ಅಮೆರಿಕ ಪ್ರಸಾರ ಮಾಡಿದ ಹೊಸ ನಕಾಶೆಯಲ್ಲಿ ಪಾಕಿಸ್ತಾನ ಆಕ್ರಮಿತ ಕಾಶ್ಮೀರ ಮತ್ತು ಅಕ್ಸಾಯ್ ಚಿನ್ ಭಾರತದ ಭಾಗವಾಗಿ ಪ್ರಸಾರ. – US includes PoK, Aksai China in India’s Map

ಅಮೆರಿಕದ ನಿಲುವಿನಲ್ಲಿ ಬದಲಾವಣೆ

ವಾಷಿಂಗ್ಟನ್ (ಅಮೆರಿಕ) – ಅಮೆರಿಕದ ವ್ಯಾಪಾರ ಪ್ರತಿನಿಧಿ ಕಾರ್ಯಾಲಯವು ಪ್ರಸಾರ ಮಾಡಿರುವ ನಕಾಶೆಯಲ್ಲಿ ಸಂಪೂರ್ಣ ಜಮ್ಮು-ಕಾಶ್ಮೀರದ ಭಾಗ, ಅಂದರೆ ಪಾಕಿಸ್ತಾನ ಆಕ್ರಮಿತ ಕಾಶ್ಮೀರ ಮತ್ತು ಚೀನಾ ಹಕ್ಕು ಸಾಧಿಸುತ್ತಿರುವ ಅಕ್ಸಾಯ್ ಚಿನ್ ಪ್ರದೇಶವನ್ನೂ ಭಾರತದ ಭಾಗವೆಂದು ತೋರಿಸಲಾಗಿದೆ. ಭಾರತದ ಈ ನಕಾಶೆಯನ್ನು ಭಾರತ-ಅಮೆರಿಕ ನಡುವಿನ ಮಧ್ಯಂತರ ವ್ಯಾಪಾರ ಒಪ್ಪಂದದ ಅಧಿಕೃತ ಸಂವಾದದ ಭಾಗವಾಗಿ ಪ್ರಸಾರ ಮಾಡಲಾಗಿದೆ. ಈ ಹಿಂದೆ ಅಮೆರಿಕ ಅಥವಾ ಅಲ್ಲಿನ ‘ಸ್ಟೇಟ್ ಡಿಪಾರ್ಟ್‌ಮೆಂಟ್’ ಪ್ರಸಾರ ಮಾಡುತ್ತಿದ್ದ ನಕಾಶೆಗಳಲ್ಲಿ ಪಾಕಿಸ್ತಾನ ಆಕ್ರಮಿತ ಕಾಶ್ಮೀರವನ್ನು ಪಾಕಿಸ್ತಾನದ ಭಾಗವೆಂದು ತೋರಿಸಲಾಗುತ್ತಿತ್ತು. ಇದೇ ಕಾರಣಕ್ಕೆ ಈ ಹೊಸ ನಕಾಶೆಯು ಜಗತ್ತಿನ ಗಮನ ಸೆಳೆದಿದೆ.

Significant shift in diplomacy! 🌍🇺🇸🇮🇳

The US includes PoK and Aksai Chin in India's map! 📍🇺🇸🇮🇳

✅ Sign of strengthening bilateral ties.

✅ Major shift in international recognition.

The focus now remains on India’s strategy to regain full control over these regions. 🇮🇳✨… pic.twitter.com/1o6SOHgKNK

— Sanatan Prabhat (@SanatanPrabhat) February 7, 2026

ಭಾರತವು ಪದೇ ಪದೇ ಆಕ್ಷೇಪ ವ್ಯಕ್ತಪಡಿಸಿದರೂ ನಿರ್ಲಕ್ಷಿಸಿ, ಚೀನಾ ಯಾವಾಗಲೂ ವಿವಾದಿತ ‘ಅಕ್ಸಾಯ್ ಚಿನ್’ ಪ್ರದೇಶದ ಮೇಲೆ ತನ್ನ ಹಕ್ಕನ್ನು ಪ್ರತಿಪಾದಿಸುತ್ತಾ ಬಂದಿದೆ. ಭಾರತದ ವಿದೇಶಾಂಗ ಸಚಿವಾಲಯವು ಅಮೆರಿಕದ ಸ್ಟೇಟ್ ಡಿಪಾರ್ಟ್‌ಮೆಂಟ್ ಮತ್ತು ಇತರ ಜಾಗತಿಕ ಸಂಸ್ಥೆಗಳ ನಕಾಶೆಗಳಲ್ಲಿ ಭಾರತದ ಗಡಿಗಳನ್ನು, ವಿಶೇಷವಾಗಿ ಜಮ್ಮು-ಕಾಶ್ಮೀರ ಮತ್ತು ಅರುಣಾಚಲ ಪ್ರದೇಶ ರಾಜ್ಯಗಳ ಗಡಿಗಳನ್ನು ತಪ್ಪಾಗಿ ತೋರಿಸುತ್ತಿರುವ ಬಗ್ಗೆ ಸತತವಾಗಿ ಆಕ್ಷೇಪ ವ್ಯಕ್ತಪಡಿಸುತ್ತಾ ಬಂದಿತ್ತು. ಆ ಹಿನ್ನೆಲೆಯಲ್ಲಿ ಅಮೆರಿಕ ಪ್ರಸಾರ ಮಾಡಿದ ಈ ನಕಾಶೆಯು ಪಾಕಿಸ್ತಾನ ಮತ್ತು ಚೀನಾವನ್ನು ಬದಿಗೊತ್ತಿ ಭಾರತಕ್ಕೆ ಮಹತ್ವ ನೀಡುತ್ತಿರುವುದರ ದರ್ಶಕವಾಗಿದೆ.