ಇರಾನ್ ಮೇಲೆ ಮತ್ತೆ ದಾಳಿ ಮಾಡುವ ವಿಷಯದಲ್ಲಿ ಟ್ರಂಪ್ ಮತ್ತು ನೇತನ್ಯಾಹು ಅವರ ನಡುವೆ ಭಿನ್ನಾಭಿಪ್ರಾಯ

ವಾಶಿಂಗ್ಟನ್ (ಅಮೆರಿಕ) – ಇರಾನ್ ಮೇಲೆ ಮತ್ತೆ ದಾಳಿ ಮಾಡುವ ವಿಷಯದ ಕುರಿತು ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮತ್ತು ಇಸ್ರೇಲ್ ನ ಪ್ರಧಾನಮಂತ್ರಿ ಬೆಂಜಮಿನ್ ನೇತನ್ಯಾಹು ಅವರ ನಡುವೆ ವಾದ ನಡೆದಿರುವುದು ಬೆಳಕಿಗೆ ಬಂದಿದೆ. ನೇತನ್ಯಾಹು ಅವರಿಗೆ ಇರಾನ್ ಮೇಲೆ ದಾಳಿ ಮಾಡಬೇಕಾಗಿದೆ, ಆದರೆ ಟ್ರಂಪ್ ಅವರಿಗೆ ಚರ್ಚೆ ಮತ್ತು ಒಪ್ಪಂದಕ್ಕೆ ಅವಕಾಶ ನೀಡಬೇಕಾಗಿದೆ. ಈ ಇಬ್ಬರೂ ನಾಯಕರು ೧೯ ಮೇ ದಿನದಂದು ಒಂದು ಗಂಟೆ ದೂರವಾಣಿಯ ಮೂಲಕ ಚರ್ಚೆ ನಡೆಸಿದರು. ಈ ಸಮಯದಲ್ಲಿ ಅವರಲ್ಲಿ ಭಿನ್ನಾಭಿಪ್ರಾಯ ವ್ಯಕ್ತವಾಯಿತು.

ಇದಕ್ಕೂ ಮುನ್ನ ಟ್ರಂಪ್ ಅವರು ನೇತನ್ಯಾಹು ಅವರಿಗೆ, ಅಮೆರಿಕವು ಇರಾನ್ ಮೇಲೆ ಒಂದು ಹೊಸ ನಿರ್ದಿಷ್ಟ ದಾಳಿ ಮಾಡಲು ಸಿದ್ಧತೆ ನಡೆಸುತ್ತಿದೆ ಎಂದು ತಿಳಿಸಿದ್ದರು. ಈ ಕಾರ್ಯಾಚರಣೆಗೆ ‘ಆಪರೇಷನ್ ಸ್ಲೆಡ್ಜ್ ಹ್ಯಾಮರ್’ ಎಂದು ಹೆಸರಿಡಲಾಗುತ್ತಿತ್ತು. ಆದಾಗ್ಯೂ ೨೪ ಗಂಟೆಗಳ ನಂತರ ಟ್ರಂಪ್ ಅವರು ಯೋಜಿತ ದಾಳಿವನ್ನು ಸ್ಥಗಿತಗೊಳಿಸಿರುವುದಾಗಿ ಘೋಷಿಸಿದರು. ಕತಾರ್, ಸೌದಿ ಅರೇಬಿಯಾ ಮತ್ತು ಸಂಯುಕ್ತ ಅರಬ್ ಎಮಿರೇಟ್ಸ್ ನಂತಹ ಗಲ್ಫ್ ದೇಶಗಳ ವಿನಂತಿಯ ಮೇರೆಗೆ ಈ ನಿರ್ಧಾರ ತೆಗೆದುಕೊಳ್ಳಲಾಗಿದೆ ಎಂದು ಟ್ರಂಪ್ ಹೇಳಿದರು.

ಅಮೆರಿಕದ ಸಂಸತ್ತಿನಲ್ಲಿ ಇರಾನ್ ವಿರುದ್ಧದ ಯುದ್ಧ ನಿಲ್ಲಿಸಲು ಬೇಡಿಕೆ – ಪ್ರಸ್ತಾವನೆ ಒಪ್ಪಿಗೆ

ಅಮೆರಿಕದ ಸಂಸತ್ತಿನಲ್ಲಿ ಇರಾನ್ ಜೊತೆಗಿನ ಯುದ್ಧ ನಿಲ್ಲಿಸಲು ಬೇಡಿಕೆ ಇಡುವ ಪ್ರಸ್ತಾವನೆಯನ್ನು ಅನುಮೋದಿಸಲಾಯಿತು. ೪ ರಿಪಬ್ಲಿಕನ್ ಸಂಸದರೂ ಟ್ರಂಪ್ ಅವರ ವಿರುದ್ಧ ಮತ ಚಲಾಯಿಸಿದರು. ಒಂದುವೇಳೆ ಇದು ಕಾಯ್ದೆಯಾದರೆ, ಇರಾನ್ ವಿರುದ್ಧ ಯುದ್ಧ ಮುಂದುವರಿಸಲು ಟ್ರಂಪ್ ಅವರು ಸಂಸತ್ತಿನ ಒಪ್ಪಿಗೆ ಪಡೆಯಬೇಕಾಗುವುದು.

ನಮ್ಮ ಬಳಿ ಇಂದಿಗೂ ಅನೇಕ ರಹಸ್ಯ ಶಸ್ತ್ರಾಸ್ತ್ರಗಳು ಬಾಕಿಯಿವೆ ! – ಇರಾನ್

ಅಮೆರಿಕದ ಬೆದರಿಕೆಗಳ ಹಿನ್ನೆಲೆಯಲ್ಲಿ ಇರಾನ್, ತನ್ನ ಬಳಿ ಇಂದಿಗೂ ಅನೇಕ ಅತ್ಯಾಧುನಿಕ ಶಸ್ತ್ರಾಸ್ತ್ರಗಳಿವೆ, ಅವುಗಳನ್ನು ಇದುವರೆಗೆ ಯುದ್ಧದಲ್ಲಿ ಬಳಸಿಲ್ಲ ಎಂದು ಹೇಳಿದೆ. ಒಂದುವೇಳೆ ಮತ್ತೆ ದಾಳಿವಾದರೆ, ಈ ಬಾರಿ ಯಾವುದೇ ಹಿಂಜರಿಕೆಯಿಲ್ಲದೆ ಪ್ರತ್ಯುತ್ತರ ನೀಡಲಾಗುವುದು, ಎಂದು ಹೇಳಿದೆ.

ಇರಾನ್ ಒಪ್ಪಿಗೆಯಿಂದ ೨೬ ನೌಕೆಗಳು ಹಾರ್ಮುಜ್ ಜಲಸಂಧಿ ದಾಟಿದವು

ಕಳೆದ ೨೪ ಗಂಟೆಗಳಲ್ಲಿ ೨೬ ನೌಕೆಗಳು ಇರಾನ್ ಒಪ್ಪಿಗೆಯ ನಂತರ ಹಾರ್ಮುಜ್ ಜಲಸಂಧಿಯನ್ನು ದಾಟಿವೆ ಎಂದು ಇರಾನ್ ಸೈನ್ಯವು ದಾವೆ ಮಾಡಿದೆ. ಇದರಲ್ಲಿ ತೈಲ ಟ್ಯಾಂಕರ್ ಮತ್ತು ವಾಣಿಜ್ಯ ನೌಕೆಗಳು ಸೇರಿವೆ.

ಸಂಯುಕ್ತ ಅರಬ್ ಎಮಿರೇಟ್ಸ್ ಹಾರ್ಮುಜ್ ಅನ್ನು ಹೊರತುಪಡಿಸಲು ಹೊಸ ಪೈಪ್ ಲೈನ್ ಅಳವಡಿಸುತ್ತಿದೆ !

ಹಾರ್ಮುಜ್ ಜಲಸಂಧಿಯನ್ನು ಹೊರತುಪಡಿಸಿ ಹೋಗುವ ಹೊಸ ತೈಲ ಪೈಪ್ ಲೈನ್ ನ ಶೇಕಡಾ ೫೦ ರಷ್ಟು ಕೆಲಸ ಪೂರ್ಣಗೊಂಡಿದೆ ಎಂದು ‘ಅಬುಧಾಬಿ ನ್ಯಾಷನಲ್ ಆಯಿಲ್ ಕಂಪನಿ’ ತಿಳಿಸಿದೆ.

ಹಾರ್ಮುಜ್ ಸಂಕಟದಿಂದಾಗಿ ಆಹಾರ ಸಂಕಟದ ಭೀತಿ ! – ಸಂಯುಕ್ತ ರಾಷ್ಟ್ರಗಳು

ಹಾರ್ಮುಜ್ ನಲ್ಲಿ ಅಡಚಣೆ ಹೆಚ್ಚಾದರೆ ಜಗತ್ತಿನಲ್ಲಿ ಆಹಾರ ಸಂಕಟ ಮತ್ತು ಹಣದುಬ್ಬರ ಹೆಚ್ಚಾಗಬಹುದು ಎಂದು ಸಂಯುಕ್ತ ರಾಷ್ಟ್ರಗಳ ಆಹಾರ ಮತ್ತು ಕೃಷಿ ಸಂಸ್ಥೆಯು ಹೇಳಿದೆ. ವ್ಯವಸ್ಥೆಗಳು ಪರ್ಯಾಯ ಪೂರೈಕೆ ಮಾರ್ಗಗಳನ್ನು ಸಿದ್ಧಪಡಿಸಿಕೊಳ್ಳಲು ದೇಶಗಳಿಗೆ ಕರೆ ನೀಡಿವೆ.