ಸನಾತನ ಪ್ರಭಾತ > Post Type > ವಾರ್ತೆಗಳು > ರಾಷ್ಟ್ರೀಯ > ‘ವ್ಯಾಲೆಂಟೈನ್ ಡೇ’ ಹಿನ್ನೆಲೆಯಲ್ಲಿ ನಿರೋಧ ಸೇರಿದಂತೆ ಇತರ ಲೈಂಗಿಕ ಸಾಧನಗಳ ಮಾರಾಟದಲ್ಲಿ ಏರಿಕೆ

‘ವ್ಯಾಲೆಂಟೈನ್ ಡೇ’ ಹಿನ್ನೆಲೆಯಲ್ಲಿ ನಿರೋಧ ಸೇರಿದಂತೆ ಇತರ ಲೈಂಗಿಕ ಸಾಧನಗಳ ಮಾರಾಟದಲ್ಲಿ ಏರಿಕೆ

ನವ ದೆಹಲಿ – ದೇಶ-ವಿದೇಶಗಳಲ್ಲಿ ಫೆಬ್ರವರಿ ೧೪ ರಂದು ‘ವ್ಯಾಲೆಂಟೈನ್ ಡೇ’ ಆಚರಿಸಲಾಯಿತು. ಭಾರತದಲ್ಲಿ ‘ಕ್ವಿಕ್ ಕಾಮರ್ಸ್’ ಎಂಬ ಆನ್‌ ಲೈನ್ ಮಾರಾಟದ ಆಪ್‌ ಗಳಲ್ಲಿ ಈ ಅವಧಿಯಲ್ಲಿ ಯುವಜನತೆ ಹಿಂದಿನಂತೆ ಕೇವಲ ಹೂವುಗಳು, ಚಾಕೊಲೇಟ್ ಅಥವಾ ಉಡುಗೊರೆಗಳನ್ನು ಆರ್ಡರ್ ಮಾಡಿಲ್ಲ, ಬದಲಾಗಿ ಲೈಂಗಿಕ ಆರೋಗ್ಯಕ್ಕೆ ಸಂಬಂಧಿಸಿದ ಉತ್ಪನ್ನಗಳನ್ನು ಮುಕ್ತವಾಗಿ ಖರೀದಿಸಿದ್ದಾರೆ. ನಿರೋಧ್‌ ನಿಂದ ಹಿಡಿದು ಇತರ ಸಾಧನಗಳವರೆಗೆ ವಿವಿಧ ವಸ್ತುಗಳಿಗೆ ಬೇಡಿಕೆ ಕಂಡುಬಂದಿದೆ.

೧. ‘ಇನ್‌ ಸ್ಟಾಮಾರ್ಟ್’ನ ವರದಿಯ ಪ್ರಕಾರ, ೨೦೨೬ ರ ಸಾಲಿನಲ್ಲಿ ಭಾರತದಲ್ಲಿ ಲೈಂಗಿಕ ಆರೋಗ್ಯ ಉತ್ಪನ್ನಗಳ ಮಾರಾಟದಲ್ಲಿ ಕಳೆದ ವರ್ಷಕ್ಕೆ ಹೋಲಿಸಿದರೆ ಮೂರು ಪಟ್ಟು ಹೆಚ್ಚಳವಾಗಿದೆ. ಈ ಹಿಂದೆ ನಿಷೇಧಿತ ಎಂದು ಪರಿಗಣಿಸಲಾಗುತ್ತಿದ್ದ ವಸ್ತುಗಳು ಈಗ ‘ಆನ್‌ಲೈನ್’ ಮೂಲಕ ಅತಿ ಹೆಚ್ಚು ಮಾರಾಟವಾಗುವ ವಸ್ತುಗಳಾಗಿ ಮಾರ್ಪಟ್ಟಿವೆ.

೨. ‘ವ್ಯಾಲೆಂಟೈನ್ ಡೇ’ ನಿಮಿತ್ತ ಲೈಂಗಿಕ ಆರೋಗ್ಯ ಉತ್ಪನ್ನಗಳ ಜೊತೆಗೆ ಸೌಂದರ್ಯ ಮತ್ತು ಸ್ವ-ಆರೈಕೆ ವಸ್ತುಗಳು ಕೂಡ ಭಾರೀ ಮಾರಾಟವಾಗಿವೆ. ಒಡಿಶಾದ ಕಟಕ್‌ ನ ಗ್ರಾಹಕರೊಬ್ಬರು ೧೫,೦೯೩ ರೂಪಾಯಿಗಳ ಮೇಕಪ್ ಸಾಮಗ್ರಿಗಳನ್ನು ಖರೀದಿಸಿದ್ದಾರೆ. ಗುಜರಾತಿನ ಸೂರತ್ ನ ವ್ಯಕ್ತಿಯೊಬ್ಬರು ಕೂದಲಿನ ಆರೈಕೆ, ಸ್ನಾನ ಮತ್ತು ದೇಹದ ಆರೈಕೆ ಉತ್ಪನ್ನಗಳಿಗಾಗಿ ೧೦,೮೪೫ ರೂಪಾಯಿಗಳನ್ನು ಖರ್ಚು ಮಾಡಿದ್ದಾರೆ.

೩. ವ್ಯಾಲೆಂಟೈನ್ ಡೇ ಕಾರ್ಡ್‌ಗಳ ಮಾರಾಟದಲ್ಲೂ ಭಾರೀ ಏರಿಕೆ ಕಂಡುಬಂದಿದೆ. ದೆಹಲಿ, ಮುಂಬಯಿ, ಭಾಗ್ಯನಗರ (ಹೈದರಾಬಾದ) ಮತ್ತು ಚೆನ್ನೈಗಿಂತ ಹೆಚ್ಚಿನ ಪ್ರಮಾಣದಲ್ಲಿ ಬೆಂಗಳೂರು ನಗರದಲ್ಲಿ ಕಾರ್ಡ್‌ಗಳು ಮಾರಾಟವಾಗಿವೆ.

ಸಂಪಾದಕೀಯ ನಿಲುವು

ತಥಾಕಥಿತ ಪ್ರೇಮದ ದಿನದ ಹೆಸರಿನಲ್ಲಿ ಸ್ವೈರಾಚಾರ ಮತ್ತು ಅನೈತಿಕ ಕೃತ್ಯಗಳು ನಡೆಯುತ್ತಿರುವುದರಿಂದ ಭಾರತದಲ್ಲಿ ಇಂತಹ ದಿನಗಳನ್ನು ಈಗ ನಿಷೇಧಿಸುವುದು ಅವಶ್ಯಕವಾಗಿದೆ!

ಸಂಬಂಧಿತ ಲೇಖನಗಳು