ಭಿಕ್ಷುಕರನ್ನು ಭಿಕ್ಷೆ ಬೇಡುವುದರಿಂದ ಯಾರೂ ತಡೆಯಲಾರರು ! – ಸರ್ವೋಚ್ಚ ನ್ಯಾಯಾಲಯ

ನವ ದೆಹಲಿ : ಭಾರತದಲ್ಲಿ ಹರಡಿರುವ ಕೊರೊನಾದ ಅಪಾಯವನ್ನು ತಡೆಗಟ್ಟಲು ಮತ್ತು ಪುನರ್ವಸತಿ ಮಾಡಿ ಭಿಕ್ಷುಕರನ್ನು ರಸ್ತೆಗಳಲ್ಲಿ ಹಾಗೂ ಮಾರುಕಟ್ಟೆಗಳಲ್ಲಿ ಭಿಕ್ಷೆ ಬೇಡದಂತೆ ತಡೆಯಬೇಕು ಎಂದು ಕೋರಿ ಸಲ್ಲಿಸಿದ್ದ ಅರ್ಜಿಯ ಬಗ್ಗೆ ಸರ್ವೋಚ್ಚ ನ್ಯಾಯಾಲಯವು ವಿಚಾರ ಮಾಡಲು ನಿರಾಕರಿಸಿದೆ. ಭಿಕ್ಷುಕರನ್ನು ಭಿಕ್ಷೆ ಬೇಡುವುದರಿಂದ ಯಾರೂ ತಡೆಯಲು ಸಾಧ್ಯವಿಲ್ಲ ಎಂದು ನ್ಯಾಯಾಲಯವು ಸ್ಪಷ್ಟಪಡಿಸಿದೆ.

‘Won’t Take Elitist View; Begging Not Out Of Choice’ : Supreme Court Turns Down Plea To Stop Street Begging Amid COVID @royradhika7 https://t.co/iQ3zNnJy3m

— Live Law (@LiveLawIndia) July 27, 2021

ಈ ಕುರಿತು ಸಲ್ಲಿಸಿದ್ದ ಅರ್ಜಿಯನ್ನು ಪರಿಗಣಿಸಲು ನ್ಯಾಯಮೂರ್ತಿ ಧನಂಜಯ ಚಂದ್ರಚೂಡ್ ಮತ್ತು ನ್ಯಾಯಮೂರ್ತಿ ಎಂ.ಆರ್. ಶಾಹ್ ಇವರ ನ್ಯಾಯಪೀಠವು ನಿರಾಕರಿಸಿತು. ನ್ಯಾಯಮೂರ್ತಿ ಚಂದ್ರಚೂಡ್ ಅವರು, ರಸ್ತೆಗಳಲ್ಲಿ ಭಿಕ್ಷೆ ಬೇಡುವುದಕ್ಕೆ ಬಡತನವು ಒಂದು ಒಂದು ಕಾರಣವಾಗಿರುತ್ತದೆ. ಇದು ಸಾಮಾಜಿಕ ಮತ್ತು ಆರ್ಥಿಕ ಸಮಸ್ಯೆಯಾಗಿದೆ. ನಾವು ಅವರ ಮಕ್ಕಳಿಗೆ ಶಿಕ್ಷಣ ನೀಡಲು ವ್ಯವಸ್ಥೆ ಮಾಡಬಹುದು. ಭಿಕ್ಷುಕರ ಪುನರ್ವಸತಿ ಮತ್ತು ಲಸಿಕೀಕರಣದ ಬಗ್ಗೆ ಗಮನ ನೀಡುವಂತೆ ಅರ್ಜಿದಾರರ ಬೇಡಿಕೆ ಕುರಿತು ಸರ್ವೋಚ್ಚ ನ್ಯಾಯಾಲಯವು ಕೇಂದ್ರ ಮತ್ತು ದೆಹಲಿ ಸರಕಾರಕ್ಕೆ ನೋಟಿಸ್ ನೀಡಿದೆ.