲ್ಲಿ ಆಯುರ್ವೇದದ ಬಗ್ಗೆ ಸಂಶೋಧನೆ ಮಾಡಿ ಅದರಿಂದ ತಮ್ಮ ದೇಶಕ್ಕೆ ಲಾಭ ಪಡೆಯಲು ನೋಡುತ್ತಿರುವ ಬ್ರಿಟನ್ !

ನವದೆಹಲಿ – ಭಾರತದಲ್ಲಿ ಅಧ್ಯಯನದ ಕೊನೆಯಲ್ಲಿ `ಕೊರೊನಾ ಪೀಡಿತ ರೋಗಿಗಳಿಗೆ ಅಶ್ವಗಂಧಾದಿಂದ ತಯಾರಿಸಲಾಗಿರುವ ಆಯುರ್ವೇದ ಔಷಧಿಗಳಿಂದ ಉತ್ತಮ ಪ್ರಯೋಜನವಾಗಿದೆ’, ಎಂಬುದು ಸಾಬೀತಾಗಿದೆ. ಭಾರತದಲ್ಲಿನ ಈ ಯಶಸ್ಸಿನ ನಂತರ ಈ ಔಷಧಿಯ ಮೇಲೆ ಇದೇ ಮೊದಲಬಾರಿ ಭಾರತದ ಹೊರಗೆ ಸಂಶೋಧನೆ ನಡೆಯಲಿದೆ. ಅದಕ್ಕಾಗಿ ಭಾರತ ಮತ್ತು ಬ್ರಿಟನ್‍ನ ನಡುವೆ ಒಪ್ಪಂದವಾಗಿದೆ.

India, UK to conduct clinical trials on ‘Ashwagandha’ for #COVID19 recovery https://t.co/hFCuTDFGnb

— Zee News English (@ZeeNewsEnglish) July 31, 2021

16 ತಿಂಗಳು ಮತ್ತು 100 ಕ್ಕೂ ಹೆಚ್ಚು ಸಭೆಯ ನಂತರ ಆಯುಷ ಸಚಿವಾಲಯದ ‘ಅಖಿಲ ಭಾರತೀಯ ಆಯುರ್ವೇದ ಸಂಸ್ಥೆ’ ಹಾಗೂ ಬ್ರಿಟನ್‍ನ ‘ಲಂಡನ್ ಸ್ಕೂಲ್ ಆಫ್ ಹೈಜಿನ ಆಂಡ್ ಟ್ರಾಪಿಕಲ ಮೆಡಿಸಿನ’ ಇವು ಈ ಔಷಧಿಯ ಮೇಲೆ ಬ್ರಿಟನ್‍ನ 3 ಪಟ್ಟಣಗಳಲ್ಲಿನ ಕೊರೊನಾ ರೋಗಿಗಳ ಮೇಲೆ ಪರೀಕ್ಷಣೆ ಮಾಡಿ ಅಧ್ಯಯನ ಮಾಡುವುದೆಂದು ನಿರ್ಧರಿಸಲಾಗಿದೆ. ‘ಅಖಿಲ ಭಾರತೀಯ ಆಯುರ್ವೇದ ಸಂಸ್ಥೆ’ಯ ನಿರ್ದೇಶಕರಾದ ಹಾಗೂ ಈ ಯೋಜನೆಯ ಸಹಸಂಯೋಜಕರಾದ ಡಾ. ತನುಜಾ ಮನೋಜ ನೆಸಾರಿ ಇವರು, “ದಿನ 90 ದಿನಗಳಲ್ಲಿ ಬ್ರಿಟನ್‍ನಲ್ಲಿ ಲಿಸೆಸ್ಟರ, ಬರ್ಮಿಂಗಹ್ಯಾಮ್ ಮತ್ತು ಲಂಡನ್‍ನಲ್ಲಿನ ಕೊರೊನಾದ 2 ಸಾವಿರ ರೋಗಿಗಳ ಮೇಲೆ ಅಧ್ಯಯನ ಮಾಡಲಾಗುವುದು. ನಂತರ 90 ದಿನ ತುಲನಾತ್ಮಕ ಅಧ್ಯಯನ ಮಾಡಲಾಗುವುದು. ಭಾರತದಲ್ಲಿ ಅಶ್ವಗಂಧಾ ಔಷಧಿಯಿಂದ ಒಳ್ಳೆಯ ಪರಿಣಾಮವು ಕಂಡುಬಂದಿದೆ. ಕೊರೊನಾದ ದೀರ್ಘಾವಧಿಯ ಲಕ್ಷಣಗಳನ್ನು ಕಡಿಮೆ ಮಾಡಲು ಈ ಔಷಧಿಯಿಂದ ಉತ್ತಮ ಪರಿಣಾಮ ಆಗುತ್ತಿರುವುದರಿಂದ ಕೊರೊನಾದ ಚಿಕಿತ್ಸೆಯಲ್ಲಿ ಇದೊಂದು ಉತ್ತಮ ಪರ್ಯಾಯವಾಗಬಹುದು.” ಎಂದು ಹೇಳಿದರು.