ಕೇರಳ: ಅಪ್ರಾಪ್ತ ವಯಸ್ಸಿನ ಮಕ್ಕಳ ಮೇಲೆ ಹಲ್ಲೆ ನಡೆಸಿದ ಕ್ರೈಸ್ತ ಪಾದ್ರಿ ವಿರುದ್ಧ ರೊಚ್ಚಿಗೆದ್ದು ರಸ್ತೆಗಿಳಿದ ನಾಗರಿಕರು!

ತಿರುವನಂತಪುರಂ (ಕೇರಳಮ್‌) – ‘ಎಲೋಹಿಮ್ ಗ್ಲೋಬಲ್ ವರ್ಷಿಪ್ ಸೆಂಟರ್’ನ ಪಾದ್ರಿ ಬಿನು ವಝಾಮುಟ್ಟೊಮ್ ಅವರ ಮೇಲೆ ಅಪ್ರಾಪ್ತ ವಯಸ್ಕ ಮಕ್ಕಳ ಮೇಲೆ ಹಲ್ಲೆ ನಡೆಸಿದ, ಅವರನ್ನು ಕೂಡಿಹಾಕಿದ ಮತ್ತು ಅವರಿಂದ ಬಲವಂತವಾಗಿ ಶ್ರಮದ ಕೆಲಸಗಳನ್ನು ಮಾಡಿಸಿಕೊಂಡ ಆರೋಪ ಕೇಳಿಬಂದಿದೆ. ಇಡುಕ್ಕಿ ಜಿಲ್ಲೆಯ ಅನಕ್ಕಾರಾದಲ್ಲಿ ವಾಸಿಸುವ 17 ವರ್ಷದ ಬಾಲಕನೊಬ್ಬ ಈ ಪಾದ್ರಿ ವಿರುದ್ಧ ದೂರು ನೀಡಿದ ನಂತರ ಈ ವಿಷಯ ಬೆಳಕಿಗೆ ಬಂದಿದೆ. ಆರೋಪಿ ಪಾದ್ರಿ ವಿರುದ್ಧ ಜನರು ರಸ್ತೆಗಿಳಿದು ಪ್ರತಿಭಟನೆ ನಡೆಸಿದರು ಮತ್ತು ಪಾದ್ರಿಯ ಬಂಧನಕ್ಕೆ ಒತ್ತಾಯಿಸಿದರು. (‘ವರ್ಷಿಪ್ ಸೆಂಟರ್’ ಹೆಸರಿನಲ್ಲಿ ನಡೆಯುತ್ತಿರುವ ಇಂತಹ ಕೃತ್ಯಗಳನ್ನು ತಿಳಿದುಕೊಳ್ಳಿ! – ಸಂಪಾದಕರು)

1. ಪಾದ್ರಿ ಬಿನು ವಝಾಮುಟ್ಟೊಮ್ ನಡೆಸುತ್ತಿದ್ದ ‘ಸ್ನೇಹಥಾನಲ್’ ಎಂಬ ಸಂಸ್ಥೆಯಲ್ಲಿ ಅಪ್ರಾಪ್ತ ವಯಸ್ಕ ಮಕ್ಕಳ ಮೇಲೆ ಹಲ್ಲೆ ನಡೆಸಲಾಗಿದೆ. ಅಲ್ಲದೆ ಅವರನ್ನು ಕಾನೂನುಬಾಹಿರವಾಗಿ ಕೂಡಿಹಾಕಿ ಅವರಿಂದ ಬಲವಂತವಾಗಿ ಶ್ರಮದ ಕೆಲಸಗಳನ್ನು ಮಾಡಿಸಿಕೊಳ್ಳಲಾಗಿದೆ.

2. ಕೇರಳಮ್‌ದ ಪಥನಂತಿಟ್ಟದಲ್ಲಿ ಜೂನ್ 21, 2026 ರಂದು ಭಾಜಪದ ಕಾರ್ಯಕರ್ತರು ‘ಎಲೋಹಿಮ್ ಗ್ಲೋಬಲ್ ವರ್ಷಿಪ್ ಸೆಂಟರ್’ನ ಹೊರಗೆ ಪ್ರತಿಭಟನೆ ನಡೆಸಿ ಪಾದ್ರಿಯ ಬಂಧನಕ್ಕೆ ಒತ್ತಾಯಿಸಿದರು.

3. ಕಾನೂನು ಮತ್ತು ಸುವ್ಯವಸ್ಥೆಯನ್ನು ಕಾಪಾಡಲು ಕೇಂದ್ರದ (ವರ್ಷಿಪ್ ಸೆಂಟರ್) ಸುತ್ತಲೂ ಹೆಚ್ಚುವರಿ ಪೊಲೀಸ್ ಬಂದೋಬಸ್ತ್ ನಿಯೋಜಿಸಲಾಗಿದೆ.