ಉತ್ತರಾಖಂಡ: ಅಪ್ರಾಪ್ತ ಹಿಂದೂ ಹುಡುಗಿಯನ್ನು ಪ್ರೇಮಪಾಶಕ್ಕೆ ಸಿಲುಕಿಸಿ ಮತಾಂತರ Uttarakhand Love Jihad Trap

ರಾಶೀದ್ ವಿರುದ್ಧ ಪ್ರಕರಣ ದಾಖಲು!

ಡೆಹ್ರಾಡೂನ್ (ಉತ್ತರಾಖಂಡ) – ಇಲ್ಲಿನ ರಾಶೀದ್ ಎಂಬ ಮುಸ್ಲಿಂ ಯುವಕ 15 ವರ್ಷದ ಅಪ್ರಾಪ್ತ ಹಿಂದೂ ಹುಡುಗಿಯನ್ನು ಪ್ರೇಮಪಾಶಕ್ಕೆ ಸಿಲುಕಿಸಿ, ಇಸ್ಲಾಂ ಧರ್ಮ ಸ್ವೀಕರಿಸುವಂತೆ ಮಾಡಿದ್ದಾನೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಸಂತ್ರಸ್ತೆಯ ತಾಯಿ ರಾಶೀದ್ ಮತ್ತು ಆತನ ನೆರೆಮನೆಯವರಾದ ಗುಲಿಸ್ತಾ ಮತ್ತು ಸಾರಿಕ್ ಎಂಬ ಮುಸ್ಲಿಂ ಅಣ್ಣ-ತಂಗಿಯರ ವಿರುದ್ಧ ದೂರು ದಾಖಲಿಸಿದ್ದಾರೆ. ಈ ದೂರಿನ ಆಧಾರದ ಮೇಲೆ ಪೊಲೀಸರು ಆರೋಪಿಗಳ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.

ಸಂತ್ರಸ್ತ ಹಿಂದೂ ಹುಡುಗಿಯ ತಾಯಿ ತನ್ನ ದೂರಿನಲ್ಲಿ, ರಾಶೀದ್ ತನ್ನ ಮಗಳನ್ನು ಪ್ರೇಮದ ಬಲೆಯಲ್ಲಿ ಸಿಲುಕಿಸಿದ್ದನು, ತಾವು ಮನೆಯಲ್ಲಿ ಇಲ್ಲದ ಸಮಯದಲ್ಲಿ ರಾಶೀದ್ ಮನೆಗೆ ಬಂದು ಅಪ್ರಾಪ್ತ ಮಗಳ ಮೇಲೆ ಇಸ್ಲಾಂ ಧರ್ಮವನ್ನು ಸ್ವೀಕರಿಸುವಂತೆ ಮಾನಸಿಕ ಒತ್ತಡ ಹೇರುತ್ತಿದ್ದನು ಎಂದು ತಿಳಿಸಿದ್ದಾರೆ. ರಾಶೀದ್ ಆಕೆಗೆ ಬುರ್ಖಾ ಧರಿಸಲು ಮತ್ತು ಇಸ್ಲಾಮಿಕ್ ಪದ್ಧತಿಗಳಂತೆ ನಡೆದುಕೊಳ್ಳಲು ಕಲಿಸುತ್ತಿದ್ದನು. ಹುಡುಗಿಯು ಕ್ರಮೇಣ ಇಸ್ಲಾಮಿಕ್ ಪದ್ಧತಿಗಳನ್ನು ಕಲಿಯಲು ಮತ್ತು ಅದರಂತೆ ನಡೆದುಕೊಳ್ಳಲು ಪ್ರಾರಂಭಿಸಿದಾಗ, ಅವಳಲ್ಲಿ ಆಗುತ್ತಿದ್ದ ಬದಲಾವಣೆಗಳನ್ನು ಕಂಡು ತಾಯಿ ಆತಂಕಕ್ಕೊಳಗಾದರು. ಮಗಳನ್ನು ದಾರಿ ತಪ್ಪಿಸಿ ಮತಾಂತರಕ್ಕೆ ಪ್ರೇರೇಪಿಸಲಾಗಿದೆ ಹಾಗೂ ಅವರ ನೆರೆಮನೆಯವರಾದ ಗುಲಿಸ್ತಾ ಮತ್ತು ಸಾರಿಕ್ ಕೂಡ ಈ ಸಂಚಿನಲ್ಲಿ ಭಾಗಿಯಾಗಿದ್ದಾರೆ ಎಂದು ಆರೋಪಿಸಲಾಗಿದೆ. ಆರೋಪಿಗಳ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕೆಂದು ಸಂತ್ರಸ್ತೆಯ ತಾಯಿ ಒತ್ತಾಯಿಸಿದ್ದು, ಈ ಪ್ರಕರಣದಲ್ಲಿ ಪೊಲೀಸರು ಮುಂದಿನ ತನಿಖೆ ನಡೆಸುತ್ತಿದ್ದಾರೆ.