ಆರೋಪಿ ಶಾಹಿನಾ ರಫೀಕ್ ಇವಳನ್ನು ಪುಣೆಗೆ ತನಿಖೆಗಾಗಿ ಕರೆಯಿಸಲಾಗಿದೆ

ಪುಣೆ, 4 ಜೂನ್ (ಸುದ್ದಿ) – ‘ವಿಪ್ರೋ’ದಲ್ಲಿ ನಡೆದ ಮತಾಂತರದ ಯತ್ನದ ಪ್ರಕರಣದಲ್ಲಿ ಇನ್ನೂ ಪ್ರಕರಣ ದಾಖಲಾಗಿಲ್ಲ. ಸಂಬಂಧಪಟ್ಟ ಮುಸ್ಲಿಂ ಮಹಿಳೆ ಪುಣೆಯ ವಿಪ್ರೋ ಕಚೇರಿಗೆ ಎಂದಿಗೂ ಬಂದಿಲ್ಲ. ಅವಳು ಬೆಂಗಳೂರಿನ ಕಚೇರಿಯಲ್ಲಿ ಕೆಲಸ ಮಾಡುತ್ತಿದ್ದಾಳೆ. ಅವಳನ್ನು ತನಿಖೆಗಾಗಿ ಪುಣೆಗೆ ಕರೆಯಿಸಲಾಗಿದೆ ಎಂದು ಹಿಂಜವಡಿ ಪೊಲೀಸ್ ಠಾಣೆಯ ಹಿರಿಯ ಪೊಲೀಸ್ ನಿರೀಕ್ಷಕ ಬಾಲಾಜಿ ಪಾಂಢರೆ ಅವರು ‘ಸನಾತನ ಪ್ರಭಾತ’ದ ಪ್ರತಿನಿಧಿಗೆ ತಿಳಿಸಿದರು.

ಈ ಪ್ರಕರಣ ಮತಾಂತರದ್ದಾಗಿದೆ ಎಂದು ಸಂತ್ರಸ್ತ ಹಿಂದೂ ಮಹಿಳೆ ದೂರಿನಲ್ಲಿ ತಿಳಿಸಿದ್ದಾರೆ, ಇದರ ಬಗ್ಗೆ ಪಾಂಢರೆ ಅವರು ಮಾತನಾಡಿ, ಆರೋಪಿ ಮಹಿಳೆಯನ್ನು ವಿಚಾರಣೆ ನಡೆಸದೆ ಈ ಬಗ್ಗೆ ನಾವು ಯಾವುದೇ ಪ್ರತಿಕ್ರಿಯೆ ನೀಡಲು ಸಾಧ್ಯವಿಲ್ಲ. ಅಲ್ಲದೆ ಇದು ಇಬ್ಬರು埋 ಮಹಿಳೆಯರ ನಡುವಿನ ವಿವಾದವಾಗಿದೆ. ನಾವು ಇದರ ಮುಂದಿನ ತನಿಖೆ ನಡೆಸುತ್ತಿದ್ದೇವೆ. ವಿಪ್ರೋ ಸಂಸ್ಥೆಯು ಸಂತ್ರಸ್ತೆಗೆ ರಾಜೀನಾಮೆ ನೀಡುವಂತೆ ಒತ್ತಾಯಿಸಿದ ವಿಷಯದ ಬಗ್ಗೆ ಪಾಂಢರೆ ಅವರು ಮಾತನಾಡಿ, ಈ ವಿಷಯವು ಕಾರ್ಮಿಕ ಕಾಯ್ದೆಯ ಅಡಿಗೆ ಬರುತ್ತದೆ. ಅದರ ಬಗ್ಗೆಯೂ ತನಿಖೆ ನಡೆಸಲಾಗುತ್ತಿದೆ ಎಂದರು.