ಚೀನಾದ ಕಳಪೆ ವಾಯು ರಕ್ಷಣಾ ವ್ಯವಸ್ಥೆಯಿಂದ ಖಮೇನಿಗೆ ಸಂಕಷ್ಟ!

ಈ ಹಿಂದೆ ಪಾಕಿಸ್ತಾನ ಮತ್ತು ವೆನೆಜುವೆಲಾ ದೇಶಗಳೂ ಸಹ ಚೀನಾದ ರಕ್ಷಣಾ ವ್ಯವಸ್ಥೆಯಿಂದಾಗಿ ಇದೇ ರೀತಿ ಹೊಡೆತ ತಿಂದಿವೆ!

ನವದೆಹಲಿ – ಚೀನಾದ ಅತ್ಯಂತ ಕಳಪೆ ದರ್ಜೆಯ ‘HQ-9B’ ವಾಯು ರಕ್ಷಣಾ ವ್ಯವಸ್ಥೆಯು ಇರಾನ್‌ನ ಸರ್ವೋಚ್ಚ ನಾಯಕ ಆಯತೊಲ್ಲಾ ಅಲಿ ಖಮೇನಿ ಮತ್ತು ಅವರ ಕುಟುಂಬಕ್ಕೆ ದೊಡ್ಡ ಸಂಕಷ್ಟ ತಂದೊಡ್ಡಿದೆ ಎಂಬ ವಿಷಯ ಬಹಿರಂಗವಾಗಿದೆ. ಅಮೆರಿಕ ಮತ್ತು ಇಸ್ರೇಲ್‌ನ ತೀವ್ರ ದಾಳಿಯ ಮುಂದೆ ಚೀನಾದ ಈ ರಕ್ಷಣಾ ವ್ಯವಸ್ಥೆಯು ಸಂಪೂರ್ಣವಾಗಿ ವಿಫಲವಾಗಿದೆ.

೧. ಈ ಹಿಂದೆಯೂ ಚೀನಾದ ಈ ರಕ್ಷಣಾ ವ್ಯವಸ್ಥೆ ವಿಫಲವಾಗಿತ್ತು. ಜನವರಿಯಲ್ಲಿ ಅಮೆರಿಕ, ವೆನೆಜುವೆಲಾದ ಅಧ್ಯಕ್ಷ ನಿಕೋಲಸ್ ಮಡುರೊ ವಿರುದ್ಧ ಕಾರ್ಯಾಚರಣೆ ನಡೆಸಿದಾಗಲೂ ಈ ವ್ಯವಸ್ಥೆಯು ಯಾವುದೇ ಪರಿಣಾಮ ಬೀರಲಿಲ್ಲ.

೨. ಇದಕ್ಕೂ ಮುನ್ನ ಭಾರತವು ಪಾಕಿಸ್ತಾನದ ವಿರುದ್ಧ ನಡೆಸಿದ ‘ಆಪರೇಷನ್ ಸಿಂದೂರ್‌’ ವೇಳೆ, ಪಾಕಿಸ್ತಾನವು ಚೀನಾದಿಂದ ಖರೀದಿಸಿದ್ದ ‘HQ-9B’ ರಕ್ಷಣಾ ವ್ಯವಸ್ಥೆಯನ್ನು ನಿಯೋಜಿಸಿತ್ತು. ಆದರೆ ಭಾರತೀಯ ಯುದ್ಧ ವಿಮಾನಗಳ ಮುಂದೆ ಈ ವ್ಯವಸ್ಥೆಯು ಕಿಂಚಿತ್ತೂ ರಕ್ಷಣೆ ನೀಡಲಿಲ್ಲ. ಈ ೪ ದಿನಗಳ ಸಂಘರ್ಷದಲ್ಲಿ ಭಾರತದ ‘S-400’ ರಕ್ಷಣಾ ವ್ಯವಸ್ಥೆಯು ಪಾಕಿಸ್ತಾನದ ವಾಯುಪಡೆಯ ೫-೬ ಯುದ್ಧ ವಿಮಾನಗಳನ್ನು ಹೊಡೆದುರುಳಿಸಿತ್ತು. ಪಾಕಿಸ್ತಾನದ ಒಂದು ಗುಪ್ತಚರ ವಿಮಾನವೂ ಈ ದಾಳಿಯಲ್ಲಿ ನಾಶವಾಗಿತ್ತು.