ಭಾರತ ಉದ್ದೇಶಪೂರ್ವಕವಾಗಿ ಸತ್ಯವನ್ನು ಮರೆಮಾಚುತ್ತಿದೆ!: ಪಾಕಿಸ್ತಾನದ ರಂಪಾಟ

ಪಾಕಿಸ್ತಾನದ ಗುಪ್ತ ಪರಮಾಣು ಪರೀಕ್ಷೆಯ ಕುರಿತು ಟ್ರಂಪ್ ಹೇಳಿಕೆ; ಭಾರತದ ಪ್ರತಿಕ್ರಿಯೆ ಬಳಿಕ ಪಾಕಿಸ್ತಾನ ಆಕ್ರೋಶ

ಇಸ್ಲಾಮಾಬಾದ್ (ಪಾಕಿಸ್ತಾನ) – ಕೆಲವು ದಿನಗಳ ಹಿಂದೆ ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ರಷ್ಯಾ, ಚೀನಾ ಮತ್ತು ಪಾಕಿಸ್ತಾನದಂತಹ ದೇಶಗಳು ಗುಪ್ತವಾಗಿ ಪರಮಾಣು ಪರೀಕ್ಷೆಗಳನ್ನು ನಡೆಸಿವೆ ಎಂದು ಹೇಳಿದ್ದರು. ಈ ಕುರಿತು ಭಾರತ ಪ್ರತಿಕ್ರಿಯೆ ನೀಡಿದ ನಂತರ ಪಾಕಿಸ್ತಾನ ಭಾರತವನ್ನು ಟೀಕಿಸಿದೆ. ಪಾಕಿಸ್ತಾನದ ವಿದೇಶಾಂಗ ಸಚಿವಾಲಯದ ವಕ್ತಾರ ತಾಹಿರ್ ಅಂದ್ರಾಬಿ ಅವರು ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿ, ಪಾಕಿಸ್ತಾನದ ಕೊನೆಯ ಪರಮಾಣು ಪರೀಕ್ಷೆಯು ಮೇ 1998 ರಲ್ಲಿ ನಡೆದಿದ್ದು, ಪರಮಾಣು ಪರೀಕ್ಷೆಗಳ ಕುರಿತು ನಮ್ಮ ನಿಲುವು ಎಲ್ಲರಿಗೂ ತಿಳಿದಿದೆ ಮತ್ತು ಸ್ಪಷ್ಟವಾಗಿದೆ ಎಂದು ಉತ್ತರಿಸಿದರು. “ಭಾರತ ಉದ್ದೇಶಪೂರ್ವಕವಾಗಿ ಸತ್ಯವನ್ನು ಮರೆಮಾಚುತ್ತಿದೆ ಮತ್ತು ಟ್ರಂಪ್ ಅವರ ಹೇಳಿಕೆಯನ್ನು ತಪ್ಪಾಗಿ ಬಿಂಬಿಸುತ್ತಿದೆ. ಗುಪ್ತ ಅಥವಾ ಕಾನೂನುಬಾಹಿರ ಪರಮಾಣು ಚಟುವಟಿಕೆಗಳ ಆರೋಪಗಳು ಆಧಾರರಹಿತ ಮತ್ತು ದುರುದ್ದೇಶಪೂರಿತವಾಗಿವೆ” ಎಂದು ತಾಹಿರ್ ಹೇಳಿದರು.

🇵🇰💥 Pakistan Has a Meltdown Over India’s Reply to Trump’s Nukes Claim

Now Islamabad is whining that “India is deliberately twisting facts”

Funny – because if Trump had mentioned India instead of Pakistan, do we even need to imagine the tantrum they’d be throwing? 🔥

Selective… https://t.co/vIXMXJWW9E pic.twitter.com/f6bWqdqWuR

— Sanatan Prabhat (@SanatanPrabhat) November 15, 2025

ಭಾರತದ ಪ್ರತಿಕ್ರಿಯೆ ಮತ್ತು ಪಾಕಿಸ್ತಾನದ ಆಕ್ರೋಶ

ಟ್ರಂಪ್ ಅವರ ಹೇಳಿಕೆಯ ಬಳಿಕ ಕಳೆದ ವಾರ ಪ್ರತಿಕ್ರಿಯೆ ನೀಡಿದ ಭಾರತ, “ಪಾಕಿಸ್ತಾನದ ಗುಪ್ತ ಪರಮಾಣು ಚಟುವಟಿಕೆಗಳು ಹಲವು ದಶಕಗಳಿಂದ ನಡೆಯುತ್ತಿರುವ ಕಳ್ಳಸಾಗಣೆ ಜಾಲಕ್ಕೆ ಸಂಬಂಧಿಸಿದೆ” ಎಂದು ಹೇಳಿತ್ತು. ಭಾರತದ ಈ ಹೇಳಿಕೆಯಿಂದ ಸಿಟ್ಟಿಗೆದ್ದ ಪಾಕಿಸ್ತಾನ ಮೇಲಿನ ಪ್ರತ್ಯುತ್ತರ ನೀಡಿತು.

ದೆಹಲಿ ಬಾಂಬ್ ಸ್ಫೋಟದ ಹಿಂದೆ ಯಾರು ಇದ್ದಾರೆಂದು ನಮಗೆ ತಿಳಿದಿಲ್ಲ! – ಪಾಕಿಸ್ತಾನ

ಭಾರತದ ರಾಜಧಾನಿ ದೆಹಲಿಯ ಕೆಂಪು ಕೋಟೆಯ ಬಳಿ ನಡೆದ ಭೀಕರ ಸ್ಫೋಟದ ಪ್ರಶ್ನೆಗೆ ಉತ್ತರಿಸಿದ ಅಂದ್ರಾಬಿ, “ಸ್ಫೋಟ ನಡೆಸಿದವರು ಯಾರು ಎಂಬುದು ನಮಗೆ ತಿಳಿದಿಲ್ಲ” ಎಂದು ಹೇಳಿದರು. (ಪಾಕಿಸ್ತಾನಕ್ಕೆ ತಿಳಿದಿದ್ದರೂ ಅವರು ಹೇಳುತ್ತಾರೆಯೇ? ಭಾರತದ ಮೇಲಿನ ಹಲವು ದಾಳಿಗಳ ಹಿಂದೆ ಪಾಕಿಸ್ತಾನವಿದೆ ಎಂಬುದಕ್ಕೆ ಭಾರತ ಅನೇಕ ಪುರಾವೆಗಳನ್ನು ನೀಡಿದ್ದರೂ, ಪಾಕಿಸ್ತಾನ ಎಂದಿಗೂ ಒಪ್ಪಿಕೊಂಡಿಲ್ಲ ಎಂಬುದು ಸತ್ಯ! – ಸಂಪಾದಕರು).