ಯುದ್ಧ ಅಪರಾಧಗಳನ್ನು ಖಂಡಿಸುವಂತೆ ಪೋಪ್ ಲಿಯೋ ಅವರಿಗೆ ಪತ್ರ ಬರೆದ ಇರಾನ್‌ನ ಗ್ರ್ಯಾಂಡ್ ಮೌಲ್ವಿ – Alireza Arafi Writes Letter to Pope

ತೆಹ್ರಾನ್ (ಇರಾನ್) – ಯುದ್ಧದ ಹಿನ್ನೆಲೆಯಲ್ಲಿ ಇರಾನ್‌ನ ಗ್ರ್ಯಾಂಡ್ ಮೌಲ್ವಿ (‘ಗ್ರ್ಯಾಂಡ್ ಮೌಲ್ವಿ’ ಎಂದರೆ ಅತ್ಯುನ್ನತ ಧಾರ್ಮಿಕ ವಿದ್ವಾಂಸ ಅಥವಾ ಧರ್ಮಗುರು) ಎಂದು ಕರೆಸಿಕೊಳ್ಳುವ ಅಲಿ ರೇಜಾ ಅರಾಫಿ ಅವರು ಕ್ಯಾಥೊಲಿಕ್ ಕ್ರಿಶ್ಚಿಯನ್ ಧರ್ಮದ ಸರ್ವೋಚ್ಚ ಧರ್ಮಗುರು ಪೋಪ್ ಲಿಯೋ (14ನೇ) ಅವರಿಗೆ ಪತ್ರ ಬರೆದು ಯುದ್ಧವನ್ನು ಖಂಡಿಸುವಂತೆ ಮನವಿ ಮಾಡಿದ್ದಾರೆ.

ಅರಾಫಿ ಅವರು ಪೋಪ್ ಅವರನ್ನು ಉದ್ದೇಶಿಸಿ, ‘ನೀವು ಕ್ಯಾಥೊಲಿಕ್ ಕ್ರಿಶ್ಚಿಯನ್ನರ ಮುಖ್ಯಸ್ಥರಾಗಿದ್ದೀ ರಿ ಮತ್ತು ಅಂತರ್‌ಧರ್ಮೀಯ ಸಂವಾದ, ಹಾಗೆಯೇ ಜಾಗತಿಕ ಶಾಂತಿಯ ಬೆಂಬಲಿಗರಾಗಿ ದೌರ್ಜನ್ಯಕ್ಕೊಳಗಾದವರ ರಕ್ಷಕರಾಗಿದ್ದೀರಿ. ಇಂದು ಶಾಂತಿಪ್ರಿಯ ಮತ್ತು ಧಾರ್ಮಿಕ ಇರಾನ್ ಜನತೆಗೆ ತೀವ್ರ ನೋವಾಗುತ್ತಿದೆ. ವ್ಯಾಟಿಕನ್, ಸ್ವತಂತ್ರ ಧಾರ್ಮಿಕ ಮತ್ತು ನೈತಿಕ ಸಂಸ್ಥೆಯಾಗಿ, ಈ ಭೀಕರ ಕೃತ್ಯಗಳನ್ನು ಖಂಡಿಸಬೇಕು, ಇವು ಸ್ಪಷ್ಟವಾಗಿ ಯುದ್ಧ ಅಪರಾಧಗಳು, ಮಾನವೀಯತೆಯ ವಿರುದ್ಧದ ಅಪರಾಧಗಳು ಮತ್ತು ಧಾರ್ಮಿಕ ಮುಖಂಡರ ಮೇಲಿನ ದಾಳಿಗಳಾಗಿವೆ,’ ಎಂದು ಬರೆದಿದ್ದಾರೆ.