ಯುಗಾದಿ (ಹಿಂದೂಗಳ ಹೊಸ ವರ್ಷ) ಮತ್ತು ಶಿವರಾತ್ರಿಯ ಸಮಯದಲ್ಲೂ ಮಾಂಸಾಹಾರ ಸೇವಿಸುತ್ತೇನೆ !

ವಿಧಾನಸೌಧದಲ್ಲಿ ಕರ್ನಾಟಕದ ಕಾಂಗ್ರೆಸ್ ಸರಕಾರದ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರ ಹೇಳಿಕೆ

ಬೆಂಗಳೂರು – ಇಂದಿಗೂ ನಾನು ರಾಹುಕಾಲ ಮತ್ತು ಗುಳಿಕ ಕಾಲದಂತಹ ಅಶುಭ ಕಾಲಗಳನ್ನು ನಂಬುವುದಿಲ್ಲ. ಈ ಹಿಂದೆ ಕೂಡ ನಾನು ರಾಹುಕಾಲ ಮತ್ತು ಗುಳಿಕ ಕಾಲದ ಸಮಯದಲ್ಲೇ ಬಜೆಟ್ ಮಂಡಿಸಿದ್ದೇನೆ. ನನಗೆ ಈ ವಿಷಯಗಳಲ್ಲಿ ನಂಬಿಕೆಯಿಲ್ಲ. ನಾನು ಯುಗಾದಿ ಮತ್ತು ಶಿವರಾತ್ರಿಯ ಸಮಯದಲ್ಲೂ ಮಾಂಸಾಹಾರ ಸೇವಿಸುತ್ತೇನೆ. ಅದರಲ್ಲಿ ತಪ್ಪೇನಿದೆ? ನನಗೆ ದೇವರ ಅಸ್ತಿತ್ವದಲ್ಲಿ ನಂಬಿಕೆಯಿದೆ; ಆದರೆ ದೇವರು ಕೇವಲ ದೇವಸ್ಥಾನದಲ್ಲಿ ಮಾತ್ರವಲ್ಲ, ಸರ್ವವ್ಯಾಪಿಯಾಗಿದ್ದಾನೆ ಎಂದು ಕರ್ನಾಟಕದ ಕಾಂಗ್ರೆಸ್ ಸರಕಾರದ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ವಿಧಾನಸಭೆಯಲ್ಲಿ ಬಜೆಟ್ ಕುರಿತಾದ ಚರ್ಚೆಯ ಸಂದರ್ಭದಲ್ಲಿ ಹೇಳಿದರು.

Dietary Choice or Deliberate Disrespect?

Karnataka CM Siddaramaiah says he consumes non-veg even on Ugadi & Mahashivratri

Food choice is personal; agreed. However, stating that one eats non-vegetarian food specifically during the Hindu New Year is an attempt to mock Hindus.… pic.twitter.com/oCz2IcxGb1

— Sanatan Prabhat (@SanatanPrabhat) March 27, 2026

ವಿಧಾನಸಭೆಯ ಪ್ರತಿಪಕ್ಷ ನಾಯಕ ಆರ್. ಅಶೋಕ್ ಅವರು, ‘ಸಿದ್ದರಾಮಯ್ಯ ಅವರು ಕರ್ಮಸಿದ್ಧಾಂತದ ಬಗ್ಗೆ ಮಾತನಾಡುತ್ತಾರೆ; ಆದರೆ ಅವರು ರಾಹುಕಾಲವನ್ನು ನಿರ್ಲಕ್ಷಿಸಿ ಬಜೆಟ್ ಮಂಡಿಸಿದ್ದಾರೆ’ ಎಂದು ಟೀಕಿಸಿದ್ದರು. ಇದಕ್ಕೆ ಸ್ಪಷ್ಟನೆ ನೀಡಿದ ಸಿದ್ದರಾಮಯ್ಯ ಅವರು, ಕುಟುಂಬದವರು ಮತ್ತು ಅಧಿಕಾರಿಗಳು ‘ಬಜೆಟ್ ಅನ್ನು ರಾಹುಕಾಲದಲ್ಲಿ ಮಂಡಿಸಬೇಡಿ’ ಎಂದು ನನಗೆ ತಿಳಿಸಿದ್ದರು; ಆದರೆ ನಾನು ಪ್ರಜಾಪ್ರಭುತ್ವದಲ್ಲಿ ನಂಬಿಕೆ ಇಟ್ಟಿರುವುದರಿಂದ ಅದನ್ನು ರಾಹುಕಾಲದಲ್ಲೇ ಮಂಡಿಸಿದೆ ಎಂದು ಹೇಳಿದರು.