ಅಮೆರಿಕದ ಇತಿಹಾಸದಲ್ಲೇ ಇದೇ ಮೊದಲಬಾರಿ ಡಾಲರ್ ಮೇಲೆ ಇನ್ಮುಂದೆ ರಾಷ್ಟ್ರಾಧ್ಯಕ್ಷರ ಸಹಿ!

ವಾಷಿಂಗ್ಟನ್ (ಅಮೆರಿಕ) – ಬರುವ ಜೂನ್ ತಿಂಗಳಿನಿಂದ ಅಮೆರಿಕದ ಕರೆನ್ಸಿಯಾದ ಡಾಲರ್ ಮೇಲೆ ರಾಷ್ಟ್ರಾಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಸಹಿಯನ್ನು ಮುದ್ರಿಸಲಾಗುವುದು ಎಂದು ಅಮೆರಿಕದ ಹಣಕಾಸು ಸಚಿವಾಲಯ ತಿಳಿಸಿದೆ. ಅಮೆರಿಕದ ಇತಿಹಾಸದಲ್ಲಿ ಮೊದಲ ಬಾರಿಗೆ ಹಾಲಿ ರಾಷ್ಟ್ರಾಧ್ಯಕ್ಷರೊಬ್ಬರ ಸಹಿಯು ಡಾಲರ್ ಮೇಲೆ ಕಾಣಿಸಿಕೊಳ್ಳಲಿದೆ. ಇಲ್ಲಿಯವರೆಗೆ ಡಾಲರ್ ಮೇಲೆ ಕೇವಲ ಹಣಕಾಸು ಸಚಿವರು ಮತ್ತು ಖಜಾಂಚಿಗಳ (Treasurer) ಸಹಿಯನ್ನು ಮಾತ್ರ ಮುದ್ರಿಸಲಾಗುತ್ತಿತ್ತು ಮತ್ತು ಈ ಸಂಪ್ರದಾಯವು ೧೮೬೧ರಿಂದ ಜಾರಿಯಲ್ಲಿತ್ತು. ಈಗ ಖಜಾಂಚಿಯ ಸಹಿಯನ್ನು ತೆಗೆದುಹಾಕಿ ಅಲ್ಲಿ ರಾಷ್ಟ್ರಾಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರ ಸಹಿಯನ್ನು ಮುದ್ರಿಸಲಾಗುತ್ತದೆ. ಎಲ್ಲಕ್ಕಿಂತ ಮೊದಲು ೧೦೦ ಡಾಲರ್‌ನ ನೋಟುಗಳ ಮೇಲೆ ಟ್ರಂಪ್ ಅವರ ಸಹಿಯನ್ನು ಮುದ್ರಿಸಲಾಗುತ್ತದೆ. ಆನಂತರ ಉಳಿದ ನೋಟುಗಳ ಮೇಲೂ ಅದನ್ನು ಮುದ್ರಿಸಲಾಗುತ್ತದೆ.