ಹಿಂದೂಗಳ ಮೇಲಿನ ಅನ್ಯಾಯವನ್ನು ತಡೆಯಲು ಹಿಂದವಿ ಸ್ವರಾಜ್ಯದಂತಹ ಹಿಂದೂ ರಾಷ್ಟ್ರವೇ ಬೇಕು! – ರಮೇಶ್ ಶಿಂದೆ, ರಾಷ್ಟ್ರೀಯ ವಕ್ತಾರರು, ಹಿಂದೂ ಜನಜಾಗೃತಿ ಸಮಿತಿ : Shankhnad Mahotsav Delhi

ಭಾರತ್ ಮಂಸಪಂ, ದೆಹಲಿ (ವರದಿ) – ಇಂದು ಭಾರತೀಯ ಸಂವಿಧಾನದ ಪ್ರಸ್ತಾವನೆಯಲ್ಲಿ ‘ಈ ದೇಶವು ಜಾತ್ಯತೀತವಾಗಿದೆ’ ಎಂದು ಉಲ್ಲೇಖಿಸಲಾಗಿದೆ; ಆದರೆ ಸಂವಿಧಾನದ ೨೫ ನೇ ವಿಧಿಯಿಂದ ಧರ್ಮದ ಆಧಾರದ ಮೇಲೆ ತಾರತಮ್ಯ ಮಾಡಲಾಗಿದೆ. ಅಂದರೆ, ಅಲ್ಪಸಂಖ್ಯಾತರಿಗೆ ಪ್ರತ್ಯೇಕ ನಿಯಮಗಳು, ಪ್ರತ್ಯೇಕ ಅವಕಾಶಗಳು (ಕಾನೂನುಗಳು) ಇತ್ಯಾದಿಗಳನ್ನು ಮಾಡಲಾಗಿದೆ. ಜಾತ್ಯತೀತ ದೇಶದಲ್ಲಿ ಅಂತಹ ತಾರತಮ್ಯದ ಅಗತ್ಯವೇನು? ಈ ಕಾಂಗ್ರೆಸ್-ಸೃಷ್ಟಿಸಿದ ವಿರೋಧಾಭಾಸವು ೧೦೦ ಕೋಟಿ ಹಿಂದೂಗಳ ವಂಚನೆಯಾಗಿದೆ. ಈ ಸಮಸ್ಯೆಯ ಜೊತೆಗೆ, ಹಿಂದೂಗಳ ಮೇಲೆ ವಿವಿಧ ರೀತಿಯಲ್ಲಿ ನಡೆಯುತ್ತಿರುವ ಅನ್ಯಾಯಗಳನ್ನು ತಡೆಯಲು ಛತ್ರಪತಿ ಶಿವಾಜಿ ಮಹಾರಾಜರ ಧರ್ಮ-ಆಧಾರಿತ ಹಿಂದವಿ ಸ್ವರಾಜ್ಯದಂತಹ ಹಿಂದೂ ರಾಷ್ಟ್ರವನ್ನು ಸ್ಥಾಪಿಸುವುದು ಒಂದೇ ರಾಮಬಾಣದ ಪರಿಹಾರವಾಗಿದೆ. ಅದಕ್ಕಾಗಿ ಕ್ರಿಯಾಶೀಲರಾಗುವ ಸಂಕಲ್ಪ ಮಾಡಲು ‘ಸನಾತನ ರಾಷ್ಟ್ರ ಶಂಖನಾದ ಮಹೋತ್ಸವ’ವನ್ನು ಆಯೋಜಿಸಲಾಗಿದೆ ಎಂದು ಕ್ಷಾತ್ರತೇಜವನ್ನು ಹೆಚ್ಚಿಸುವ ಹೇಳಿಕೆಯನ್ನು ಹಿಂದೂ ಜನಜಾಗೃತಿ ಸಮಿತಿಯ ರಾಷ್ಟ್ರೀಯ ವಕ್ತಾರರಾದ ಶ್ರೀ ರಮೇಶ್ ಶಿಂದೆ ಅವರು ನೀಡಿದರು. ಅವರು ಡಿಸೆಂಬರ್ ೧೪ ರಂದು ‘ಸನಾತನ ರಾಷ್ಟ್ರ ಶಂಖನಾದ ಮಹೋತ್ಸವ’ದಲ್ಲಿ ‘ಸನಾತನ ರಾಷ್ಟ್ರದ ಬೇಡಿಕೆಯ ಹಿಂದಿನ ನಿಲುವು’ ಎಂಬ ವಿಷಯದ ಕುರಿತು ಮಾತನಾಡುತ್ತಿದ್ದರು. ಈ ಸಂದರ್ಭದಲ್ಲಿ, ಶ್ರೀ. ಶಿಂದೆ ಅವರು ಅನ್ಯಾಯದ ಜಾತ್ಯತೀತತೆಯ ಮುಖವಾಡವನ್ನು ಕಿತ್ತುಹಾಕಿದರು ಮತ್ತು ಉಪಸ್ಥಿತ ಧರ್ಮಪ್ರೇಮಿಗಳನ್ನು ಈ ವಿಷಯದ ಬಗ್ಗೆ ಚಿಂತಿಸಲು ಪ್ರೇರೇಪಿಸಿದರು.

ಈ ಸಂದರ್ಭದಲ್ಲಿ, ಛತ್ತೀಸ್‌ಗಢದ ಶಾದಾನಿ ದರ್ಬಾರ್‌ನ ಒಂಬತ್ತನೇ ಪೀಠಾಧಿಪತಿ ಪರಮ ಪೂಜ್ಯ ಯುಧಿಷ್ಠಿರಲಾಲ್ ಜೀ ಮಹಾರಾಜ್, ವಿಶ್ವ ಹಿಂದೂ ಪರಿಷತ್ತಿನ ಪ್ರಧಾನ ಕಾರ್ಯದರ್ಶಿ ಶ್ರೀ ವಿಜ್ಞಾನಾನಂದ ಸ್ವಾಮೀಜಿ, ‘ಪಾವನ್ ಚಿಂತನಧಾರಾ ಆಶ್ರಮ’ದ ಸ್ಥಾಪಕ ಪೂ. ಪವನ್ ಸಿನ್ಹಾ, ‘ಸೇವ್ ಕಲ್ಚರ್ ಸೇವ್ ಭಾರತ್ ಫೌಂಡೇಶನ್’ನ ಸ್ಥಾಪಕ ಮತ್ತು ಮಾಜಿ ಮಾಹಿತಿ ಆಯುಕ್ತ ಶ್ರೀ. ಉದಯ್ ಮಾಹೂರ್ಕರ್, ಸಚ್ಚಿದಾನಂದ ಪರಬ್ರಹ್ಮ ಡಾ. ಆಠವಲೆ ಅವರ ಆಧ್ಯಾತ್ಮಿಕ ಉತ್ತರಾಧಿಕಾರಿ ಶ್ರೀಸತ್‌ಶಕ್ತಿ (ಸೌ.) ಬಿಂದಾ ಸಿಂಗ್‌ಬಾಳ್ ಮತ್ತು ಶ್ರೀಚಿತ್‌ಶಕ್ತಿ (ಸೌ.) ಅಂಜಲಿ ಗಾಡಗಿಳ್ ಅವರು ವೇದಿಕೆಯ ಮೇಲೆ ಉಪಸ್ಥಿತರಿದ್ದರು.

ಶ್ರೀ. ರಮೇಶ ಶಿಂದೆ ಅವರು ಭಾರತದ ಜಾತ್ಯತೀತತೆಯ ಬಗೆಗಿನ ಮುಖವಾಡ ಕಳಚಿದರು!

೧. ಸಂವಿಧಾನವನ್ನು ಸಿದ್ಧಪಡಿಸುವಾಗ, ಅದರಲ್ಲಿ ‘ಜಾತ್ಯತೀತ’ ಎಂಬ ಪದವನ್ನು ಸೇರಿಸಲು ಸಲಹೆ ಬಂದಿತ್ತು. ಅದಕ್ಕೆ ಡಾ. ಬಾಬಾಸಾಹೇಬ್ ಅಂಬೇಡ್ಕರ್ ಅವರು ಸ್ಪಷ್ಟವಾಗಿ, “ಭಾರತವು ಸರಿಯಾದ ರೀತಿಯಲ್ಲಿ ನಡೆಯಲು ಸಂವಿಧಾನವನ್ನು ಸಿದ್ಧಪಡಿಸಲಾಗುತ್ತಿದೆ. ಸಂವಿಧಾನವು ವೈಯಕ್ತಿಕ ಘೋಷಣಾ ಪತ್ರವಲ್ಲ. ‘ಜಾತ್ಯತೀತ’ ಎಂಬ ಪದವನ್ನು ಸೇರಿಸಿದರೆ, ಸಂವಿಧಾನದ ನಮ್ಯತೆಯು ಕೊನೆಗೊಳ್ಳುತ್ತದೆ. ಆದ್ದರಿಂದ, ವಿದೇಶದಿಂದ ಬಂದ ‘ಜಾತ್ಯತೀತತೆ’ಯನ್ನು ಭಾರತೀಯ ಸಂವಿಧಾನದಲ್ಲಿ ಸೇರಿಸಬಾರದು” ಎಂದು ಹೇಳಿದ್ದರು. ಹೀಗಿದ್ದರೂ, ಇಂದಿರಾ ಗಾಂಧಿಯವರು ೧೯೭೬ ರಲ್ಲಿ ೪೬ ನೇ ಸಂವಿಧಾನ ತಿದ್ದುಪಡಿ ಮಾಡಿ ‘ಜಾತ್ಯತೀತ’ ಎಂಬ ಪದವನ್ನು ನುಗ್ಗಿಸುವಾಗ ಆ ಪುಟದ ಹಳೆಯ ದಿನಾಂಕವನ್ನೇ ಇಟ್ಟಿದ್ದಾರೆ. ಇದು ಎಲ್ಲಾ ಹಿಂದೂಗಳಿಗೆ ಮಾಡಿದ ಘೋರ ವಂಚನೆಯಾಗಿದೆ.

೨. ‘ಜಮಿಯತ್ ಉಲೇಮಾ-ಎ-ಹಿಂದ್’ನ ಮೌಲಾನಾ ಮಹಮೂದ್ ಮದನಿ, “೧೯೪೦ ರಲ್ಲಿ, ನೆಹರು ಸಮಿತಿಯು ಸ್ವತಂತ್ರ ಭಾರತೀಯ ರಾಜ್ಯವು ಮುಸಲ್ಮಾನರ ಹಿತಾಸಕ್ತಿಗಳನ್ನು ಕಾಪಾಡುತ್ತದೆ ಎಂಬ ಬೇಡಿಕೆಗಳಿಗೆ ‘ಜಮಿಯತ್’ನ ಪದಾಧಿಕಾರಿಗಳಿಗೆ ಒಪ್ಪಿಗೆ ನೀಡಿತ್ತು. ಪಾಕಿಸ್ತಾನವು ಸ್ವತಂತ್ರವಾದ ನಂತರ, ಭಾರತವು ‘ಹಿಂದೂ ರಾಷ್ಟ್ರ’ವಾಗಲಿದೆ ಎಂದಾಗ, ನಾವೆಲ್ಲರೂ ಗಾಂಧಿ-ನೆಹರು ಅವರನ್ನು ಭೇಟಿಯಾದೆವು. ೧೯೪೦ ರ ಭರವಸೆಯ ಪ್ರಕಾರ, ಭಾರತದಲ್ಲಿ ಮುಸಲ್ಮಾನರ ಹಿತಾಸಕ್ತಿಗಳನ್ನು ಕಾಪಾಡುವ ‘ಜಾತ್ಯತೀತ’ ರಾಜ್ಯ ಬೇಕು ಎಂದು ಸ್ಪಷ್ಟವಾಗಿ ಹೇಳಿದೆವು. ಅವರು ಅದನ್ನು ಒಪ್ಪಿಕೊಂಡರು” ಎಂದು ಹೇಳುತ್ತಾರೆ. ಇದರಿಂದ ಭಾರತದಲ್ಲಿ ಜಾತ್ಯತೀತತೆ ಹೇಗೆ ಬಂತು ಎಂಬುದು ಸ್ಪಷ್ಟವಾಗುತ್ತದೆ. ಇಲ್ಲಿ ಗಮನಿಸಬೇಕಾದ ಅಂಶವೆಂದರೆ, ಬ್ಯಾರಿಸ್ಟರ್ ಜಿನ್ನಾ ಅವರು ಪ್ರತ್ಯೇಕ ದೇಶವನ್ನು ಕೇಳಿದರು. ಆ ಬೇಡಿಕೆ ಒಪ್ಪಿಗೆಯಾದ ನಂತರ, ‘ಮುಸಲ್ಮಾನ ಹಿತಾಸಕ್ತಿಗಳ ರಾಜ್ಯ’ ಎಂಬ ಆಯ್ಕೆಯನ್ನು ರದ್ದುಗೊಳಿಸಬೇಕಿತ್ತು; ಆದರೆ ಕಾಂಗ್ರೆಸ್ ಹಾಗೆ ಮಾಡದೆ ಹಿಂದೂಗಳ ಬೆನ್ನಿಗೆ ಚೂರಿ ಹಾಕಿತು!

೩. ಇಂದು ಭಾರತವು ಜಾತ್ಯತೀತವಾಗಿದ್ದರೆ, ಕೇವಲ ಹಿಂದೂ ದೇವಾಲಯಗಳನ್ನು ಮಾತ್ರ ಏಕೆ ವಶಪಡಿಸಿಕೊಳ್ಳಲಾಗುತ್ತದೆ? ತಮಿಳುನಾಡಿನಲ್ಲಿ ದೇವಾಲಯದ ಮೇಲೆ ದೀಪವನ್ನು ಹಚ್ಚಲು ಸಹ ಸರಕಾರ ಏಕೆ ವಿರೋಧಿಸುತ್ತದೆ?

೪. ಇತ್ತೀಚೆಗೆ ಕರ್ನಾಟಕ ಸರಕಾರವು ‘ದ್ವೇಷದ ಭಾಷಣಗಳ’ ವಿರುದ್ಧ ಮಸೂದೆಯನ್ನು ಅಂಗೀಕರಿಸಿತು. ಇಲ್ಲಿಯವರೆಗೆ, ದೇಶದಲ್ಲಿ ಕೇವಲ ಹಿಂದುತ್ವನಿಷ್ಠರ ಮೇಲೆ ಮಾತ್ರ ‘ದ್ವೇಷದ ಭಾಷಣ’ದ ಪ್ರಕರಣಗಳನ್ನು ದಾಖಲಿಸಲಾಗುತ್ತದೆ; ಆದರೆ ‘ಸರ್ ತನ್ ಸೆ ಜುದಾ’ (ತಲೆ ಕತ್ತರಿಸುವಿಕೆ) ನಂತಹ ಘೋಷಣೆಗಳು ದ್ವೇಷದ ಭಾಷಣದಲ್ಲಿ ಏಕೆ ಬರುವುದಿಲ್ಲ? ಉದಯನಿಧಿ ಸ್ಟಾಲಿನ್ ಅವರು ಹಿಂದೂ ಧರ್ಮವನ್ನು ಬುಡದಿಂದ ಕಿತ್ತೆಸೆಯುವ ಭಾಷೆಯನ್ನು ಮಾತನಾಡುತ್ತಾರೆ; ಆದರೆ ಅದನ್ನು ‘ದ್ವೇಷದ ಭಾಷಣ’ ಎಂದು ಪರಿಗಣಿಸಲಾಗುವುದಿಲ್ಲ. ಕರ್ನಾಟಕದ ಕಾಂಗ್ರೆಸ್ ಸಚಿವರಾದ ಪ್ರಿಯಾಂಕ್ ಖರ್ಗೆ ಅವರು ಹಿಂದೂ ಧರ್ಮ ವಿರೋಧಿ ಹೇಳಿಕೆಗಳನ್ನು ನೀಡುತ್ತಾರೆ, ಆದರೂ ಅವರ ಮೇಲೆ ಕ್ರಮ ತೆಗೆದುಕೊಳ್ಳುವುದಿಲ್ಲ. ಇದರರ್ಥ ಇಲ್ಲಿನ ಕಾನೂನುಗಳನ್ನು ಕೇವಲ ಹಿಂದೂಗಳನ್ನು ದಮನ ಮಾಡಲು ಬಳಸಲಾಗುತ್ತದೆ.

೫. ಕೆಲವು ವರ್ಷಗಳ ಹಿಂದೆ ಲೋಕಸಭೆಯಲ್ಲಿ ‘ಲಕ್ಷಿತ ಹಿಂಸಾಚಾರ ತಡೆಗಟ್ಟುವಿಕೆ ಮಸೂದೆ’ಯನ್ನು ತರಲಾಗಿತ್ತು. ಅದರಲ್ಲಿ ಅಲ್ಪಸಂಖ್ಯಾತರ ರಕ್ಷಣೆಗಾಗಿ ಬಹುಸಂಖ್ಯಾತರ ಮೇಲೆ ನಿರ್ಬಂಧಗಳನ್ನು ಹೇರುವ ವಿಭಾಗಗಳಿದ್ದವು. ಈ ಮಸೂದೆಯನ್ನು ಹಿಂಪಡೆಯಬೇಕಾಗಿದ್ದರೂ, ‘ಹಿಂದೂಗಳಿಗೆ ಅನ್ಯಾಯ ಮಾಡುವ ಮತ್ತು ಹಿಂದೂಗಳ ಶೋಷಣೆ ಮಾಡುವ ಕಾನೂನುಗಳು ಮತ್ತು ಅವಕಾಶಗಳು (ಕಾನೂನು) ಅಂದರೆ ಭಾರತೀಯ ಜಾತ್ಯತೀತತೆ’ ಎಂಬ ಸ್ವರೂಪವಾಗಿದೆ.

೬. ಇತ್ತೀಚೆಗೆ ಬಂಗಾಳದ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಅವರು ೯೯ ಪ್ರತಿಶತದಷ್ಟು ಮುಸಲ್ಮಾನರನ್ನು ‘ಇತರ ಹಿಂದುಳಿದ ವರ್ಗಗಳ’ಲ್ಲಿ ಸೇರಿಸಿದ್ದಾರೆ. ಇಂದು ದೇಶದಲ್ಲಿ ಹಿಂದೂಗಳ ಕೇವಲ ೬೧ ಜಾತಿಗಳನ್ನು ಮತ್ತು ಮುಸಲ್ಮಾನರ ೧೭೯ ಜಾತಿಗಳನ್ನು ಇತರ ಹಿಂದುಳಿದ ವರ್ಗಗಳಲ್ಲಿ ಸೇರಿಸಲಾಗಿದೆ. ಇದರರ್ಥ ಹಿಂದೂ ವಿರೋಧಿ ಆಡಳಿತಗಾರರ ಮೂಲಕ ಹಿಂದೂಗಳ ಸಂವಿಧಾನಬದ್ಧ ಹಕ್ಕುಗಳನ್ನು ಸಹ ಇಂದು ಕಸಿದುಕೊಳ್ಳಲಾಗುತ್ತಿದೆ.

೭. ಇವೆಲ್ಲವನ್ನೂ ತಡೆಯಲು, ಹಿಂದೂಗಳ ನಿಜವಾದ ಹಿತಾಸಕ್ತಿಗಳನ್ನು ಸಾಧಿಸಲು ‘ವಸುಧೈವ ಕುಟುಂಬಕಂ’ ಎಂಬ ಘೋಷಣೆಯಲ್ಲಿ ನಂಬಿಕೆಯುಳ್ಳ, ಯಾರನ್ನೂ ಮೆಚ್ಚಿಸದೆ ಎಲ್ಲರನ್ನೂ ಸಮಾನವಾಗಿ ನೋಡುವ, ದ್ರೋಹಿಗೆ ಶಿವಾಜಿ ಮಹಾರಾಜರು ನೀಡುತ್ತಿದ್ದಂತೆ ಶಿಕ್ಷೆ ನೀಡುವ ಧರ್ಮ-ಆಧಾರಿತ ಹಿಂದೂ ರಾಷ್ಟ್ರವನ್ನು ಸ್ಥಾಪಿಸುವುದು ಒಂದೇ ನಿಜವಾದ ಪರಿಹಾರವಾಗಿದೆ. ಅದರ ಸಂಕಲ್ಪಕ್ಕಾಗಿ ಈ ಶಂಖನಾದ ಮಹೋತ್ಸವ!