ಬಾಂಗ್ಲಾದೇಶ: ಬಕ್ರೀದ್ ದಿನದಂದು ‘ಡೊನಾಲ್ಡ್ ಟ್ರಂಪ್’ ಹೆಸರಿನ ಎಮ್ಮೆಯ ಬಲಿ ರದ್ದು !

​

ಢಾಕಾ (ಬಾಂಗ್ಲಾದೇಶ) – ಬಾಂಗ್ಲಾದೇಶದಲ್ಲಿ ಎಮ್ಮೆಯೊಂದಕ್ಕೆ ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಹೆಸರನ್ನಿಟ್ಟು, ಬಕ್ರೀದ್ ಹಬ್ಬದ ದಿನದಂದು ಬಲಿ ನೀಡಲು ನಿರ್ಧರಿಸಲಾಗಿತ್ತು. ಆದರೆ ಈ ಎಮ್ಮೆಯ ಹೆಸರಿನಿಂದಾಗಿ ಜಗತ್ತಿನಾದ್ಯಂತ ಭಾರಿ ಚರ್ಚೆಗೆ ಗ್ರಾಸವಾಯಿತು. ಇದರಿಂದ ನಿರ್ಮಾಣವಾದ ಒತ್ತಡದ ಹಿನ್ನೆಲೆಯಲ್ಲಿ ಈಗ ಈ ಎಮ್ಮೆಯ ಪ್ರಾಣ ಉಳಿದಿದೆ. ಎಮ್ಮೆ ಬಲಿ ಕೊಡುವ ನಿರ್ಧಾರವನ್ನು ರದ್ದುಗೊಳಿಸಲಾಗಿದ್ದು, ಈಗ ಅದನ್ನು ಪ್ರಾಣಿ ಸಂಗ್ರಹಾಲಯದಲ್ಲಿಡಲು ನಿರ್ಧರಿಸಲಾಗಿದೆ. ಎಮ್ಮೆಯ ದೇಹದ ಮಧ್ಯಭಾಗದಲ್ಲಿರುವ ಬಿಳಿ ಬಣ್ಣ ಮತ್ತು ಅದರ ಹಣೆಯ ಮೇಲಿರುವ ಚಿನ್ನದ ಬಣ್ಣದ ಕೂದಲಿನಿಂದಾಗಿ, ಆ ಎಮ್ಮೆಯ ಹೆಸರನ್ನು ಟ್ರಂಪ್ ಎಂದಿಡಲಾಗಿತ್ತು.

​ಬಾಂಗ್ಲಾದೇಶದ ಗೃಹ ಸಚಿವಾಲಯವು ಎಮ್ಮೆಯ ಬಲಿಯನ್ನು ರದ್ದುಗೊಳಿಸಿರುವುದಾಗಿ ಮೇ ೨೭ ರಂದೇ ಘೋಷಿಸಿದೆ. ೭೦೦ ಕಿಲೋ ತೂಕದ ಈ ಅಪರೂಪದ ಅಲ್ಬಿನೋ ತಳಿಯ ಎಮ್ಮೆಯನ್ನು ೩ ಲಕ್ಷ ರೂಪಾಯಿಗಳಿಗೆ ಮಾರಾಟ ಮಾಡಲಾಗಿತ್ತು.