ಯೆರವಡ (ಪುಣೆ ಜಿಲ್ಲೆ) ಪ್ರಾದೇಶಿಕ ಮನೋರೋಗ ಆಸ್ಪತ್ರೆಯ ಸರಕಾರಿ ನಿವಾಸದಲ್ಲಿ ಅಕ್ರಮ ‘ಚರ್ಚ್’ ಪತ್ತೆ!

ಪುಣೆ – ಇಲ್ಲಿನ ಯೆರವಡ ಪ್ರಾದೇಶಿಕ ಮನೋರೋಗ ಆಸ್ಪತ್ರೆಯ ಉಪ ಅಧೀಕ್ಷಕರಿಗಾಗಿ ಮೀಸಲಿಟ್ಟಿರುವ ಸರಕಾರಿ ನಿವಾಸದಲ್ಲಿ ಅಧಿಕೃತವಾಗಿ ‘ಚರ್ಚ್’ ನಡೆಸಲಾಗುತ್ತಿದೆ ಎಂಬ ವಿಷಯ ಬೆಳಕಿಗೆ ಬಂದಿದೆ. ಈ ಸಂಪೂರ್ಣ ಪ್ರಕರಣಕ್ಕೆ ಆಸ್ಪತ್ರೆಯ ಅಧೀಕ್ಷಕರೇ ಜವಾಬ್ದಾರರು ಎಂದು ಸಾಮಾಜಿಕ ಕಾರ್ಯಕರ್ತರು ಆರೋಪಿಸಿದ್ದಾರೆ. ಇಲ್ಲಿ ಕೇವಲ ಪ್ರಾರ್ಥನಾ ಸಭೆಗಳು ಮಾತ್ರ ನಡೆಯುತ್ತಿಲ್ಲ, ಬದಲಿಗೆ ರಾಜ್ಯದ ಮೂಲೆ ಮೂಲೆಗಳಿಂದ ಬರುವ ಬಡ ರೋಗಿಗಳ ಸಂಬಂಧಿಕರಿಗೆ ಆರ್ಥಿಕ ಮತ್ತು ಭಾವನಾತ್ಮಕ ಆಮಿಷಗಳನ್ನು ತೋರಿಸಿ ಅವರನ್ನು ಮತಾಂತರ ಮಾಡಲಾಗುತ್ತಿದೆ ಎಂದು ಸಾಮಾಜಿಕ ಕಾರ್ಯಕರ್ತರು ಗಮನಕ್ಕೆ ತಂದಿದ್ದಾರೆ. ನಿಮ್ಮ ರೋಗಿಯನ್ನು ಗುಣಪಡಿಸಲಾಗುವುದು, ನಿಮ್ಮ ಮಕ್ಕಳ ಶಿಕ್ಷಣವನ್ನು ಪೂರೈಸುತ್ತೇವೆ, ನಿಮಗೆ ಕೆಲಸ ಕೊಡಿಸುತ್ತೇವೆ ಎಂಬಂತಹ ಆಮಿಷಗಳನ್ನು ನೀಡಲಾಗುತ್ತಿದೆ ಎಂದು ಹೇಳಲಾಗಿದೆ.

🚨 Church Inside Government Quarters? Shocking Conversion Conspiracy Exposed! 🚨

A ‘Church’ was being run inside the official government residence meant for the Deputy Superintendent of Yerwada Mental Hospital, Pune!

Poor patients’ families were lured with inducements to enable… pic.twitter.com/lQjRwLKe9v

— Sanatan Prabhat (@SanatanPrabhat) April 23, 2026

ಸಾಮಾಜಿಕ ಕಾರ್ಯಕರ್ತ ಶಶಿಕಾಂತ್ ಸಾಟೋಟೆ ಮಾತನಾಡಿ, 138 ಎಕರೆ ಭೂಮಿಯ ಪಾಲಕತ್ವ ಹೊಂದಿದ್ದರೂ ಸಹ, ಅಧೀಕ್ಷಕರ ಕಣ್ಣಿನ ಮುಂದೆಯೇ ಸರಕಾರಿ ಬಂಗಲೆಯಲ್ಲಿ ಚರ್ಚ್ ನಡೆಸಲಾಗುತ್ತಿದೆ ಮತ್ತು ಅಲ್ಲಿ ಮತಾಂತರದ ಜಾಲವನ್ನು ಹೆಣೆಯಲಾಗುತ್ತಿದೆ. ಇದು ಅತ್ಯಂತ ಗಂಭೀರವಾದ ವಿಷಯವಾಗಿದೆ. ಈ ಸಂಪೂರ್ಣ ಪ್ರಕರಣದ ಬಗ್ಗೆ ತಕ್ಷಣ ತನಿಖೆ ನಡೆಸಿ ಕಾನೂನು ಕ್ರಮ ಕೈಗೊಳ್ಳಬೇಕು ಎಂದು ಆಗ್ರಹಿಸಿದ್ದಾರೆ.

ಯೆರವಡ ಪ್ರಾದೇಶಿಕ ಮನೋರೋಗ ಆಸ್ಪತ್ರೆಯ ಪ್ರಭಾರ ಅಧೀಕ್ಷಕ ಶ್ರೀನಿವಾಸ್ ಕೋಲೋಡ್ ಪ್ರತಿಕ್ರಿಯಿಸಿ, ಸದರಿ ಸ್ಥಳದಲ್ಲಿ ಪ್ರಾರ್ಥನಾ ಮಂದಿರ ನಡೆಸುತ್ತಿರುವ ಬಗ್ಗೆ ನಮಗೆ 3-4 ತಿಂಗಳ ಹಿಂದೆ ಸುಳಿವು ಸಿಕ್ಕಿತ್ತು. (ಹಾಗಾದರೆ ಇಷ್ಟು ದಿನ ಏಕೆ ಕ್ರಮ ಕೈಗೊಳ್ಳಲಿಲ್ಲ? – ಸಂಪಾದಕರು). ಆ ಬಗ್ಗೆ ಸಂಬಂಧಪಟ್ಟ ವ್ಯಕ್ತಿಗೆ ತಿಳುವಳಿಕೆ ನೀಡಲಾಗಿತ್ತು. ಇದರಿಂದ ಆಡಳಿತವೂ ಇಂತಹ ಘಟನೆಗಳಿಗೆ ಮೌನ ಸಮ್ಮತಿ ತೋರುತ್ತಿದೆಯೇ ಎಂದು ಸಂದೇಹವಿದೆ. ಸದರಿ ವ್ಯಕ್ತಿ ಮನೋರೋಗ ಆಸ್ಪತ್ರೆಯ ಉದ್ಯೋಗಿಯಾಗಿದ್ದು, ಕಳೆದ 15 ರಿಂದ 16 ವರ್ಷಗಳಿಂದ ಅಲ್ಲಿ ವಾಸಿಸುತ್ತಿದ್ದಾರೆ. ಇಂತಹ ಘಟನೆಗಳು ನಡೆಯುತ್ತಿದ್ದರೆ, ತಕ್ಷಣವೇ ಬಂಗಲೆಯನ್ನು ಖಾಲಿ ಮಾಡಿಸಿ ಸೂಕ್ತ ಕ್ರಮ ಕೈಗೊಳ್ಳಲಾಗುವುದು ಎಂದು ತಿಳಿಸಿದ್ದಾರೆ. (ಸರಕಾರಿ ಆಸ್ತಿ ದುರುಪಯೋಗವಾಗುತ್ತಿದ್ದರೂ ಆಡಳಿತ ಮಂಡಳಿಯು ಕೇವಲ ತಿಳುವಳಿಕೆ ನೀಡಿ ಬಿಡುತ್ತಿದೆ ಎಂದರೆ, ಈ ಕೃತ್ಯಕ್ಕೆ ಆಡಳಿತದ ಮೂಕಸಮ್ಮತಿ ಇದೆಯೇ ಎಂಬ ಸಂಶಯ ಮೂಡುತ್ತದೆ. 15-16 ವರ್ಷಗಳಿಂದ ವಾಸವಿರುವ ಉದ್ಯೋಗಿ ಇಂತಹ ಅನಧಿಕೃತ ಕೃತ್ಯ ಎಸಗುತ್ತಿದ್ದರೆ, ಈವರೆಗೆ ಅವರ ಮೇಲೆ ಕಠಿಣ ಕ್ರಮ ಏಕೆ ಆಗಿಲ್ಲ? – ಸಂಪಾದಕರು)