‘ಹಿಂದೂ ರಾಷ್ಟ್ರ’ದ ಕನಸು ಕಾಣುವವರು ನೇಪಾಳದಿಂದ ಪಾಠ ಕಲಿಯಲಿ ಎಂದ ಮೌಲಾನಾ Maulana Arshad Madani Statement

ಜಮಿಯತ್ ಉಲೇಮಾ-ಎ-ಹಿಂದ್ ಅಧ್ಯಕ್ಷ ಅರ್ಶದ್ ಮದನಿ ವಿವಾದಾತ್ಮಕ ಹೇಳಿಕೆ

ನವದೆಹಲಿ : ದ್ವೇಷದ ರಾಜಕಾರಣ ಮಾಡುವವರು ಮತ್ತು ಭಾರತವನ್ನು ಹಿಂದೂ ರಾಷ್ಟ್ರವನ್ನಾಗಿ ಮಾಡುವ ಕನಸು ಕಾಣುವವರು ನೆರೆಯ ರಾಷ್ಟ್ರವಾದ ನೇಪಾಳದ ಅನುಭವದಿಂದ ಕಲಿಯಬೇಕು ಎಂದು ಜಮಿಯತ್ ಉಲೇಮಾ-ಎ-ಹಿಂದ್ ಅಧ್ಯಕ್ಷ ಮೌಲಾನಾ ಅರ್ಶದ್ ಮದನಿ ಹೇಳಿದ್ದಾರೆ. ಈ ಕುರಿತು ‘ಎಕ್ಸ್’ (ಟ್ವಿಟರ್) ನಲ್ಲಿ ಪೋಸ್ಟ್ ಮಾಡಿರುವ ಅವರು, ಅನ್ಯಾಯ ಮಾಡುವವರಿಗೆ ಶಿಕ್ಷೆಯಾಗುವ ದಿನ ಬಂದೇ ಬರುತ್ತದೆ ಎಂದು ತಿಳಿಸಿದ್ದಾರೆ.

ನೇಪಾಳದ ಇತಿಹಾಸವನ್ನು ಉಲ್ಲೇಖಿಸಿದ ಮದನಿ

ಮತಾಂಧ ಶಕ್ತಿಗಳು ಹಿಂದೂ ರಾಷ್ಟ್ರ ನಿರ್ಮಾಣದ ಕನಸು ಕಾಣುತ್ತಿವೆ. ಆದರೆ, ಹಿಂದೆ ನೇಪಾಳದಲ್ಲಿ ಇಂತಹದೇ ಸಿದ್ಧಾಂತದ ಆಧಾರದ ಮೇಲೆ ಹಿಂದೂ ರಾಷ್ಟ್ರ ಸ್ಥಾಪನೆಯಾಗಿತ್ತು. ಆದರೆ ಅಂತಿಮವಾಗಿ ಆ ವ್ಯವಸ್ಥೆ ಅಂತ್ಯಗೊಂಡು ಪ್ರಜಾಪ್ರಭುತ್ವದ ಸಂವಿಧಾನ ಅಸ್ತಿತ್ವಕ್ಕೆ ಬಂತು. ಒಂದು ಧರ್ಮ ಅಥವಾ ಸಿದ್ಧಾಂತವನ್ನು ಹೇರುವುದರಿಂದ ದೇಶದ ಪ್ರಗತಿ ಸಾಧ್ಯವಿಲ್ಲ ಎಂಬುದು ಇದರಿಂದ ಸ್ಪಷ್ಟವಾಗುತ್ತದೆ ಎಂದು ಮದನಿ ವಾದಿಸಿದ್ದಾರೆ.

(ಗಮನಾರ್ಹ ಅಂಶವೆಂದರೆ, ನೇಪಾಳವು ಜಾತ್ಯತೀತ ರಾಷ್ಟ್ರವಾದ ನಂತರ ಅಲ್ಲಿನ ಹಿಂದೂ ಜನತೆ ಅನೇಕ ಸಮಸ್ಯೆಗಳನ್ನು ಎದುರಿಸುತ್ತಿದ್ದಾರೆ. ಹೀಗಾಗಿಯೇ ನೇಪಾಳವನ್ನು ಮತ್ತೆ ಹಿಂದೂ ರಾಷ್ಟ್ರವನ್ನಾಗಿ ಮಾಡಲು ಅಲ್ಲಿ ದೊಡ್ಡ ಮಟ್ಟದ ಆಂದೋಲನಗಳು ನಡೆಯುತ್ತಿವೆ ಎಂಬುದು ಮದನಿ ಅವರಿಗೆ ತಿಳಿದಿರಲಿ.)

‘ಹಿಂದೂ ರಾಷ್ಟ್ರ ಮಾಡುವ ಪಿತೂರಿ ಯಶಸ್ವಿಯಾಗದು’

ದೇಶವನ್ನು ಹಿಂದೂ ರಾಷ್ಟ್ರವನ್ನಾಗಿ ಮಾಡುವ ಯಾವುದೇ ಪ್ರಯತ್ನ ಯಶಸ್ವಿಯಾಗುವುದಿಲ್ಲ ಎಂದು ಮದನಿ ಹೇಳಿದ್ದಾರೆ. ಆದರೆ, ವಿರೋಧಗಳ ನಡುವೆಯೂ ಭಾರತವು ಹಿಂದೂ ರಾಷ್ಟ್ರವಾಗಿಯೇ ತೀರುತ್ತದೆ ಎಂಬುದು ಸತ್ಯದ ಸಂಗತಿಯಾಗಿದೆ. ಸಂವಿಧಾನದ ರಕ್ಷಣೆಗಾಗಿ ತಮ್ಮ ಸಂಘಟನೆ ಹೋರಾಟ ಮುಂದುವರಿಸಲಿದೆ ಎಂದು ಅವರು ತಿಳಿಸಿದ್ದಾರೆ.

ಇಸ್ಲಾಂ ಶಕ್ತಿಯನ್ನು ಯಾರೂ ಅಳಿಸಲಾರರು

ಮತಾಂಧ ಶಕ್ತಿಗಳು ಇಸ್ಲಾಂ ಮತ್ತು ಮುಸ್ಲಿಮರನ್ನು ನಾಶಮಾಡಲು ಪ್ರಯತ್ನಿಸುತ್ತಿವೆ. ಆದರೆ ಇಸ್ಲಾಂನ ದೀಪ ಎಂದಿಗೂ ಆರುವುದಿಲ್ಲ ಎಂದು ಮದನಿ ಹೇಳಿದ್ದಾರೆ. ದೌರ್ಜನ್ಯಗಳು ಕೊನೆಗೊಂಡು ದೇಶವು ಮತ್ತೆ ಸೌಹಾರ್ದತೆಯ ಹಾದಿಯಲ್ಲಿ ನಡೆಯುವ ದಿನ ಬರಲಿದೆ ಎಂದು ಅವರು ಆಶಯ ವ್ಯಕ್ತಪಡಿಸಿದ್ದಾರೆ.